ئافرەتێكی پاسەوان لە بەندیخانەكانی ڕژێمی كۆریای باكوور چیرۆكی ئەشكەنجەدان و لێدان و دەستدرێژیكردنەسەر بەندكراوەكانی ئەو وڵاتە دەگێڕێتەوە.

لیم های جین، هێشتا ئەو رۆژەی بیرناچێتەوە كە دوای ئەوەی دوو برا هەوڵی هەڵهاتنیان داوە لە كامپەكە، دەستبەجێ وەكو تۆڵەسەندنەوەیەك حەوت ئەندامی خێزانەكەیان كوشتووە.

ڕوونیشیكردووەتەوە دوای چەند هەفتەیەك دوو براكە لەچین دەستگیركراون و ڕادەستی رژێمی كۆریای باكوور كراونەتەوە و كاتێک  گەڕێندراونەتەوە بۆ كامپەكە هەموو جەستەیان شوێنی لێدان و ئەشكەنجەدانی پێوەدیار بووە.

 

بەپێی هەواڵێكی دەیلی مەیڵ، دواتریش دووبرا هەڵهاتووەكە لەبەرچاوی بەندكراوەكانی دیكە لە پشتە ملەوە سەربڕدراون، دواتر بەندكراوەكان پێویست بووە بەرد بگرنە تەرمەكانیان ئەوەش وەكو هۆشدارییەك بۆ هەر كەسێك هەوڵی هەڵهاتن بدات.

لیم لەو كاتەدا تەمەنی 20 ساڵ بووە و ئەو ڕووداوە تووشی ترس و تۆقاندنێكی وای كردووە كە نەیتوانیوە چەند رۆژێك هیچ شتێك بخوات.

لیم ئاماژەیكردووە بەوەی ئەوە تەنها نموونەیەكی ژمارەیەكی زۆر لە ڕووداوی ناخۆش و قێزەونی ناو كامپەكانی ئەو وڵاتەیە لەماوەی حەوت ساڵ كاركردنی وەكو پاسەوان، لەنێوانیشیاندا كوشتن، ئەشكەنجەدان، دەستدرێژی سێكسی زیندانییە سیاسیەكان كە بە دوژمنی كیم جۆنگ ئون، سەرۆكی كۆریای باكوور لەقەڵەمدراون.

ئێستا لیم خۆشی زیندانی كراوە بەتۆمەتی بازرگانیكردن لەگەڵ چیندا. ئەو یەكەمین ئافرەتی پاسەوانە كە بەشێوەیەكی كراوە لەبارەی ئەزموونەكانی خۆی وەكو پاسەوان قسەی كردووە و بووەتە سەرچاوەیەكی دەگمەن بۆ ڕەوشی خراپی زیندانەكان و كامپەكانی دەستبەسەركردن كە تێیدا كاری قورس و نامرۆڤانە بە بەندكراوەكان دەكرێت و مەزەندە دەكرێت زیاتر لە 200 هەزار كەس لەخۆبگرن.

 

This is a rare photograph of some of the prisoners who ended up inside one of the camps in North Korea

This is a satellite image of Camp 12, a fenced-off farm growing corn and peppers near the Chinese border, and was where Lim first began working, aged 17

تایبەتمەندییەکان: هەمەڕەنگ

زیادکردنی وەڵام