وەختێک مام جەلال سەرۆک کۆماری عێراق بوو،مێدیا کۆیلەکانی یەکێتی بە هەق وبەناهەق سەری زمانیان وبنی زمانیان،”مام جەلال سەرۆک کۆماری عێراق و خانمی یەکەمی عێراق هێرۆ خان” بوو،ئەمە ئەگەر مام لای برا عەرەبە ڕەشتاڵەکانی کۆڕی نوکتەو تەزبێحاتیشی گەرم بکردایە، یان لە فرۆکەخانە لەسەر عەرەبانەی چوارتایی چاوەڕوانی میوانی بکردایە،دیسان ئەم بەیت وبالۆرەیە لێدەددرایەوە.

 

لەوکاتەوە فوادە مێشک بەتاڵ سەرۆک کۆمارە،لەسەر داوای هێرۆ نە ئەوەندە خۆیان لەقەرەی،”فواد مەعسوم سەرۆک کۆماری عێراق” دەدەن،نە بۆ تەنها جارێکیش بە ژنە هەژبەسەرەکەی دەڵێن” خانمی یەکەمی عێراق”ئاخر ئەو کاتەی فوادە کەلەزڵی مێشک بەتاڵ بوو بە سەرۆک کۆمار،هێرۆ لەناو جوملەیەک ژندا وتبووی”جاخۆ من کوێر دەبم بە ژنەکەی فواد بڵێن خانمی یەکەمی عێراق” لەوکاتەوە مێدیای یەکێتی غەزەبیان لەو ژنە گرتوەو ئەگەر ئێستا بیشمرێت ناڵێن “خانمی یەکەمی عێراق مردوە” ئەگەر سەیری تەواوی بارەگاکانی یەکێتی و جێگا بەناو حکومیەکان بکەین، تەنها وێنەیەکی فواد مەعسومی وەک سەرۆک کۆمار تێدا نییە،بە پێچەوانەوە تەواوی وێنەکانی مام جەلال هەروا ماوەتەوە بە بێ ئەوەی هیچ پۆستێکی هەبێت و ناویشی لە کولەکەی تەڕدا مابێت،ئەمەیە وڵاتێک کە بۆتە فشەخانە بەدەست کۆمەڵێ ئەقڵ کێوی و خەڵکانی بنەماڵەیی وخێڵەکی.

 

هێرۆ تەنها ئەوەی ژنی مام جەلالەو کچی برایم ئەحمەدە،لەمە بەدەر چەقالەیەکی بۆ کورد نەتەقاندوە،بە هەموو تەمەنی هێندەی کاتژمێرێک لە تەمەنی کچێکی گریلا،چ لە باکوری کوردوستان،چ لە ناو پەیەدەو ناوچەی شەنگاڵ وکوبانی زەحمەتی نەدیوەو هیلاک نەبووە،ژنێکی نەخوێنەوارو ساویلکەیشەو ناتوانێ تەنها پانزە دەقیقە وەک بەشەر قسە بکات لە هیچ مەیدانێکدا،کاتی خۆیشی ئەگەریەک وەرزێ لە شاخ بووبێت ئەوا سێ ساڵ لە ئەوروپا یان وڵاتانی تر بووە،ئەوەی کە کۆمەڵێ وێنەی گرتوە نایکاتە شۆڕشگێر.

 

کۆسرەت ڕاست دەکات کە دەڵێت” هێرۆ دەستی بەسەر سامانی یەکێتی و هێزی یەکێتیدا گرتوەو دەیەوێت یەکێتی بکات بە بنەمالە” ئەم ڕاستیە بەومانایە نیە کە پەرێزی کۆسرەت خاوێن بێت،وەلێ یەک حەقیقەتەو هێرۆ لەوکاتەوە مامی بردە بەرلین و شاردیەوە سەرقاڵی ئەوەبوو،ئێرانیش باشترین یارمەتی دا،تا بەسەر ئەو مەسەلانەدا زاڵ بێتو تا حەدێک زاڵیش بووە،شاناز درۆ دەکات کاتێک لە بەرامبەر کۆسرەتا دەڵێت” لە غیابی ئێوەدا هێرۆ خان ئەرکی بەڕێوەبردنی یەکێتی گرتۆتە ئەستۆ” ئەمە تەواو درۆیەو یەکێتی ئاشی نەزانەو خودا دەیگێڕێ و کەسی ناوێ بەڕێوەی بەرێ،تەنها مەسەلەی موچەو مێدیایەکی کۆپی کراو،کۆمەڵێ قسەی سواو، کۆبونەوە تەنها بۆ کۆبونەوە،ئەمانەیش هەرکەس دەتوانێ بیکات.

 

بەگشتی کوردوستان بۆ بەڕێوەبردن ئاسانترین شتە،بە نموونە،هەرکەس بەریتە جێگاکەی مەسعود، وەک مەسعود دەتوانێ سەرۆکی هەرێم بێت وەک 12 ساڵی ڕابردوو کە بوو،هەرکەس لە شەقام هەڵگریتەوە دەتوانێ بیخەیتە جێگاکەی کۆسرەت ،لەسەر تەنورێکەوە هەرژنێک بەریت دەتوانێ ڕۆڵی هێرۆ خان ببینێت،هەرکەس بەرە دەتوانێت ئەندامی سەرکردایەتی و مەکتەب سیاسی پارتی و یەکێتی بێت،ئاسانترین کارێک لە کوردوستان ئەوەیە سەرۆک،سەرکردە،ئەندام دەفتەر سیاسی،ئەندامی سەرکردایەتی،وەزیر،پەڕلەمانتار،هتددد بیت،ئەگەر مەسەلەکە تەنها پارە کۆکردنەوەو موچە خواردن و گەنە خۆری بێت”کە هەیە” ئیتر بۆ هەرکەس ناتوانێ بیکات؟!هیچ کارێک هێندەی کاری”سیاسەتچێتی” وخۆ هەڵواسین بە “حیزبدا” پارە فڕێ نادات.

 

هێرۆخان ژنێکی دڵ ڕەش،بێ سۆزو بێ هەست،ئەوەی میهرەبانی و ڕۆحی لێبوردەیی و بەیەکەوە ژیان بێت لەوژنەدا نیە،ژنێک سەرتاپا حاقد،پانتاییەکە لە نەفرەتێکی ئەزەلی،دوژمنی سەرسەختی جوانییە، ئەگەر ئەم دنیایە بخەیتە نا ومشتەکانی،هێشتا بیرلەوە ناکاتەوە بڵێ بەسە،نە کەسایەتی دەفامێ،نە دۆستایەتی و هاوڕێیەتی،نە گیانی هاوشارێتی،کە ڕقی لەکەسێک هەڵگرت تا ئەمرێ هەر ڕقی لێیەتی،هەتا ئەگەر خۆیشی ناهەق بێت.

 

ئەگەر سلێمانی خانمێکی پڕ هەست و بەسۆز،خانمێکی جوان و خان ومان،خانمێکی ئینسان دۆست و شار دۆست، خانمێكی لێبوردەو ڕۆح سوک و کردەوە سپی،خانمێکی خاوەن ماڵ،خانمێکی بەڕێزو خەڵک خۆشەویست و خۆشەویستی خەڵک،خانمێکی خاوەن سفرەو خوانی وەک”حەپسە خانی نەقیب”ی هەبووبێت،،داخەکەم هێرۆ تەوا دیووە پێچەوانەکەی ئەم ژنەی شاری سلێمانیە،خۆزگە هێرۆیش هەمان حەپسە خان بوایەو بە کاری چاکە ببوایەتە خۆشەویستی هەموان،نەک ببوایەتە ژنێکی بکوژو بردنی سەروسامانی خەڵک،داخەکەم فروانترین تاریکاییەو،،شاری سلێمانی دوای حەپسە خانی نەقیب،بووە خولقێنەری خراپترین و نامیهرەبانترین ژن لە هەناوی خۆیدا.

 

حەپسە خان دامەزرێنەری یەکەم قوتابخانە بوو،دیسان دامەزرێنەری یەکەم ڕێکخراوەی ژنان بوولە ساڵی 1930 دا. حەپسەخانی نەقیب، كچی مەعروف بەرزنجی نەوەی كاك ئەحمەدی شێخ‌و ئامۆزای شێخ مەحمودی مەلیك و ھاوسەری شێخ قادری حەفید؛ لە ساڵی ١٨٩١دا لە شاری سلێمانی ھاتۆتە دنیاوە.

 

بۆیە پێیدەڵێن حەپسە خانی نەقیب، چونكە مەعرووف بەرزنجی باوكی (نەقیب) بووە. ئەم پلەی (نەقیب)ییەشی لەلایەن حكومەتی عوسمانیەوە پێبەخشراوە بەو ھۆیەوە كە نوێنەری (سادات-شێخان) بووە.

 

 

 

 

تایبەتمەندییەکان: بابەتی هەڵبژاردە

زیادکردنی وەڵام