جارێ شتێکی ئەوتۆم لەسەر ئەم خانمە نییە،ئەو تەنها دوو ڕۆژە گیانی لەدەست داوەولە بارەی ئینسانییەوەجۆرێکە لە نائەخلاقی،دوان لەمە هەڵدەگرین بۆ کاتێکی تر،هەڵبەتە ئەگەر بە پێویستمان زانی،ئەوەی کە بۆ هەموومان ئاشکرایە ئەم ژنە یەکێتییە،یەکێتیش مێژووی ئێمەی بێڕەحمانە ڕەش کردوەو حیزبێکە لەبەعس خراپتر هاتۆتە وێزەمان، حیزبەکەی ئەم خانمە مافیایەکی ڕەشە،کە ئەقڵی لە لولەی چەکەکانیدایە،ئەوان ئازادیەکانی ئێمەیان پێشێل کردوەو مافمانیان خواردوەو ئێمەیان چەوساندۆتەوە،بەم لۆژیکە تەواو مەنتقیە، ئەم ژنە بەبەشی خۆی بەشداری کردوە لەم هەموو ستەمکاریەدا.

ئەم خانمە دژی گەندەڵی هیچی نەوتو هەڵوێستی کاربڕی نەبوو،لەسەر چەوسانەوەی ژنان هیچی نەوت،لەسەر 17 ی شوبات هەڵوێستی نەنواند،لەسەر تیرۆری ڕۆژنامەنوسان هەڵوێستی نەبوو،ئەگەر لێرەولەوێ قسەیەکی کردبێت لەوچوارچێوەیە لای نەداوە کە حیزبەکەی دایناوە،خۆ ئەگەر لایبدایە جێگای نەدەبوو،هەندێ هەڵوێستی دوو فاقانەی هەبووە،وەک”نەشیش بسوتێ نە کەباب”،تەواوی ئەو هەڵوێستانەیشی لە کۆتاییدا بە قازانجی حیزبەکەی شکاوەتەوە،ئەگەر ڕەخنەیشی گرتبێت وەک یەکێتیەک گرتویەتی،هەتا نوسەریش نەبوەو نوسینەکانی زۆر سەرەتاییانە بووە،لەمەسەلەی گەندەڵیشدا ئەگەر خۆی یەک دیناری نەدزیبێت،ئینسانێکی زۆر پاک وشەریفیش بووبێت،دیسان مادام لەو حیزبەدا بووە،شانازی بە مام ویەکێتیەوە کردوە،شان بەشانی سەرانی مافیا ڕۆیشتوەو دانیشتوە،هەر وەک ئەوانە،کەواتە ئەم ژنەیش بە بەشی خۆی ستەمکارە،پێچەوانەی ئەمە دەبوو،وە دەکرا لەڕیزی مافیاکان دورکەوتایەتەوەو یەکێتی نەمابایە.

لێرەوە دەچمە سەر شین گێڕەکان،ئەوانەی شەوڕۆژ قورسایی ڕەخنەو قسەیان لە یەکێتیەو بە سەرچاوەی ڕۆژڕەشیەکانی دەزانن و وەختێکیش ئەم ژنە گیانی لەدەست دا،،دەستیان کردبە هەڵرشتنی فرمێسکی تیمساحی،ئەوەتا مەلا بەختیار دەڵێ”خۆم پەروەردەم کرد،خۆم ڕێکم خست بۆ کۆمەڵەو یەکێتی” ئەوانەی کە پەلەیان کرد تا لەم پرسە درۆزنانەیە دوانەکەون لەهەر کوێ بن،وەک مەلا بەختیارن.

هەڵبەتە ئەوانەی کە یەکێتین مافی خۆیانە،کادرێکیان لەدەست داوە،بەڵام ئەوەی سەیرە زۆرێک لە گۆڕانەکان،زیاتر لە یەکێتیەکان پرچی خۆیان ڕنیو کەوتنە بەخشینەوەی هاوارو دادو بێداد،ئەمە شورەییەکی گەورەیە،دوڕوانەو ماستاوچێتیە.

ئەوکەسانەو زۆری تریش کە واخۆیان دەردەخەن دژی ستەمکارین،لە ڕاستیدا خۆیشیان فۆرمیان ستەمکارە،ئەوەی هەیە جێگایەکی نییە تە لەوێوە ستەم پراکتیزەبکەن، هەر ئەمەیشە وەختێک ئاڵو گۆڕ دەکرێت،ئەم کەسە بە فۆرم ستەمکارانە و بە ڕوخسار ئازادیخوازانە،دەچنەوە سەرلوتکەی فۆرمەکەی خۆیانو لە ستەمکاری پێشو ستەمکارتر دەبن.

من خۆم،وەختێک یادەوەریەک دەنووسمەوە،بۆ لەدەستدانی هاوڕێیەکی ئازیزم یان کەسێکم دەنووسم،ئەگەر تا نوسینەکە تەواو دەبێت تەواو تەنگە نەفەس نەبم،ئەگەر پێڵوەکانم غەرقی فرمێسک نەبیت،ئەگەر بە ڕوخسارمدا فرمێسک نەیەتە خوارەوە،ئەگەر لە ئازارداو لە خەمدا خوێنم کەف نەکات،یەک وشە نانووسم،هەرگیز ناتوانم بە درۆ سەرەخۆشی لە خەڵک بکەم،بەدرۆ بڵێم خەمت دەخۆم و شەریکی خەمتم،هەرگیز ناتوانم سەرەخۆشیەک بنووسم ئەگەر باوەڕێکی قوڵم پێی نەبێت،ئیتر نازانم ئەم خەڵکە چۆن دەتوانن ئاوا دوو دێڕ بە درۆو بە مجامەلە بنووسن وبڵاوی بکەنەوە،چۆن دەتوانن ئەوەندە ناراستگۆبن و بە درۆ خۆشیان بوێ،،بەدرۆ ڕقیان لێ بێ،بەدرۆ لەگەڵ خەڵکی دابنیشن.

بەدەرلەمەیش ئەم جۆرە کارانە دەبنە دیاریدە،بەوەی هیچ جەلادێ،هیچ گەندەڵێ،هیچ مافیایەک لەسەرانی پارتی و یەکێتی کۆ لە هیچ کارێکی نەشیاو نەکەنەوە،چیان دەوێ بیکەنو بەردەوام بن لەسەر ستەمکاری،،بڵێن جاخۆ کە مردین لەپێشدا نەیارەکانمان قوڕمان بۆ دەپێوون ،نەفرەت لە ئارادا نییە،،کەواتە بۆچی بەردەوام سوار کۆڵی ئەم میلەتە نەبین.

من ڕێزم بۆ ئەم خاتوونە هەیە وەک ئینسان،دیسانەوە وەک ژن،لێ لە ستەمکاریدا نە،چەندە بچوکیش بێت،نابێ هیچ ستەمکارێ چاوەڕوانی ئەوە بکات مێژوویی بە پاکی بنوسینەوە کە خۆی پۆخڵی کردوە،تا ستەمکارە زیندوەکان دەرک بەوەبکەن پاش مردنیشیان نەفرەتباران دەکرێن.

هەموو خوێنەرانم دەبێت ئەو ڕاستیە دەرک بکەن،هەرگیز درۆ لەگەڵ زهنی خۆم ناکەم و بە دڵی کەس نانووسم،من ئەو مندالەم کە وەختێک پاشا ڕووتە،،دەڵێم ڕووتە،دەبڵ موراڵی وماستاوچێتی و مامەحەمەیی لە خوێنی مندا نەبوەو نابێت،بە درۆو سڵاو لەهیچ کەس ناکەم،هاوڕێیەتی درۆ ناکەم،هاوڕێیەتی هەرکەسێک بکەم،وەختێک باوەش بەیەکدا دەکەین وماڵئاوایی دەکەین دەبێت چاوەکانم پڕ ببن لە فرمێسک،دەبێ بە ڕاست خەڵکم خۆش بوێت و بەڕاستیش دژی ستەمکاران بم.

وای کە مردنە دوو ڕووییی!!

 

تایبەتمەندییەکان: بابەتی هەڵبژاردە

زیادکردنی وەڵام