ئەو سەربازەی پێشووی سوپای ئەمریكا، كە ئوسامە بن لادنی سەرۆكی قاعیدەی كوشت، وردەكاری كوشتنەكەی ئاشكراكرد، كە لەساڵی 2011 لەگەڵ تیمێكی تایبەتی سوپای وڵاتەكەی ئەو پرۆسەیان ئەنجامدا.

سەربازەكەی پێشووی سوپای ئەمریكا ناوی رۆبەرت ئۆنێلەو تەمەنی 41 ساڵە، لەكتێیكدا، كە بەناوی  “The Operator” بڵاویكردووەتەوە ئاشكرایكردووە، كە ئوسامە بن لادنیان لەبینایەكی سێ‌ نهۆمی كوشتووە.

رۆبەرت ئۆنێل ئاشكراشیكردووە، كاتێك ئێمە چووینە نهۆمی یەكەمی ئەو بینایەی سەرۆكی قاعیدەی تێدا بوو، رووبەڕوی شەڕێكی قورس بووینەوە لەگەڵ ئەو كەسانەی پاسەوانی ناوبراویان دەكرد، كە یەكێكیان ناوی خالید بن لادن بوو، ئەویش بەرگری لێدەكردو دواتر برینداركرا.

ئەو سەربازە ئەمریكییە هەروەها رایگەیاندووە، “من‌و سەربازێكی تری ئەمریكی چووینە نهۆمی سێیەمی بیناكەو روومان لەو ژوورە كرد، كە تایبەتبوو بەژووری خەوی بن لادن، لەو بینایەش دوو ژنمان كوشت، كە خۆیان ئامادەكردبوو بۆ خۆتەقاندنەوە.

رۆبەرت ئۆنێل باسی لەوەش كرد، كە هەر لەو ژوورەدا بەهۆی پێكدادانەكەوە سەرۆكی قاعیدە كوژراو دواتر بۆ دڵنیابوون لەكوشتنی فیشەكێكی ترم نا بەسەرییەوە، كە بەو هۆیەوە سەری بەتەواوی كون بوو.

ئوسامە بن لادن یەكێك بوو لەو سەركردە ئیسلامییە توندڕەوانەی، كە لەلایەن ئەمریكاوە داواكرابوو بۆ كوشتن‌و دوای پرۆسەیەكی تایبەت، لە ساڵی 2011 لەناوچەیەكی سنووری پاكستان كوژرا.

تایبەتمەندییەکان: هەمەڕەنگ

زیادکردنی وەڵام