قاچاخچیەکانی نەوت،جا چ سەرانی پارتی و یەکێتی بێت،چ تورکمەنەکان،چەند ڕۆژێکە دەستیان کردوە بە ژێر مێزەکانیانداو بۆ سەرقاڵکرن و گەمژەکردنی خەڵک،بۆ ڕاکێشانی سۆزی ئینسانە کڵۆڵ وداماوەکان،تا لە هەڵبژاردنەکاندا بەکاریان بهێنن ونەوتو سامانی زیاتر بدزن،مەلەفی ئالایان هێناوەتە سەر مێزو سەرقاڵی لێدوانن.

بیستو شەش ساڵە لە ناوچەی سلێمانی ئاڵا هەڵدراوە بە بێکێشە،لەژێر ئەو ئالایەدا سەرانی پارتی و یەکێتی شاهانە دەژین، بوونە ملیاردێڕو خەلکیش نانی نیە،ئاوی پاکی نیە،ئازادی و ژیانی نیە،لە هەولێرو بادینان بیست و شەش سالە ئەو ئاڵایە دەشەکێتەوە،سەرانی مافیای بنەمالەی بارزانی و سەرانی پارتی بوونەتە خاوەنی سەدان ملیار دۆلارو وەک ئەوەی لە بەهەشتا بن دەژین،خەڵکیش بەهرەمەند نیە لە مافە سەرەتاییەکانی خۆی،بچوکترین ئازادی نیەو لەژێر ئەو ئالایەدا تەعدا لە شەرەف و کەرامەتی تاکی کورد دەکرێت،لەژێر سیبەری ئەو ئاڵایەدا،وەدادوسەردەشت و سۆران و دەیانی تریان بردو تیرۆریان کرد.

لەژێر ئەو ئاڵایەدا باشور پارچە پارچە کراوە،دێگەڵە سنورە،ئەو ئاڵایە هەیەو لەشکری تورکیا لە کوردوستان پیاسە دەکات پەلاماری پەکەک و پەیەدەو خەلکی شەنگاڵ دەدرێت.هەرلەژێر ئەو ئالایەشدا زیاتر لە 3500 ژنی ئێزدی بران و فرۆشران و لە بازارەکانی عەرەبدا بازرگانیان پێوە کرا،لەژێر ئەو ئالایەدا سامانی وڵات تالان کرا.

پارچە پەڕۆیەک هیچ نیە و بۆ ئەوە باشە میزی پێدا بکەی،کە بەشەرەکانی لەژێریدا ئابڕویان بچێت،کەرامەتیان بشکێنرێت،کارو نان وئاو ژیانیان نەبێت،ئاڵا کاتێک قیمەتی هەیە کە ئینسانەکان لە ژێریدا ژیانێکی شەرافەتمەندانەیان هەبێت،ئابڕویان پارێزراو بێت،نان،کار،ئاو، خۆشگوزەرانیان هەبیت.

خەڵکی کەرکوک وەک ئەوەیە لە جەهەندمدا بژین،کەمترین ئارامیان نیە.ژیانیان زەوتکراوە، ئەو خەلکە ژێری شارەکەی هەمووی نەوتەو خۆی بۆ دەبەیەک نەوت هەڵوەدایە،گەنجەکانی بە پۆل بە شەقام و کۆلانەکاندا دەگەڕێن و دینارێ لە گیرفانیانا نیە،ئالا هەڵ بکەن یان هەڵی نەکەن چی لە ژیانی ئەو خەلکە دەگۆڕێت؟ئەم مزایدە پوچە چییە دەیکەن؟

سەدان سالە تورکمانەکان وکوردەکان لەو شارەدا بەیەکەوە دەژین،ئەوە کۆمەڵێ کرێگرتەی تورکیایە لەناو “تورکمانەکان”داو نەوت فرۆشەکانی پارتی و یەکێتیە دەیانەوێت ئاگری شەڕی قەومی لەو شارەدا خۆش بکەن.

ئالا گرنگ نیە،ژیان وئازادی و نان وکارو پاراستنی کەرامەتی ئینسان گرنگە،تۆ ئەمانە دابین بکە ئەوکاتە ئالاکەیشت لەهەرکوێ هەڵدەکەی هەڵیبکە،بە کەرکوک و دوا نوکتە خاکی کوردوستانەوە.

تایبەتمەندییەکان: وتارو بیروڕا

زیادکردنی وەڵام