نەک تەنها سیاسەت هەموو شتێک لەم دنیایەدا نسبییە،کاتی خۆی منیش وەک گەمژەیەک کە سەر بە ئایدۆلۆژیای مارکسیزم بووم پێم وابوو هەموو شتێک نسبییە مارکسیزم نەبێت موتڵەقە،درەنگ تێگەیشتم مارکسیزم یان هەر ئایدیاکی تر چەندە فکری ئینسانی باشی تێدا بێت دیسان نسبییە،لە زەمەن ومەکانی خۆیدا ئاڵوگۆڕی بەسەردا دێت،ئێستا لە هزی مندا ئەوەی هەرد ین وئایدۆلۆژیایەکی زەمینی وئاسمانی پێ موتڵەق بێت لە نەزانێک وکۆیلەیەک زیاتر هیچی تر نییە،ناتوانێت بچوکترن جوانی بۆ سروشت و ژیانی ئینسان بێنێت جگە لە وێرانەو کوشتن و تاوان.

بە پێچەوانەی دنیاوە کە ئەوساو ئێستاش پێیان وایە سیاسەت شتێکی نسبییە من وایدەبینم وەک مومارەسە کردن موتڵەقە،موتڵەق بە مانای کردن و وتنی لە کاتی شیاوی خۆیدا،سیاسەتکردن زیاتر لە ئەقڵێکی کۆمپیتەری دەچێت،ئەگەر خراپ یان بەهەڵە مومارەسەت کرد دەبێت باجەکەی بدەیت،جا ئەو باجە هەرچی بێت،لەمە بترازێت سیاسەتیش وەک زانستێکی جیهانی دەکرێت هەر دەقیقەیەک ئالوگۆڕی بەسەدا بێت.

پێویستە مامۆستا کرێکاروهەر ئیسلامییەک توندڕەو یان هەر توندڕەوێکی سەربە ئایدۆلۆژیا جیاوازەکان باش بزانن،ئەوروپا بە جۆرێک بونیاد نەنراوە بە کەس بناغەکانی هەڵتەکێت،خەیاڵی کردنی ئەوروپا بە ئیسلامی، زیاتر وەهمێکە وەک چیرۆکێکی دروستکراو کە دەرخواردی منداڵانی مەملەکەتە هەرە دواکەوتوەکان بدرێت.

ئەوە کۆمەڵگا شەرقیەکانە چونکە خودی سەرۆکەکان،دادوەرەکان،سیاسیەکان،بەڕێوەبەرەکان،ئەگەر یاسا هەبێت خۆیان ڕاکردوی دەستی یاسان وهەموویان تاوانی گەورەیان ئەنجام داوەو کوشتویانەو بردویانە،ڕێگا دەدەن خەڵکانی توندڕەو جا هەر دینێکی ئاسمانی یان هەر ئایدیایەکی زەمینی هەبێت بیروباوەڕی توندڕەوی بڵاو بکاتەوەو لەسەر ئەرزەی واقع پراکتیزەی بکات،لە کۆمەڵگای مەدەنی و ولاتی یاسادا،کە سەرۆک وسەرکردەو سیاسیەکانی تاوانیان دەرهەق بە گەلی خۆیان ئەنجام نەداوە،  ڕێگا بەم بیرە فاشییە هەمە ڕەنگانە نادرێت.

کاتی خۆی کورد دەیوت” نانی کونە ماسی دەخواو پاسی جڕتاوا دەکات”ئەمە بەڕاستی لە مامۆستا کرێکار ڕوویداوە،دەنا بە ئەقڵی کێدا دەچێت تۆ لە وڵاتە ئیسلامیەکان و لە کوردستان کە بە نیگەرانییەوە هەموو دەرگاکان کراوەتەوە بۆ پەخشاندنی بیری ئیسلامی توندڕەو،دەیان مامۆستای ئاینی لە  بڵندگۆی مزگەوتەکانەوە خەڵکی بە کوشتن و تاوان و وێرانە باردەهێنێ،چونکە سەرانی حوکمەتۆکەکەی هەرێم خۆیان باوکی تاوانەکانن،مەیدانیان داوە بەمانەو لە دوایدا کۆمەڵگاو مێژوو غەرقی تاوان دەبێت و ئاسەواری ئاشتی و خۆشگوزەرانی و بەیەکەوە ژیان نامێنێت وتەواوی کۆمەڵگا مەحکومە بەوەی یەک دەنگو یەک ڕەنگ لە ژێر زەبری قامچیدا بیر بکاتەوە،ناکرێت لەو ولاتانەوە بێیت و پەنا بۆ ئەوروپاو یاساکانی بهێنێت و لێرەش بدەوێت بە نان و کارو لەسەر زەویەکانی ئەوان خەڵکی هان بدەیت بۆ کوشتن و تاوانکردن وهەڕەشەو چاو لەمو لەو سورکەیتەوە.

کرێکار ئەگەر ئاقڵ بایەو لە هونەری سیاسەتکردن تێبگەیشتایە،لە ناوجەرگەی ئەوروپاوە دەستخۆشی لە بکوژانی مێدیاکاران نەدەکرد لە ناوجەرگەی فەرەنساداو نەیدەوت خۆشحاڵم،یان هەرکەسێک ئەو مورتەدانە بکوژێت بەخشیشیان دەدەمێ،تۆ وەختێک دیلیت و لە قەفەزی  دادگادایت،ئەم قسانە کام مانای هەیە،جگەلە هەوڵدان بۆدروستکردنی قارەمانێکی خەیاڵی ڕۆژهەڵاتی کۆن،کە لە داستان و چیرۆکەکاندا باسکراوە،بە بێ ئەوەی لە بارەی مێژوییەوەو یان لە بارەی کردارییەوە،یان لەو ڕوانگەوە کە بزماری هزری خۆت لە کۆمەڵگادا بچەقێنیت بونێکت پێببەخشێت،؟.

هەڵەی کرێکار تەنها ئەوە نییە کە ئیسلامیەکی توندڕەوی جیهادییەو بۆ کۆمەڵگای بەشەری خەتەرە، بەڵکو ئەوەیشە کە زۆر دەڵێ بە بێ ئەوەی حساب بۆ مەکان و زەمان بکات.

تایبەتمەندییەکان: وتارو بیروڕا

زیادکردنی وەڵام