وێنەی شەڕڤانێک و سەربازێکی سوپای ئەمریکی لە سنوری رۆژئاوای کوردستان ئەردۆگان توڕە دەکات.

ئەمرۆ یەکشەممە  ٣٠/٤/٢٠١٧ رەجەب تەیب ئەردۆگان سەرۆک کۆماری تورکیا بە فەرمی نیگەرانی خۆی و وڵاتەکەی لەسەر جێگیرکردنی سوپای ئەمریکا لە سنوری رۆژئاوای کوردستان و تورکیا راگەیاند.

رۆژنامەی حوڕییەتی تورکی لە چاپی ئەمڕۆیدا بڵاویکردۆتەوە “ئەردۆگان پێش گەیشتەكەی بۆ وڵاتی هیندستان، لە وەڵامی پرسیارێكی رۆژنامەوانیدا دەربارەی ئەو وێنەیەی کە لە تۆڕە کۆمەڵایەتییەکان بڵاکراوەتەوە نیگەرانی خۆی دەربڕیوە”.

حوڕەیەت ئەوەشی نوسیوە “سەرک کۆماری تورکیا لەوێنەیە نیگران بوە کە سەربازێکی سوپای ئەمریکا لەگەڵ شەرڤانێکی هێزێکی  “تیرۆریستی” پێکەوە وەستاون و ئاڵای ئەمریکا لە پشتیانەوە ئەشەکێتەوە ئەردۆگان زۆر لەوە توڕە بوە” ئەمە بەپێی بڵاوکراوەی رۆژنامەکە.

رۆژنامەی حوڕییەت ئاماژەی بەوەشداوە ”شەكانەوەی ئاڵای ئەمریكا لەپشت شەڕڤانانی رێكخراوێكی تیرۆریستی وەك یەپەگە زۆر بەجدی ئێمەی ناڕەحەت كردوە، لەكاتی سەردانماندا بۆ لای سەرۆكی ئەمریكا، نیشانی دەدەین و پێی دەڵێین فەرمون، ئیدی دەبێ ئەمە كۆتایی پێ بێت”.

ئەو وتانەی ئەردۆغان لەكاتێكدایە كە پاش هێرشی سوپای توركیا بۆ سەر رۆژئاوای كوردستان، ئەمریكا هێزەكانی خۆی لە سنوری نێوان سوریا و توركیا لە کانتۆنەکانی کۆبانی و جزیرە بڵاوەپێكردوە و هاوکات روسیاش هێزەکانی لە کانتۆنی عەفرین بڵاوەپێکردوە بۆ پاراستنی هاوڵاتیانی رۆژائاوای کوردستان لە هێرشکارییەکانی تورکیا.

تایبەتمەندییەکان: هەواڵەکان

زیادکردنی وەڵام