باوەری ب خوە بوون بنەمایێ سەرکەفتنێ یە بو هەر کەسەکی هەر ژ تەمەنێ دەستپێكا قوتابخانێ تا دویماهیك قوناغ، گومان نینە کو مروڤ د هەوڵدانێن بەردەوام دایە بو بجهـ ئینانا هێڤی و داخوازیێن خو چ ب دەست ڤە ئینانا کارەکی بیت یان دەست ڤە ئینانا باوەرنامێ بو ئارامکرنا ژیانا خو و مانا ل سەر پێن خو بێی کو پێتڤی ب کەسەكێ هەبت بو برێڤەبرنا ژیانا خو چ خێزان بیت یان دەوروبەر.

ژیانا مروڤی بەردەوام ئاریشە هەنە و جاران ئەڤ ئاریشە وەك زنجیرەکێ لێ دهێن و ئێك ل دویڤ یا دی پەیدا بن و دبن ئاستەنگ بو ژیانا مروڤی بەلێ ئەڤە ڕامانا وێ چەندێ نادت کو مروڤ دەستەبەدار بیت ژ  حەزێن خوە و ئەڤ ئاریشە دبنە رێ نیشاندەر بو مروڤی، باوەری ب خوە بوون وەك ل دەستپیكێ هاتی گوتن بنەمایێ سەرکەفتنێ یە.

ئەو کەسێ باوەری ب خو هەبیت ل دەستپێكێ ل دەڤ خو و پاشتر د ناڤ خێزانێ دا و د ناڤ جڤاکی دا کەسەك سەرکەفتی یە و بەردەوام دویڤچوونا زانینێ دکت و دشێت ب ساناهی ب سەر ئاریشەیان دا سەر بکەڤت و ببت کەسەك سەرکەفتی، ئانکو بجهـ ئینانا خەونێن خوە ل دەڤ وی سەڕەڕای هەمی ئاریشەیان ب ساناهی یە و چ ئاستەنگ نەشێن ب ساناهی تاکە کەسی بێ هێڤی بکن و دویر بکن ژ هێڤێن وی، کەسانێن باوەری ب خو هەیی نە بتنێ مفایی دگەهین نخوە و دەوروبەرێن خوە یێن نزیك بەلکی مفادارن بو جڤاکێ هەمیێ و داهێنانێ و کارێن ب مفا ئەنجام ددن و ببن کەسانێن چالاك د گەلەك بوارێن ژیانێ دا.

نەبوونا باوەریێ ب خو ئاریشەیە بو کەسی ژ بەر کو ل دەمێ باوەری نەبت کەس نەشێت بریارەکێ بدت بو هەر کارەك و پلانەکا هەبت چ بچویك بت یان مەزن ژ بەر کو دوو دلیێ پەیدا دکت و دوو دلی چ کەسێ پێش نا ئێخت و هەردەم د ترسا شکەستنێ دایە ژ بەر ڤێ چەندێ کاریگەریێ ل دەروونێ تاکە کەسی دکت و ل دویڤدا دبن ئەگەرێ نەخوشیێن جەستەیی، ئەڤجا باوەری ب خوە بوون دەست پێ دکت هەر ژ قوناغا زاروکینیێ ئەگەر قوتابیێ سەرەتایی باوەری ب خوە هەبت ئەڤ چەندە دبت رێکەك بو قوتابی د خواندن و تێگەهشتنا وانەیا ندا و بوق قوناغێن دویڤدا.

تایبەتمەندییەکان: کۆمەڵایەتی

زیادکردنی وەڵام