لەماوەی رابردوودا هەرێمی کوردستان بەشێوەی دوکان  بەرێوەبراوە ، ئەودوکانەی کە خاونەکانی لەبەریەکتری هەرچی کاڵاهەیە هەراجیان کرد ، بۆ ئەوەی بتوانن لەوماڵەی هەیانە پشکی زۆر بۆخۆیان ببەن ، سەرەنجام ماڵێکی وێران و قەرزوقۆڵێکی گەورەو خانەوادەیەکی برسی مایەوە ، 

  بەرپرسانی ئەم هەرێمە لەماوەی 23 ساڵی رابردوو ، وەک دووکانێک روانیویانە لەم هەرێمە بەشەریکی ، ئەوەی هاتۆتەناوی فرۆشتویانە و خستویانەتە گیرفانیان و خستویانەتە خزمەت ئارەزوکانیان و ئەوەی ویستبێتیان بۆخۆیان دابین کردوە داواجاریش ئەگەر خاوەنەکەی هاتبێتە دەنگ ، تۆمەتێکیان بۆدروستکردوە ، گرفتێکیان بۆ بەرهەم هێناوە پێیانەوە سەرقاڵ کردوە ، بۆ ئەوەی بیری بەرنەوە 
  دەرەنجامی ئەو پاشاگەردانیەی کەلەماوەی رابردوو هەردوو هێزی خۆسەپێنی هەرێم دروستیان کردبوو ، ئەمرۆ دەبینین گەلەکەیان توشی چ گرفتێک کردوە ، کەنەبونی پارەیە ، نەبونی پارە بەرەنجامی رزیبوونی دەسەڵاتێکە کەپێوابوە ، ئەوەی لەم هەرێمە هەیە هیخۆیەتی و کەسیتر خاوەنی نیە ، دەتوانێ تەسەروفاتی پێوەبکات ، ئەوانەی کە لاناویشدان وەک شاگردێکن کەتەنیا پاراستن و جیبەجیکردنی فەرمانیەکانیانە .
 
  بەڵام ئەوبازارە بێسەروبەرەیەی کەدروستیان کردوە، ئەوانەی ئەوان بەشاگرد تەماشایان دەکەن شەریکن لە خێرو بێرەکەی ، بەڵام دەسەڵات دارانی ئەم هەرێمە دەیانەوێت گەلەکەیان لەخۆشیەکانی داهات و سەرمایەی وڵات بێبەش بکەن و خەڵکەکەشی شەریکی زیانەکانی بکەن ، وەک پێشوو لەماوەی فەرمان رەوای کردنیاندا ،لە دەورو بەری هەڵبژاردنەکان بەنزینکێ کی زۆر ، پێشتریش شەورۆژ خەڵک سەرەی دەگرت ، سەرنجام بەناوی قەیران نرخی بەنزینان دووقات بەرزکردەوە ، بۆ ئەوەی زیانەکانیان پرکەنەوە ، کەلە ئەنجامی  خراپ بەرێوەبردنی ، بۆ خۆشبەختی کریارانیان  ، بەنرخێکی هەرزان تەواوی کاڵاکانیان هەراج کردبوو .
 
 دواجاریش بۆ ئەوەی لەبەرامبەر گەلەکەیان خۆیان وانیشاندەن کە لەم کارەیاندا سەرکەوتون ، دەتوانن بەرهەمی 23 ساڵی خۆیان ئاراستەی بازاری جیهان بکەن و مژدەی خۆشبەختی دەستی خۆماڵی بناخە بێگانە نمایش بکەن ، جاری خۆبەرێوەبەری بدەن و بیکەنە دەستکەوتی مەزنی ئەزمونە ساوایەیان ، بەڵام  لەیەکەم نمایشدا پایە لەرزۆکەکانی روخان ، ئێستا ئەوبۆریە نەوتەی کە بەپەلەپروزێ نمایشکرا لەبری خێربێنێت ، بوەهۆی نەهامەتیەکی گەورە بۆبازارەکەیان .
 
دەسەڵات دارانی ئەم هەرێمە ، بەدرێژای مێژوو حوکم رانیان لەم هەرێمە لەبازارێک زیاتر لێیان نەروانیوە . ئەوبازارە بۆ بەشێکیان خۆشی و ئاسودەی و بۆزۆرینەشیان کەوەک شاگرد لێیان دەروانن بۆتە  نەگبەتی بەهۆی ئیفلاسی ئیداری بەرێوەبردنیان، سەرنجام بەرخودانی خەڵک لەو خراپەکاریەی بەرامبەریان دەکرێت ، دەبێتە هۆی شۆرتێکی کارەبا، تەواوی ئەم بازارە دەسوتێنێ ، 
 
تایبەتمەندییەکان: وتارو بیروڕا

زیادکردنی وەڵام