ئەمڕۆ میدیاكانی نەمسا لەزاری پۆلیسی وڵاتەكەیانەوە ئاشكرایانكرد، دەسەڵاتداران بەنیازن دیوارێك لەسەر سنور نەمسا لەگەڵ ئیتالیا دروستبكەن لەچوارچێوەی ئامادەكارییەكان بۆ گرتنەبەری رێوشوێنی چاودێریكردن لەحاڵەتی زیادبونی ژمارەی كۆچبەراندا.

حكومەتی رۆما دەڵێت دانانی كۆتوبەند لەسەر سنورەكان بێ بەهانەیە، ئەمە بەلەبەرچاوگرتنی ئەوەی ژمارەیەكی كەم لە كۆچبەران لەو ناوچەیەوە دەچنەناو خاكی نەمسا، بەڵام دەسەڵاتدارانی نەمسا بەپێچەوانەی ئەم قسەیەوە باسلەوە دەكەن، پێشبینی دەكرێت شەپۆلی كۆچبەران بەمنزیكانە رو لە باكور بكات.

ماتیۆ رینتسی سەرۆك وەزیرانی ئیتالیا ئیدانەی ئەو پلانەی نەمسای كرد‌و وتی: ئەوە بەشێوەیەكی رون پێچەوانەی بنەماكانی ئەوروپا‌و دژی مێژو و لۆژیك‌و ئایندەشە” ئەمە بەپێی ئەوەی ئاژانسی رۆیتەرز بڵاویكردوەتەوە.

رێڕەوی (برینەر) كە دەكەوێتە نێوان نەمسا‌و ئیتالیا، قەرەباڵغترین شوێنی ناوچەی ئەلبە، دانانی كۆتوبەند لەم شوێنەدا دەبێتەهۆی هێواشكردنەوەی جموجوڵی هاتوچۆ لە ناوچەی بەیەكگەیشتنی ئیتالیا‌و ئەڵمانیا وەك دو هاوبەشی بازرگانی گەورە.

رۆژنامەی (تیرولەر تاجازایتونج) لەزاری فەرماندەی پۆلیسەوە بە رۆژنامەنوسانی راگەیاند، دەسەڵاتدارانی نەمسا دیوارێكیان بە درێژی (400) دروستكردوە‌و ماوەی دو هەفتەیە دەستكراوە بە كاركردن لەو پرۆژەیەدا.

تایبەتمەندییەکان: هەواڵەکان

زیادکردنی وەڵام