کۆمەڵکوژی پاریس لەنێوان بێ دەنگی فەڕەنسا و توڕەیی گەلی کورد دا/ ANF - نەجیبە قەرەداغی

به‌شی: هه‌مه‌ڕه‌نگ
2014-10-28 19:32:26
_______________________________________________________________________________
9ی کانوونی دووه‌م‌ له‌ پایتەختی فەرەنسا پاریس لە بیرۆی ئینفەرماسیۆنی کوردستان یەک لە دامەزرێنەرانی PKK ( ساکینە جانسز ) ، نوێنەری کۆنگرەی نەتەوەیی کوردستان KNK لە پاریس ( فیدان دۆغان ) و ئەندامی ته‌ڤگه‌ری کورد لە ئەوروپا ( لەیلا شایلەمەز ) کۆمەڵکوژکران ، لە ساڵرۆژی ئەو کۆمەلکوژیە نزیک دەبینەوە بەڵام جگە لە لێدوانێکی دادوەری سەرەکی کەیسەکە هیچ لێدوانێک لە لایەن دەوڵەتی فەڕەنساوە لەسەر ئەو کۆمەڵکوژیە نەدراوە .

ده‌رباره‌ی کۆمەڵکوژیەکە پارێزه‌ری بنه‌ماڵه‌ی قوربانیه‌کان لە فەڕەنسا ( ئه‌نتۆنی کۆمت ) رایگه‌یاند که‌ ئه‌و له‌ نیگه‌رانیه‌کانی گه‌لی کورد تێده‌کات ، له‌به‌رئه‌وه‌ی که‌ بڕیاری به‌ نهێنی لێکۆڵینه‌وه‌ی که‌یسه‌که‌ دراوه‌ ، بۆ ئه‌وه‌ش ناتوانێ زانیاری زۆر له‌سه‌ر ئه‌و که‌یسه‌ به‌ رای گشتی بدات.
پارێزه‌ر ( ئه‌نتۆنی کۆمت ) راشیگه‌یاندووه‌ :"ئێمه‌ وه‌ک پارێزه‌ر ناتوانین هه‌موو شتێکی له‌و دۆسیه‌دا هه‌یه‌ ڕاگه‌یه‌نین ، له‌ ڕۆژی یه‌که‌م دا بانگه‌شه‌ کرا که‌ ئه‌و کۆمه‌ڵکوژیه‌ حسابانی ناوخۆیی بووه‌ به‌ڵام ده‌رکه‌وت که‌ دووره‌ له‌راستیه‌وه‌ ، هه‌موو لێکۆلێنه‌وه‌کان ئاماژه به ده‌ستی تورکیا ده‌که‌ن ، به‌ڵام نازانین که‌ تورکیا کێ و چی له‌ پشت ئه‌و ڕوداوه‌وه‌یه "‌.
سه‌رجه‌م لێکۆڵینه‌وه‌کان ئاماژه‌ به‌ ده‌ستی تورکیا ده‌که‌ن
( کۆمت ) له‌به‌رده‌وامی لێدوانه‌که‌یدا رایگه‌یاندووه‌ :'' ئێمه‌ نازانین ده‌وڵه‌ته‌ یان هه‌ندێ ڕاوێژکاری ده‌وڵه‌تن ،یان رێکخستنی سه‌ربه‌خۆن ، ده‌وڵه‌تی پشت په‌رده‌ یان هێزی فاشیست وهێزی نایاسایین ، به‌ڵام شتی ئاشکرا ئه‌وه‌یه‌ که‌ ناتوانین تورکیا ره‌چاو نه‌که‌ین ''. پارێزه‌ر ( ئه‌نتۆنی کۆمت ) وتیشی: "دیداره‌کانی که‌سی قاتل و ئه‌و ته‌له‌فۆن و زانیاریه‌ ته‌کنیکیه‌کانی دیار ده‌بێ که‌ په‌یوه‌ندی ئه‌و ڕوداوه‌ به‌ تورکیاوه‌یه‌. زۆر ئیشاره‌ت هه‌ن که‌ ئاماژه‌ به‌ به‌رپرسیارێتی ده‌وڵه‌تی تورکیا ده‌که‌ن. له‌به‌رئه‌وه‌ی که‌ ( عومه‌ر گوینه‌ی ) نه‌ته‌وه‌په‌رستێکی توندڕه‌و و ڕادیکاڵه‌ . له‌سه‌ر ئه‌نگوستیله‌که‌ی سه‌مبولی سێ هیلالی نه‌ته‌وه‌په‌رستی تورک هه‌یه‌ ".
پارێزه‌ر کۆمت رایگه‌یاند ده‌رباره‌ی ( عومه‌ر گوینه‌ی ) هیچ دۆسیه‌یه‌کی زانیاری له‌ تورکیاوه‌ نه‌هاتووه‌ و وتی :" که‌م ده‌وڵه‌ت هه‌ن که‌ ده‌رباره‌ی سیخوڕی خۆی دا زانیاری بدات  به‌لام کاتێ سیخوڕی خۆیان ره‌وانه‌ی ده‌وه‌ڵه‌تێکی تر ده‌که‌ن ناچارن زانیاری بده‌ن ".
پاریزه‌ر رایگه‌یاند که‌ زانیاری له‌سه‌ر ( عومه‌ر گوینه‌ی ) له‌ ده‌زگای ئیستخباراتی فه‌ره‌نسا گرتووه‌ وله‌سه‌ر ئه‌وه‌ش وتی :"سه‌ره‌تا ووتیان پرسێکی ناوه‌خته‌ و پرسیارێکه‌ که‌ ده‌بێ نه‌کرێ . به‌ڵام بانگه‌شه‌نامه‌که‌ی له‌ دادگای لێپرسینه‌وه‌ی پاریسه‌ ، ناچارن و‌ڵام بده‌نه‌وه‌ ، هه‌ندێ گۆڕانکاری ده‌کرێ و  دڵنیام زانیاری ده‌گاته‌ ده‌ستمان ".
تا ئێستا ئه‌و چه‌که‌ی کۆمه‌ڵکوژیه‌که‌ی پاریسی پێ ئه‌نجام دراوه‌ نه‌بینراوه‌
پارێزه‌ر ( ئەنتۆنی کۆمت ) هه‌روه‌ها رایگه‌یاند که‌ لێپرسینه‌وه‌ی دۆزگه‌ر له‌ ماوه‌ی سالێکدا ته‌واو ده‌بێ و ئه‌و کاته‌ ده‌توانن رای گشتی لێ ئاگادار بکه‌نه‌وه‌. ده‌ر‌باره‌ی ئه‌و هه‌واڵانه‌ی که‌ له‌ چاپه‌مه‌نی تورک دا هه‌یه‌ وتی دۆسیه‌که‌ نهێنیه‌ چاپه‌مه‌نی ناتوانن زانیاری وه‌گرن ئه‌وه‌ی که‌ هه‌یه‌ له‌ چاپه‌مه‌نی تورک دا راست نیه‌ و حقوقیش نییه‌ .
پارێزه‌ر ده‌رباره‌ی ژماره‌ی قاتڵه‌کان وتی :" هه‌موو به‌ڵگه‌ و وێنه‌کان له‌ ده‌ستماندایه‌ که‌ ئه‌و کاته‌ی کۆمه‌ڵکوژیه‌که‌ ئه‌نجام ده‌درێ ، جگه‌ له‌ ( عومه‌ر گوینه‌ی ) که‌سی تر له‌ جێی ڕوداوه‌که‌ نه‌بووه‌ . له‌سه‌ر یه‌کێ له‌ فیشه‌که‌کان پاشماوه‌یه‌کی جینی هه‌یه‌ ، به‌ڵام بونی دی ئێن ئه‌ی که‌سێکی تر هیچ واتایهه‌کی نیه‌ ، ئه‌وه‌ش به‌و واتایه‌ نایه‌ت که‌ که‌سێکی تر هه‌بووه‌ ". ( کۆمت ) وتیشی هێشتاش ئه‌و چه‌که‌ی که‌ کۆمه‌لکوژیه‌که‌ی پێ ئه‌نجام دراوه‌ نه‌بینراوه‌ته‌وه‌ .
دزینی کۆمپیۆته‌ری دۆزگه‌ری تایبه‌تی دۆسیه‌که‌ رووداوێکی سه‌رنج راکێشه‌
( ئه‌نتۆنی کۆمت ) بانگه‌شه‌ی چاپه‌مه‌نی تورکی به‌ درۆ خسته‌وه‌ که‌ ده‌ڵێن ( عومه‌ر گوینه‌ی ) نه‌خۆشه‌ و له‌ ماوه‌یه‌کی نزیک دا ئه‌گه‌ری ئازاد کردنی هه‌یه‌ ، وتی ئه‌و بانگه‌شانه‌ ڕاست نین و وتی :" لێپرسینه‌وه‌ له‌سه‌ر ژیانی عومه‌ر گوینه‌ی له‌ هۆڵه‌ندا و ئه‌ڵمانیا به‌رده‌وامه‌ ". ده‌رباره‌ی دزینی کۆمپیۆته‌ری دۆزگه‌ری تایبه‌تی دژه‌ تیرۆر ( جه‌ین دۆیا ) کۆمت وتی : "له‌ کاتێکدا که‌ کاربه‌ده‌ستانی فه‌ره‌نسی دیداریان له‌گه‌ل ده‌زگای ئیستخبارانی تورک ئه‌نجام ، ئه‌و ڕووداوه‌ که‌وته‌وه‌ و ئه‌وه‌ش ڕوداوێکی سه‌رنج راکێشه‌ ".
بۆ ڕوون کردنەوەی کۆمەلکوژی پاریس بەڵگەی پێویست و رازیکەر لە ئارادایه‌ 
هەروەها پارێزەری قوربانیانی کۆمەڵکوژی پاریس لە تورکیا جێگری هاوسەرۆکی BDP ( مەرال دانش بەشتاشە ) ، ماوەیەک لەمەوبەر هاتە پاریس و لەگەل پاریَزەری فەرەنسی قوربانیان و بنەمالەکانیان دیداری ئەنجام دا.  بەشتاش دۆخی دوایی دۆسیەی کۆمەڵکوژیەکەی لە پاریس شرۆڤە کرد و وتی کە دۆزی کۆمەڵکوژیەکە لە تورکیا بە نهێنه راوەستەی لەسەر دەکرێ. 
بەشتاش رایگەیاند کە دەربارەی دۆسیەی عومەر گوینەی تۆمەتباری دیاری کۆمەلکوژیەکە لەبەردەم سەرۆک وەزیری تورکیا ئەرۆدغانیس رایگیەیاندووە کە پەیوەندی عومەر گوینەی لە تورکیا هەیە .  
بەشتاش رایگه‌یاند ئەو زانیاریانەی لە کەیسەکەدا لەسەر ( عومەر گوینەی ) دەشاردرێتەوە و پێی وایە کە لیپرسینەوە لە تورکیا و فەرەنسا بە پێی رێسای ئاسایی خۆی بەرێوەناچێ  و وتی ؛ بۆ ڕوون کردنەوەی کۆمەلکوژی پاریس بەڵگەی پێویست و رازیکەر لە ئارادایه‌ . 
تا ئێستاش پۆلیس له‌دۆزی کۆمه‌ڵکوژی پاریس بێ ده‌نگه‌
بزوتنه‌وه‌ی ژنانی ئازاد و دیموکرات له‌ باکوری کوردستان و تورکیا بۆ ڕوون کردنه‌وه‌ی کۆمه‌ڵکوژیه‌که‌ی پاریس له‌ ئاستی نێونه‌ته‌ویی دا ده‌ستی به‌ هه‌ڵمه‌تێک کرد.
بزوتنه‌وه‌که‌ له‌ 31ی گوڵان دا تا دووی حوزه‌یران دا له‌ ئامه‌د کۆنفرانسی ژنانی رۆژهه‌ڵاتی ناوینی ئه‌نجام دا کۆنفرانسه‌که‌ کرایه‌ دیاری بۆ هه‌رسێ ژنه‌ سیاسه‌تمه‌داری کورد که‌ له‌ پاریس کۆمه‌ڵکوژکران. له‌ ئه‌نجامنامه‌ی کۆنفرانسه‌که‌دا هاتبوو که‌ له‌ نۆی کانوونی دووه‌م له‌و جێیانه‌ی ژنان هاتوونه‌ته‌ کۆنفرانسه‌که‌ ده‌کرێ یادی کۆمه‌ڵکوژیه‌که‌ بکه‌نه‌وه‌ و وه‌ک رۆژی چالاکی له‌ دژی تاوانی سیاسی ئه‌نجام بدرێ .
له‌ هه‌نگاوی یه‌که‌م ده‌ست به‌ هه‌لمه‌تی کۆکردنه‌وه‌ی ئیمزا ده‌کرێ . بزوتنه‌وه‌ی ژنانی ئازاد و دیموکرات له‌سه‌ر بابه‌ته‌ رایگه‌یاند که‌ له‌ یه‌که‌مین ساڵی کۆمه‌ڵکوژی پاریس نزیک ده‌بینه‌وه‌ که‌ له‌ئه‌نجامی دا ( ساکینه‌ جانسز ، فیدان دۆغان و له‌یلا شایله‌مه‌ز ) تیرۆرکران و تا ئێستا ئه‌و دۆزه‌ ڕوون نه‌کراوه‌ته‌وه‌ و پۆلیس  بێ ده‌نگه‌.
داوای روون کردنه‌وه‌ی کۆمه‌ڵکوژیه‌که‌ی پاریس له‌فه‌ڕه‌نسا ده‌کرێت
بزوتنه‌وه‌که‌ رایگه‌یاند که‌ له‌ دژی تیرۆر بێ ده‌نگ بوون ، هاوکاری بۆ ئه‌و تاوانه‌یه‌ و داوایان له‌ کاربه‌ده‌ستانی فه‌ره‌نسا کرد که‌ ئه‌و تاوانه‌ ڕوون بکاته‌وه‌ و ، بکوژان ببینێته‌وه‌ و  سزایان بدات.
له‌ کۆتایی لێدوانه‌که‌دا هاتووه‌ : وه‌ک بزوتنه‌وه‌که‌مان له‌گه‌ل ژنانی رۆژه‌هه‌ڵاتی ناوین ده‌ست به‌ هه‌ڵمه‌تێکی نێونه‌ته‌وه‌یی ده‌که‌ین ، هه‌ڵمه‌ته‌که‌ بۆ ئیمزاکردن ده‌که‌ینه‌وه‌ و ده‌زگای نێونه‌ته‌وه‌یی ده‌توانن ئه‌و هه‌ڵمه‌ته‌ ئیمزا بکه‌ن له‌ پێناوی ڕوون کردنه‌وه‌ی کۆمه‌لکوژی پاریس. ئیمزاکان له‌ رۆژی کانوونی دووه‌می 2014 له‌ رێی شاندێکه‌وه‌ راده‌ست به‌ کاربه‌ده‌ستانی فه‌ره‌نسا ده‌کرێ.
له‌یه‌که‌مین ساڵڕۆژی کۆمه‌ڵکوژیه‌که‌ی پاریس زنجیره‌ چالاکیه‌ک رێکده‌خرێت
له‌ سه‌روبه‌ندی یه‌که‌مین ساڵرۆژی کۆمه‌ڵکوژیه‌که‌دا بزوتنه‌وه‌ی ژنانی کورد له‌ ئه‌وروپا له‌ لێدوانێکی دا پلانسازی بۆ چالاکی ده‌کات له‌ پێناوی ڕوون کردنه‌وه‌ی کۆمه‌ڵکوژیه‌که‌ی پاریس .
بزوتنەوەی ژنی کورد لە ئەوروپا ماوەی سالێکە کە هەر چوار شەممەیەک لە  (٢٠ ) ناوەندی جیاوازی ئەوروپا لەبەردەم کۆنسۆلخانەکانی وڵاتی فەڕەنسا چالاکی ئەنجام دەدەن .
( تەژەکە ) پلانسازیەکی فراوانی بۆ چالاکیەکانی مانگی داهاتوو داڕشتووە کە یەکەمین
سالرۆژی کۆمەڵکوژیەکەیە. 
لە ١١ ی کانوونی دووه‌می ٢٠١٤ دا لە سەرتاسەری ئەوروپا بە بەشداری کوردانی بەریتانیا ، نەمسا ، ئەلمانیا ، هۆڵەندا ، بەلجیکا ، سویسرا و فەڕەنسا بە ئامانجی شەرمەزار کردن و ڕوون کردنەوەی هێزی پشت پەردەی کۆمەڵکوژیەکەی پاریس رێپێوانێک رێک دەخرێ. رێپێوانەکە لە گارە دو نۆرد لە پاریس دەست پێدەکات و ، لە مەیدانی ڕیپۆبلیکا بە کۆبونەوەیەکی جەماوەری کۆتایی دێت.
مەیدانێکی تری چالاکیەکانی شەرمەزار کردنی کۆمەڵکوژیەکە ئەسکەندەنافیایە ، لە ١١ی مانگی کانوونی دووه‌م ، لە سوێد ، نوروێژ ، فینلەندا و دانیمارک رێپێوان و کۆبونەوەی جەماوەری ئەنجام دەدرێ. بەهۆی ساڵرۆژی نۆی جلەوە چالاکی چوارشەممەکان لە بەردەم کۆنسوڵخانەکانی فەرەنسا ئەمجارەیان لە نۆی کانوونی دووه‌م رۆژی کۆمەڵکوژیەکە ئەنجام دەدرێ. چالاکیەکە بە دروشمی '' بێ دەنگیتان لە هاوکاریتانەوە دێت " لە بریمەن ، بەرلین ، هامبورگ ، هانۆڤەر ، گیسن ، دارمشتاد ، فرانکفۆرت ، شتوتگارت ، موینشن ، دوسەلدۆرف ، بروکسل ، دەنهاگ ، ڤیەنا ، مارسیلیا ، پاریس ، ستراسبۆرگ ، بەرن ، زویرخ ، باسل و ، ستۆکهۆڵم ئەنجام دەدرێ . 
لە بۆن لە ٥ کانوونی دووه‌م لە سەعات یەکی نیوەرۆ لە سەر کۆمەلکوژی پاریس سیمینارێک دەدرێ. 
BONN: SÎMÎNER
Kat: 5 Çile
Saet:13:00
لە هامبۆرگ بەرنامەی یادەکە لە ٨ ی کانوونی دووه‌مدا لە ناوەندی سەنترۆ پێک دێت. هەروەها لە ٩ ی کانوونی دووه‌مدا سەعات چواری دوای نیوەرۆ لە هاکمان پلاتز رێپێوانێک ئەنجام دەدرێ.
HAMBÛRG: YADKIRDINEWE
Kat: 8 Çile
Saet: 18:00
Nawnîşan: Le Navenda Centro
MEŞ:
Kat: 9 Çile
Saet: 16:00
Nawnîşan: Hachmannplatz
لە ئۆلدنبێرگ لە نۆی کانوونی دووه‌مدا کۆبونەوەیەکی جەماوەری ئەنجام دەدرێ.
OLDENBÛRG: MÎTÎNG
Kat: 9 Çile
لە بەریمەن بەرنامەی یادکردنەوەکە لە ٥ ی کانوونی دووه‌م سەعات یەکی نیوەرۆ ئەنجام دەدرێ لە نۆی کانوونی دووه‌مش دا سەعات ٤ ی دوای نیوەرۆ کۆبونەوەیەکی جەماوەری ئەنجام دەدرێ.
BREMEN: YADKIRDINEWE
Kat: 5 Çile
Saet: 13:00
MEŞ
Kat: 9 Çile
Saet: 16:00
چالاکی نۆبەتگرتن لە دارمشتادی ئەڵمانیا لە نۆی کانوونی دووه‌م سەعات لە نێوان ١١ بۆ ٤ ی دوای نیوەرۆ ئەنجام دەدرێ . سەعات ٦ی به‌یانیش تا ٦ ی ئێوارە ریپێوان و کۆبونەوە دەکرێ. 
DARMSTADT: ÇALAKÎ ÊŞGIRTIN
Kat: 9 Çile
Saet: 11:00- 16:00
16:00-18:00 RÊPÊWAN U KOBUNEWE
چالاکی ئیشکگرتن لە شاری گیسنی ئەلمانیاش لە نۆی کانوونی دووه‌مدا لە نێوان سەعات ٢ ی دوای نیوەرۆ بۆ ٥ لە لیونگاسە سیلتەس ویگ ئەنجام دەدرێ.  
GÎESSEN: ÇALAKÎ ÊŞGIRTIN
Kat: 9 Çile
Saet: 14:00- 17:00 
Nawnîşan: Lowengasse Seltersweg
هەروەها ساڵرۆژی کۆمەلکوژی پاریس لە نۆی کانوونی دووه‌م لە فرانکفۆرت ، ساربروکەن ، مانهایم ، چالاکی ئێشکگرتن ئەنجام دەدرێ. 
FRANKFÛRT: ÇALAKÎ ÊŞGIRTIN
Saet: 11:00- 18:00 Nobed
Nawnîşan: Haûptwache
هەمان رۆژ لە سەعات دوو و نیوی نیوەرۆ لە بەردەم کۆنسۆلخانەی فەرەنسا تاجە گولینەی ڕەش دادەنرێ و کۆبونەوە دەکرێ.
SAARBRUCKEN: ÇALAKÎ ÊŞGIRTIN
Kat: 9 Çile
Saet: 14:00- 17:00
Nawnîşan: berdem Konsolosxaney Fransa
لە مانهایم دوای چالاکی ئێشکگرتن لە پاراداپلاتز چادر هەڵدەدرێ و سەکۆی زانیاری دادەنرێ. 
MANNHEÎM : ÇALAKÎ ÊŞGIRTIN
Kat: 9 Çile
Saet: 13:00- 18:00
Nawnîşan: Paradaplatz
لە شتوتگارت لە ٤ ی کانوونی دووه‌مدا سەعات ٢ ی نیوەرۆ کۆبونەوەی یادکردنەوەی ئەنجام دەدرێ. 
STÛTTGART: kobunewey yadkirdinewe
Kat: 4 Çile
Saet: 14:00
Nawnîşan: Komeley Çandî Mezopotamya-Stûttgart
نۆی کانوونی دووه‌م سەعات ٤ و نیوی دوای نیوەرۆ لە بەردەم کۆنسولخانەی فەرەنسا چالاک پرۆتستۆیی ئەنجام دەدرێ. 
Kat: 9 Çile
Saet: 16:30
Nawnîşan: Rotebuhlplatz/Stadtmîtte
لە ئەسلیگەن لە ٢٥ ی کانوونی دووه‌مدا مەراسیمێکی یادکردنەوە رێک دەخرێ 
ESSLÎGEN: yadkirinewe
Kat: 25 Çile
Saet: 14:00
Nawnîşan: Burgender Str. 5 / 73733 Mettîngen
بەرنامەی یادکردنەوە لە فۆرزهایم لە ١٩ کانوونی دووه‌مدا لە ناوەندی کەلیوری کوردی پێک دێت
FORZHEÎM: yadkirdinewe
Kat: 19 Çile
Saet: 14:00
Nawnîşan: Nawenda Çandî kurdî
رێپێوانی گەورە لە نۆی کانوونی دووه‌مدا بۆ بەردەم کۆنسولخانەی فەرەنسا لە دۆسەلدۆرف پێک دێت  بەشداران لە شارەکانی کۆلن ، بۆن  ، دیسبورگ ، دۆرتمۆند ، دوسەلدۆرف ، ئەسەن و بیلەفێلد پێک دێت. 
Nawnîşan: berdem kosolosxaney Fransa le Dusseldorf
Kat: 9 Çile
Saet: 12:00
رۆژی ٤ ی کانوونی دووه‌م لە بەرلین سەعات ٣ پاش نیوەرۆ رێپێوانێک ئەنجام دەدرێ و ٥ کانوونی دووه‌م پێشانگایەک دەکریتەوە ، هەروەها ٨ی کانوونی دووه‌م تاجەگولینەیەکی رەش لەبەردەم کۆنسولخانەی فەرەنسا دادەنرێ و نۆی کانوونی دووه‌میش کۆبونەوەی یادکردنەوە دەکرێ. 
BERLÎN: rêpêwan
Kat: 4 Çile
Saet: 15:00
Nawnîşan: Hermanplatz
PÊŞENGAY WÊNE 
Kat: 5 Çile
تاجەگولینەی ڕەش لەبەردەم کۆنسولخانەی فەرەنسا لە لە هەمان شار لە نۆی کانوونی دووه‌مدا دادەدنرێ.
Kat: 8 Çile
Saet: 15:00
KOBUNEWEY YADKIRDINEWE LE BERDEM KOSOLOSXANEY FERENSA 
Kat: 9 Çile
لە هانۆڤەر لە ٥ی کانوونی دووه‌مدا مەراسیمی یاد کردنەوە ئەنجام دەدرێ. 
لە نۆی کانوونی دووه‌مدا لەبەردم کۆنسولخانەی فەرەنسا کۆبونەوەی پرۆتستۆیی دەکرێ .
HANNOVER: YADKIRDINEWE
Kat: 5 Çile
ÇALAKÎ PROTESTOYÎ LEBERDEM KOSOLOSXANEY FERNSA
Kat: 9 Çile
بەشدارانی چالاکیەکە لە شاری سالزگیتەریشەوە دێن
لە ئەمستەردامی پایتەختی هۆڵەنداش لە ٤ ی کانوونی دووه‌مدا کۆبونەوەیەکی مەزن ئەنجام دەدرێ. 
HOLLANDA
AMSTERDAM: GIRDBUNEWE
Kat: 4 Çile
لە دەنهاگیش لە نۆی کانوونی دووه‌مدا لە بەردەم کۆنسولخانەی فەرەنسا بە چالاکی پرۆتستۆیی کۆمەلکوژی پاریس شەرمەزار دەکرێ .
DENHAAG: ÇALAKÎ PROTESTOYÎ LEBERDEM KOSOLOSXANEY FERNSA
Kat: 9 Çile

ئه‌م بابه‌ته‌ 417 جار بینراوه‌