وتەبێژی كۆمیتەی پەیوەندییەكانی دەرەوەی كۆما جڤاكێن كوردستان (كەجەكە) لەبارەی ناردنی گەریلا بۆ شەڕی ئەرمینیا رونكردنەوە دەدات و دەڵێت، ئەوە درۆیەكی گەورەی توركیایە بیەوێت هەر شوێنێك داگیر بكات دەڵێت پەكەكە و كورد لەوێ هەیە.

ڕۆنی سەردەم، بە فورات نیوزی ڕاگەیاندووە، دەوڵەتی توركیا شەڕی ئازەری و ئەرمەنی قوڵتردەكاتەوە. 

ئاماژەی بەوەشداوە، ئەو دۆخە كە وەك شەڕی ئازەربیجان و ئەرمینیا دەناسرێت، لە ڕاستیدا شەڕی دەوڵەتی توركە و بەشێكە لە پرۆژەی عوسمانی و ئامانجەكانی ئەو پرۆژەیە بەڕێوەبەریی ئاكەپە ماوەیەك لەوە پێش نەخشەیەكی توركیای بڵاوكردبووە، ئەو ناوچەیەی لە خۆ دەگرت.

ناوبراو ئاماژەی بە ناردنی چەكدارە سوریەكان كرد بۆ شەڕی ئەرمینیا و ئازەربیجان و دەشڵێت “لە هەر جوگرافیایەكدا كە دەیانەوێت داگیری بكەن و شەڕ بكەن، بە پاساوی ئەوەی پەكەكە و كوردی تیادایە دەست دەكەن بە هێرشی داگیركەری و بەوەش بۆ هێنانەدیی ئامانجەكانی خۆیان، ئاستی درۆ گەورەكانیان و هەروەها دوژمنیایەتیان بەرامبەر بە كورد دەخەنەوەڕوو”. 

وتەبێژی كەجەكە جەختی لەوەكردووەتەوە،” بەهۆی شەڕی ئازەربیجان و ئەرمینیاوە، لەبارەی بزووتنەوەكەمانەوە هەواڵی درۆ بڵاودەكەنەوە، بەوەش دەیەوێت لە پێش هەموو شتێكەوە لە دژی گەلەكەمان و گەلان دوژمنایەتی قوڵتر بكاتەوە.

تایبەتمەندییەکان: هەواڵەکان

زیادکردنی وەڵام