پارتی وبنەمالەی بارزانی زەحمەتیەکانی ئێمەیان کەمکردۆتەوەو بۆ کەشفکردنیان پێویستیمان بە خۆ ماندوکردن نییە،ئەوان ڕاست وڕەوان هاوار دەکەن،بنەماڵەیەکی خێڵەکین، نەک پارتیەک،ئەسڵەن حیزبێک بە ناوی پارتی هەرگیز نەبوەو نییە،هیچ بەناو سەرکردەیەکی بچوکترین بڕیاریان بەدەست نییەو پێکهاتەیەکن لە ئینسانی لۆمپەن و بەرگەراجی ،کۆنە جاش وئەمن وتەواری و پوڵ خۆرو نەخوێنەوار،ئەوەی کە بڕیاری بەدەستە تەنها بنەمالەی بارزانییەو یەک کەسیش نییە بتوانێت قسەیەک بکات لەقسەی یەک منداڵی بنەمالەی بارزانیدا.

ئەوان سەلماندویانە بنەماڵەیەکی خێڵەکی،دواکەوتو ،کۆنەپەرست،دژی مافەکانی ژنان، منداڵان،گەل ونیشتیمانن، کوردیان تەنها بۆ نۆکەرایەتی خۆیان دەوێت و بە هیچ جۆرێ باوەڕیان بە یاساو ڕێساکان، پەڕلەمان، سیستەم، دیموکراسی وئازادی،دادو دادوەر،ئەمانە لای ئەوان سەرتاپا کاو بایە.

لای ئەوان پەڕلەمان،حکومەت،یاسا،دەستور،بەیەکەوە ژیان ئازادی ڕێکخراو بوون کاری مێدیایی، ئەوانەن کە لە خزمەتی ئەواندا بن ولاستیکیەن چۆنیان بوێت ئاوا ڕایکێشن،ئەوەی سەرەواوێک لە مێشکیدا بێت بۆ ناسینی بنەمالەی بارزانی هیچ بیرکردنەوەیەکی ناوێ ئەوان کەشفن وماهیەتیان ئەمەیە،هەموو شتێ بۆ خۆیان،خۆیان ئاغاو سەرتاپاکانی تر ڕەعیەت و گوێ لە مست.

ئەوان واتە”بنەمالەی بارزانی” بەتەواوی خێڵن،خێڵێکی داخراو کە بچوکترین ڕایەڵە نایان بەستی بەم سەردەمەوە،ئەوان بەشەری هەزاران ساڵ لەمەو پێشن لە بیرکردنەوەدا،مێشکیان سانتیمەترێ لە هیچ مەیدانێکدا تەشەنە ناکات،خۆی چۆنە هەروایەو سابتە، هەرئەمەیشە کە قسەیەک دەکەن هەر ئەوەیە،ئیتر گۆڕینی نییە،لە پێناوی مانەوەی خۆیدا بسوتێنێ،بکوژێ،نیشتیمان بفرۆشی،درۆی زەبەلاح بکات،پارەی نەتەوەیەک بدزێ،بە باشی دەزانێت،ئاخر بیرکردنەوەی لە بازنگەی قازانج ومانەوەی خۆیاندا دەخولێتەوەو لەمە بەدەر شتێکی تر نییە هەم وجودی هەبێت هەم مانا.

ئەوان واتە “بنەمالەی بارزانی” دەبێت خەڵک داوای پارەیان لێبکات،نەک داوا لە خەڵک بکەن،ژن لە خەڵک بهێنن نەک ژن بدەن بە خەڵک،لەسەرەوە دانیشن نەک لە خوارەوە،خەڵک سڵاویان لێبکات،نەک سڵاو لە خەڵک بکەن،خەڵکیان لەبەریان هەڵبسێت نەک لەبەر خەڵک هەڵبسن،قسە بە خەڵک ببڕن نەک خەڵک قسەیان پێ ببڕێ،پێش هەمووکەس بچنە سەرسفرەو دەست بکەن بە نان خواردن، نەک خەڵک پێش ئەوان،هەمیشە پێش خەڵک بکەون نەک خەڵک پێش ئەوان،ئەمەیەماهیەتو کرۆکی ئەم بنەماڵەیە.

ئەوان هەورامی دەکەن بە قوربانی سۆرانی،هەورامی و سۆرانی دەکەن بە قوربانی بایدینانی،هەورامی و سۆرانی و بادینانی دەکەنە قوربانی بارزانیەکان کە کوێرە دێیکە،لە کۆتاییدا هەورامی و سۆرانی و بادینانی وبارزانیەکانیش دەکەنە قوربانی تەنها بنەمالەکەی خۆیان،ئەمە خۆیان سەلماندویانەو گفتوگۆ هەڵناگرێت و ئەوان ڕاستگۆیانە دەڵێن ئێمە ئەوەین.

وەلێ یەکێتی،ڕۆژێ مارکسیەو ڕۆژێ مائۆیی،گاهێ دیموکراسیەو گاهێ سۆشیال دیموکرات،هەنگاوێ سورەو پاش تاوێ قاوەیی، دەم لە ئازادی دەکوتێ وهیچ هێزێک نیە هێندەی ئەو دژی ئازادی بێت،باسی دەستاودەستکردنی دەسەلات دەکات و پارێزگارێک نادا بە هیچ لایەنێک کە زۆرینەی دەنگی هێناوە،دەم لە هەڵبژاردن دەکوتێ وفڕی بە باوەڕبوون بە هەڵبژاردنەوە نیەو خەرقە لە تەزویرو سندوق ڕفاندن و لە کۆتایشدا لولەی چەکەکانی دەردەخات، باسی دیموکراسی دەکات و بیستو پێنچ ساڵە لە دەڤەری سلێمانی ئەو ئازادی کردوە بە پەند،باسی ئازادی ژن دەکەن و مافی ژنانیان کردوە بە پۆڕی خوراو،باسی دەستپاکی دەکەن و لەوان دەست پیستر لە مێژودا نیە،هەمان ئەقڵی بنەماڵەیی و خێڵگەرای هەیەو خۆیی پێ مۆدێرنە،خۆیان بە خوێنەوار دەزانن و تا ئێستا یەک کەسیان تێدا هەڵنەکەوتوە لە کادرێکی گەمژەی پارتی تێپەڕێنێت،بۆ پیاوکوشتن و دزیو درۆکردن و مەلەف پێچانەوە،بەعس و ساواک و پیسترین مخابەرات بە شاگرد ڕاناگرێت.

کەواتە ئەوە بنەماڵەی بارزانیە شەریفانەترو ڕاستگۆیانە تر ماهیەتی چەپەڵی خۆیان بۆ هەموومان ومێژوو دەرخستوە،بۆ ناساندن وکەشفکردنیان پێویستیمان بەهیچ نییە،،وەلێ یەکێتی هەمان ئەوکارانە دەکات کە پارتی و بنەمالەی بارزانی دەیکەن کەچی دەمگەرمیشە.

تایبەتمەندییەکان: وتارو بیروڕا

زیادکردنی وەڵام