سەرۆكوەزیرانی عێراق لەبارەی خۆپیشاندانەكانی سنوری پارێزگای سلێمانی پەیامێكی بڵاوكردەوە و دەڵێت،بەقووڵی هاوسۆزم لەگەڵ خەم و ژانی خەڵکی خۆمان لەهەرێمی کوردستان، بەتایبەت شاری سلێمانی

مستەفا كازمی لەتویتێكدا كەلەهەژماری تایبەتی خۆی لەتۆڕی كۆمەڵایەتی تویتەر بەزمانەكانی كوردی و عەرەبی و ئینگلیزی بڵاویكردووەتەوە نوسیویەتی، ‏بەقووڵی هاوسۆزم لەگەڵ خەم و ژانی خەڵکی خۆمان لەهەرێمی کوردستان، بەتایبەت شاری سلێمانی شاخ و رۆشنبیری و ڕەسەنایەتی، توڕەییان پاساودارە چونکە بەرهەمی ساڵانێکی زۆر و چەندین دەیەی پێشووە.

هەروەها ئەوەشی نوسیوە،  بەجدی کاردەکەین لەسەر شایستەییەکانی گەل لەهەموو شارێکی عێراق.

وتەكانی كازمی لەكاتێكدایە، ماوەی چەند رۆژێكە خۆپیشاندان و ناڕەزایی لەسنوری پارێزگای سلێمانی و هەڵەبجە و ئیدارەكانی گەرمیان و راپەڕین دەستیپێكردووە و بەهۆی گرژییەكانەوە 12 كەس كوژراون و بەگوێرەی ئامارەكانی نەخۆشخانەی شار لەسلێمانیش 42 كەسی  دیكەش برینداربوونە.

تایبەتمەندییەکان: هەواڵەکان

زیادکردنی وەڵام