چەكدارانی حەشدی شەعبی دەست بەسەر ژمارەیەك بینا و بارەگاى حكومی و حیزبیدا دەگرن لە قەزای خورماتو، بەڵام ئێستا و بەپێى دواین زانیارى دۆخی شارەكە هێور بوەتەوە و دەنگی تەقە نابیسترێت.

دواى نیوەڕۆى ئەمڕۆ سێشەممە پەیامنێری (تۆڕى میدیاى گۆڕان) لە خورماتو رایگەیاندوە؛ ئەو هێزەی حەشدی شەعبی كە لە یاسا لایانداوە دەستیان بەسەر هەریەكە لە بینای بەڕێوەبەرایەتییەكانی پۆلیس و رەگەزنامە و هۆبەی كشتوكاڵ و تاپۆ و نەخۆشخانەی گشتی و بنكەی تەندروستی بازاڕی گەورە و بارەگای پێشوی كۆمەڵی ئیسلامی و بەڕێوەبەرایەتی پەروەردەی قەزاكەدا گرتوە.

وتیشی: “بەڵام ئێستا دەنگی تەقە نابیسترێت و رەوشەكە ئارامە، سەرجەم دوكان و شوێنە گشتییەكانیش داخراون”.

پێشتریش مەحمود سەنگاوی، ئەندامی مەكتەبی سیاسی یەكێتی و بەرپرسى میحوەرى گەرمەسێر بە (تۆڕى میدیاى گۆڕان)ى وت: “ئەمڕۆ كۆبونەوەی پێشمەرگە و حەشدی شەعبی لەسەر دۆخی خورماتو، ناكرێت، چونكە وەفدی حەشدی شەعبی نەهاتون بۆ ئەو شوێنەی كە بڕیاربو كۆبونەوەی لێبكرێت و هیچ وادەیەكی دیکەش بۆ كۆبونەوە دیاری نەكراوە”.

تایبەتمەندییەکان: هەواڵەکان

زیادکردنی وەڵام