لە رۆژئاوای كوردستان پێشڕەوی هێزەكانی یەپەگە‌و یەپەژە بەردەوامەو لەچەند ناوچەیەك كۆتاییان بە چالاكییەكانی داعش هێناوەو لەچەند ناوچەیەكیش شەڕ تائێستا بەردەوامە.

بەپێی میدیاكانی نزیك لە پەیەدە یەپەگە شەڕەڤان لە رۆژئاوای كوردستان رۆژ دوای رۆژ لەپێشڕەویدان‌و لەناوچەكانی نزیك رەقە زیانێكی زۆریان لەداعش داوەو تاكو ئێستاش شەڕ لەنێوانیاندا بەردەوامە.

هەروەها لەو شەڕو پێكدادانانەدا 47 چەكداری داعش كوژراون‌و ژمارەیەكی زۆریش برینداربوون، هاوكات دەستیش بەسەر چەندین جۆری چەك‌و تەقەمەنیدا گیراوە.

لەلایەكی ترەوە شەڕڤانان لە سنورەكانی كۆبانی رووبەرووی هێرشێكی داعش وەستاونەتەوە‌و سەرجەم ئەو چەكدارانەیان كوشتووە كاتێك ویستویانە بەرەو ناوچەكانی ژێر دەسەڵاتی یەپەگە بچن.

هاوكات لەو ناوچانەشی كە پێشتر داعش شەڕی تێدا كردوە لەدژی یەپەگە‌و یەپەژە شەڕڤانان ئەو ناوچانەیان پاككردونەتەوە‌و ئێستا هیچ چالاكی‌و هێرشێكی داعشی لێ نەماوە.

تایبەتمەندییەکان: هەواڵەکان

زیادکردنی وەڵام