خوێندنەوەی من لەسەر کانتۆنی شەنگاڵ،دوو قسەیش بۆ بنەماڵەی بارزانی/ ئارام ئەحمەد

به‌شی: وتارو بیروڕا
2015-01-18 17:19:44
_______________________________________________________________________________
بنەماڵەی بارزانی لەسەر تەنها نامەیەک"من عاشقی کچەکەی بارزانیم" کە نامەیەکی پڕ فەنتازیا بوو،نامەیەک کە هەڵقوڵاوی ناو بێدادیەک،کە ئەگەر کەس وکاری مەسئولەکان بیت ئەوا شاهانە ئەژیت،ئاواتخواستنێکی هونەری باڵا، بەوەی ئەگەر ببیتە زاوای سەرۆک بەهرەمەندی لە ژیان،

ئەگەریش کەسی ئەوان نەبیت ئەوا مافی ژیانت نیە،لەسەر ئەم نوسینە خێڵی مەلا مستەفا سەردەشت عوسمانیان بردو لە موسڵ ناودەمیان پڕ کرد لە فیشەک،ناگەهان ولەیەک کاتا ،سەردەشت توانی هەم ژیانی خۆی بکاتە قوربانی ،هەم بنەمالەی بارزانی بۆ هەتا هەتایە ڕسواو بەدنا وبکات.   با هەرکەسە ویژدانی خۆی بکاتە حەکەم،ئەوان لەسەر نامەیەک سەردەشتیان تیرۆرکرد، ئایە یەزیدیەکان کەزیاتر لە دوو دەیەیە لە ژێر دەسەڵاتی تاریکی بنەماڵەی بارزانیدان و زۆربەیان دەنگیان داوە بەوان، وەختێکیش هێزەکانی داعش دێن هەموو ناوچەکەیان و خەڵکەکەی یان دەکەونە بەردەست و لە ناو ئەچن، یان ئاوارە ئەبن،بە بێ ئەوەی هێزەکانی پارتی ویەکێتی تەنها فیشەکێک بتەقێنن لەسەر ئەو خەڵکە،ئەوان سەدان ژنیان بە تالان بران و فرۆشران و تەعدایان لێکرا،چۆن ئەبێت جارێکی تر ڕازی بن بە دەسەڵاتدارێتی بنەماڵەی بارزانی؟ناکرێت تۆ لەسەر نامەیەک بۆ کچەکەت کە هونەرییە نوسەرەکەی بکوژیت،بەڵام سەدان ژن لە یەزیدیەکان بەتاڵان ببڕێن قسە نەکەیت و هەر بدەوێ حاکمی موتڵەقیشیان بیت و لەلایەن ئەوانەوە وەربگیرێیت.   هەموومان ئەو راستیە تاڵە دەبینین،کە هەرێمی کوردستان بەشێکە لە عێراق و هەرێمێکی نیمچە سەربەخۆیە،لە بارەی سیاسەتی نێودەوڵەتییەوە وەک سەربەخۆیی سنووری ولاتان دیسان عێراق سنورەکانی دیاریکراون، هیزێکی تری دەرەوە ئەگەرچی کوردیش بن مافی ئەوەیان نییە بێن لە جێگایەکی هەرێمی کوردستاندا جێگا بگرن و حوکمرانی بکەن،ئەمە  لە ئەمریکاوە بۆ هەر لایەکی تر ناتوانێت پێچەوانەکەی بکات،بە داگیرکاری و شەڕ نەبێت،هەروەک ئەوەی کە بنەمالەی بارزانی زۆرترین هەوڵی دا کە ڕۆژئاوای کوردستان بکاتە موڵکی موتڵەقی خۆی یان هیچ نەبێت هەندێ حیزب بکاتە دەسەلاتدار کە کۆپی خۆی بن ولە کاتی خۆیدا هەموو لایەکمان دژی ئەو ئەقڵیەتە بووین.   دیسان گشت لایەک ئەزانین،کە پەکەکەو پەیەدە لە لاوازی یەکێتی و پارتی و هیزەکانیانەوە،نەیان توانی نەک نیشتیمان وگەلەکەمان تەنانەت خۆیشیان بپارێزن،ئەمەیش ئەو بۆشاییەی دا بەدەستەوە کە هەردو حیزبی باکورو ڕۆژئاوا دەخاڵەت بکەن و بێنە زۆربەی ناوچەکان دژی چەکدارانی داعش بجەنگن، بەتایبەت لە ناوچەی شەنگاڵ زۆرترین ڕۆڵیان بینی لە پاراستنی خەڵکی یەزیدیدا،بەلام دیسان ئەمە ئەبێت  وەک ئەرکێکی نیستیمانی و نەتەوەیی سەیربکرێت نەک بێنە ئەو ناوچەیەوە کانتۆنی خۆیان ڕابگەیەنن،ئەمە زۆر ترین ئەشکالیەت دروست دەکات و دروور نییە شەڕیکی ناوخۆیش بەدوای خۆیدا نەهێنیت.   ئەوەی کە لەم پەیوەندەوە لای من ڕەوایە کە خەڵکی شەنگال و دەورو بەری خۆیان خۆیان بەڕێوەبەرن و ئیدارەی بکەن،بەشە بودجەی خۆیان پێبدرێت و ببنە خاوەن ئیدارەی ناوچەکەی خۆیان،بە بۆچوونی من خەلکی شەنگاڵ نابێت دەسەلاتدارێتی پارتی و یەکێتی قبوڵ بکەن جارێکی تر،ئەوان بەو خەڵکە خیانەتیان کردوەو فرۆشتونیان،مافیان بەسەر ئەو خەڵکەوە نەماوەو دەبوو خۆیان ئەسڵەن لە ڕوویان نەهاتایە  وەک دەسەڵاتداری ئەوێ خۆیان بناسێنن،دەکرێت ئیدارەی سەربەخۆی خەلکی شەنگال" نەک پەیەدەو پەکەکە" سەربەهەرێمی کوردستان بن و شارەوانی خۆیان جودا بێت وەک ئەوەی لەم هۆڵەندایەی لای من هەیە،لەمەیش بەدەر خەڵکی شەنگاڵ مافی خۆیانە ئستفادەی لە فکرەی هەرلەیەنێک بکەن یان کۆمەکیان وەربگرن بۆ بەڕیوەبەرایەتیەکەیان،نابێت بە بیانوی بوونی پەیەدەو پەکەکە لەو مافە بێبەش بکرێن و،پەیەدەو پەکەکەیش دەبێت لە هەستکردن بە مەسئولیەتەوە ئەو ناوچەیە بدەنەوە بە دەست خەڵکی شەنگاڵ خۆیانەوە.     لە عیلاقە بەم کێشەوە، یەکێتی نیشتیمانی وەک هەمیشە سیاسەتی دوو فاقی پیادە ئەکات،لە لایەکەوە هاوسەنگەری مەسعود بارزانین و لە لایەکیشەوە نوێنەریان ئەچێتە کۆبونەوەی ئەو لیژنەیەی دانراون بۆ دروستکردنی کانتۆنی کوبانی،دڵنیام لەم دوو فاقیەدا ئاخری سیاسەتی دژەکەی هەڵدەبژێرێت،واتە دژی سەربەخۆیی بەڕێوەبردنی شەنگال،ئەوەی کە ئەیکات مزایدەیەکە چونکە ئەو  ناوچەیە جێگا نفوسی پارتی بوەو دەیەوێت ئەویش  کۆمەڵێ دەسکەوت بە دەست بهێنیت،خۆ ئەگەر مەسەلەکە پێچەوانە بوایە، بۆ نموونە پەکەکە یان پەیەدە بهاتنایەو لە سلێمانی کانتۆنێکی سەربەخۆیان دروست بکردایە، یەکێتی پەلاماری چەکی ئەدا،ئاخر بینیمان گۆڕان خۆیان خەڵکی شارەکەن ویەکەم هێزیش بوون لە سلێمانیدا کەچی یەکێتی وەک خێریان پێبکات هەندێ پۆستی لاوەکی داونەتێ.   بەڵی بۆ بەڕێوەبردنی خەڵکی شەنگاڵ لە لایەن خۆیانەوە نەک پارتی و یەکێتی.    

ئه‌م بابه‌ته‌ 772 جار بینراوه‌