گەشەکرنا جڤاکی گرێدای پێشکەفتنێ یە، جڤاکێن ل جهێ خو ڕاوەستیایی بەردەوام د پاشکەفتنێ دانن، ژ بەر کو ئەگەر خو نە گونجین دگەل پێشکەفتنێ ئاگەهدار نابن ژ پێشکەفتنێ و رێکێن بکار ئینانا وێ و لاواز دبن د ئەنجامدا دبن قوربانیێن دەوروبەرێن خو.

خالا دەستپێكێ یا پێشکەفتنێ دەست پێ دکت ژ خو گونجاندنێ، ئەڤە ژی د بوارێ کومەلناسی و دەروونناسیێ دا دهێتە ڤەکولین و خواندن ل سەر دهێتە کرن، نە بتنێ بابەتەكە گرێدای ب کەسەکی یان گروپەکا کەسان ڤە ژ بەر کو ل دەمێ هەبوونا هەر داهێنانەکێ مفایی دگەهینیت مروڤایەتیێ بێی جیاوازیا ڕەگەز و نەژاد و بیروباوەریێ و جیاوازیێن دی تر، خو نە گونجاندن دگەل پێشهاتیان لاوازیا جڤاکی دیار دکت و پاشڤەمانێ پتر کویرتر لێ دکت، ل دەمێ نەبوونا وەرارێ ئالاڤ ژ ناڤ دچت و گەلەك ئاریشەیان ل دویڤ خوە دهێلیت.

تاکەکەس ب رێکا خواندن و دویڤچوونا زانینێ و وەرگرتنا زانیاریان دشێت بیت کەسەك نموونە و داهێنانا بکت و خو پێش بێخیت پاشتر ببیتە کەسەك سەرکردە د ناڤ جڤاکی دا، ب رێکا خواندنا پەرتوکا، وەرگرتنا زانیاریێن د هەمی بوارێن جودا جودا یێن ژیانێ دا کەس دشێت ئالاڤەکێ باش ل دور خوە کوم بکت، بەلێ ئەگەر ئەڤ چەندە بجهـ نە ئینا وی دەمی ژ بلی زیانێ چ دی ناگەهینیت کەسێ، و و مەزنترین زیانێ دگەهینیت خو.


تایبەتمەندییەکان: کۆمەڵایەتی

زیادکردنی وەڵام