بۆ گەلی وڵاتپارێزمان لەباشوری كوردستان ژنان و گەنجانی پێشەنگ، دەوڵەتی توركیا و حكومەتی ئەردۆغان لە بەرواری 4 / 5 / 2015 كۆشەگیریەكی توند و مەودا درێژی بەسەر رێبەری گەلانی كوردستان رێبەر ئاپۆدا سەپاندوە و هەتاوەكو ئەمرۆش بەردەوامە، هەمو لایەك ئەوراستیە دەزانن كە دەوڵەتی توركیا بەپێی ماوە درێژی و ماوە كورتی كۆشەگیری سەر رێبەر ئاپۆ شێوازی هێرشەكانی خۆی كۆڕیوە و ئامانجی ئەو تەنها لاوازكردن و لەئەنجامدا لەناوبردنی گەلی كورد و دەنگی ئازادی خوازیە، یەكێك لەكۆشەگیریە مەودا درێژەكان ئەوەیە كەلەوماوەیەی دوایدا تا روژی ئەمڕۆ بەسەر رێبەر ئاپۆدا سەپێنراوە، ئازادی خوازان باش دەزانن كە بەندكردنی رێبەر ئاپۆ و پچراندنی ئەو لەگەڵ دەرەوەدا بەمانای ئەوە دێت كەچارەسەری یەكەم و كۆتایی تەنها لەلای رێبەر ئاپۆیە و كەسی تر.

بۆ ئەم مەبەستە ئێمە وەك گەنجانی وڵاتپارێزی كوردستان و ژنانی گەنجی تێكۆشەر بۆهەمولایەك رادەگەیەنین كەدەوڵەتی تورك باش دەزانێت و ئێمەش پێویستە باش بزانین كە كۆشەگیری لەسەر رێبەر ئاپۆ بەواتای كۆشەگیری لەسەر چارەسەری دێت، بۆیە بانگوازیمان بۆ هەموو خەڵك لەباشوری كوردستان بەتایبەت ژنان و گەنجان هەیە كە خاوەنداری لەرێبەر ئاپۆ بكەن وەدەوڵەتی تورك هۆشیار دەكەینەوە كە كۆشەگیری كۆتایی بێ بهێنێت و هەرچی زوترە كفتوگۆی سیاسی لەگەڵ رێبەر ئاپۆدا دەست پێ بكات بۆچارەسەركردنی دۆزی كورد.

ماوەی 43 رۆژە چالاكی مانگرتن لە خواردنی (بێ كات و بێ گۆڕانكاری ) لەزیندانەكانی باكوری كوردستاندا دەستی پێكردوە و بەردەوامە ئێستاش تەندروستی مانگرتوان لە رەوشێكی ئاڵۆزدایەو گەیشتوە بەئاستێك كەئیدی لەمردن نزیك بونەتەوە چونكە بەشێكی زۆر لە كێشی جەستەیان لەدەستداوە، سەرەڕای ئەمانەش زوڵم و ستەم و دڕندەییەك كەلەلایەن حكومەتە فاشستەكەی ئەردۆغانەوە ئێستا لە زیندانەكاندا بەرامبەر بەكوردان و ئازادیخوازان پەیرەو دەكرێت لەدنیادا وێنەی نیە ئەشكەنجەیەك كەلەسەر زیندانیان بەڕێوە دەبرێت لەگەڵ ساڵانی پێشوتردا بەهۆی زۆربونیەوە بەراورد ناكرێت، رێژەی زیندانیان چەند قاتێك زیاد بوەو هەرزیندانیەك زیاتر لە مەودای خۆی ئازادی خوازانی تێدا بەند كراون تەنانەت لەومافە سەرەتاییانەی كەهەر زیندانیەك هەیەتی و مافێكی رێپێدراوە لەموو دنیادا بەڵام لەزیندانەكانی توركیادا قەدەغە كراون.

ئێمە بەرخودانی مانگرتوان پیرۆز دەنرخێنین و بەبەردەوامی بەرخودانی مزڵوم دۆغان و كەمال پیری دەزانین، لەهەمانكاتدا بانگەوازیمان بۆگەنجانی باشوری كوردستان ئەوەیە كەلەبەرامبەر ئەو كردەوە نامرۆڤانەی دەوڵەتی تورك و ئەردۆغان هەڵوێستی توند وەربگرن و لەبەرامبەریدا بێدەنگ نەمێنن، ئەم كارەش وەك ئەركێكی پیرۆزی نەتەوەیی و ویژدانی و ئەخلاقی و مرۆڤایەتی هەڵدەسەنگێنین.

گەنجانی وڵاتپارێزی كوردستان ژنانی گەنجی تێكۆشەر

29 / 3 / 2017

تایبەتمەندییەکان: وتارو بیروڕا

زیادکردنی وەڵام