بۆچی کۆبونەوەکەی ئەمڕۆی سەرکردایەتی یەکێتی نەکرا؟/ چاوی گەل

به‌شی: هه‌واڵ
2014-11-09 23:51:44
_______________________________________________________________________________
بڕیاربوو ئەمڕۆ یەكشەممە 09/11/2014 ئەنجوومەنی سەركردایەتی یەكێتی نیشتمانیی كوردستان كۆبوونەوەی ئاسایی خۆی ئەنجامبدات، بەڵام بەبێ‌ ئەوەی هیچ روونكردنەوەیەكی فەرمی لەلایەن ئەو حیزبەوە بڵاوبكرێتەوە، كۆبوونەوەكە ئەنجام نەدرا،هەرچەندە جەمیل هەورامی ڕایگەیاندوە گوایە بۆیە کۆبونەوکە نەکراوە هەندێ هەڤاڵیان لە دەرەوەی ولاتن،بەڵام ئەم ڕوانینە ئەسڵ وئەساسی نییە.

 ئەسڵی مەسەلەکە ئەوەیە کە باڵی بەرهەم ساڵح کە شانزە ئەندامی سەرکردایەتی و مەکتەب سیاسی تێدایە،، ڕێکو راست وتویانە کۆبونەوە بۆ چی؟کۆبونەوە تەنها بۆ ئەنجامدانی کۆبونەوە؟،ئەگەر تەنها تایبەتە بە مەسەلەی شەنگاڵ کوبانی و مەسەلەکانی  تایبەت بە هەرێم ئەوا پێوسیت ناکات،ئەگەر قسەکردنە لەسەر کێشەی بەغداو هەرێم ئەوا ئەو کێشەیە دراوەتە دەست لیژنەی دانوستاندن زائید حکومەتی هەرێم،ئەگەر کومیتەی سەرکردایەتی بە بیانوی بارودۆخوکارەساتەکانی شەنگاڵ وبەرخۆدانی کوبانی دژی داعش کەلە شەردان ئەوا ئەویش پەڕلەمان خستویەتیە ئەستۆی سەرۆکایەتی حکومەت،تەنها شتێک کە  پێویستە سەرکردایەتی قسەی لەسەربکات دیاریکردنی نەخشە ڕیگاو ستراتیژی سیاسی یەکێتییە،لەوە زیاتر گاڵتە کردنە بە یەکێتی وجەماوەرەکەی، ئێمە بۆ ئەوانە بەشداری ناکەین چونکە ئێمە وەک یەکێتی کێشەمان هەیە،دانیشتن و کوبونەوەی سەرکردایەتی تەیبەت نەبێت لە سەر کێشە کەڵەکە بوەکانی یەکیەتی کۆبونەوە گاڵتە کردنە بە خۆمان وبە خەڵک. خۆمان هەزاران دەردمان هەیەو ئەگەر کۆبونەوەکە بۆ چارەسەرکردنی دەردەکانی خۆمانە ئەوە زۆر باشە لەمە بەدەر بەشداری ناکەین.  لەنا وئەم باڵەدا دیدو بۆچونێک زاڵە کە پێیان وایە لە یەکێتی بێنە دەرەوەو هاوپەیمانی لەگەڵ بزوتنەوەی گۆراندا بکەن،ئێستا بە عەمەلی یەکێتی نیستیمانی دوو باڵی سەرەکیەو هیچ شتێک بەیەکیانەوە نابەستێت.

ئه‌م بابه‌ته‌ 823 جار بینراوه‌