له‌ئاكامی نوقومبوونی به‌له‌مێك كه‌ ژماره‌یه‌ك كۆچبەری تێدابوو له‌ئاوی ئیجه‌دا، لانی كه‌م 39 له‌سه‌رنشینانی ناو به‌له‌مه‌كه‌ خنكان.

به‌ پێی هه‌واڵێكی پێگه‌ی (ئه‌نادۆڵ)ی توركی ئه‌مڕۆ شه‌ممه‌، ، به‌له‌مێك كه‌ زیاد له‌ ١٠٠ كۆچبه‌ری هه‌ڵگرتبوو، له‌دوای به‌ڕێكه‌وتن به‌ره‌و دورگه‌كانی (لێسبۆز)ی یۆنان، له‌ كه‌ناری (ئه‌یڤاجیك)ی توركیا تێكشكاوه‌و نوقووم بووه‌، به‌و هۆیه‌شه‌وه‌ ٣٩ كۆچبه‌ركه‌ پێنجیان منداڵن، خنكان.

هاوكات هێزه‌كانی پۆلیسی كه‌ناری توركی تا ئێستا توانییویانه‌ ٧٥ كۆچبه‌ری ناو به‌له‌مه‌ لێقه‌وماوه‌كه‌ رزگار بكه‌ن، به‌ڵام ژماره‌یه‌ك كۆچبه‌ر هێشتا چاره‌نوسیان نادیارە.

به‌ گوێره‌ی زانیارییه‌كان، هێزه‌كانی پۆلیس كه‌سێكیان له‌نێو سه‌رنشینانی به‌له‌مه‌كه‌دا ده‌ستگیركردووه‌ كه‌ گومانی ئه‌وه‌ی لێده‌كرێـت قاچاغچی بێت .

له‌ سه‌ره‌تای ئه‌مساڵه‌وه‌ تا ئێستا، ٢١٨ كۆچبه‌ر له‌كاتی هه‌وڵدان بۆ په‌ڕینه‌وه‌ به‌ئاوی ئیجه‌دا و به‌هۆی نوقوومبوونی گه‌یشتن به‌ یۆنان خنكاون.

تایبەتمەندییەکان: هەواڵەکان

زیادکردنی وەڵام