کوردستان د نەدارا شکەستنێ دا

وەکو بەشێ ئێکێ دا ل دویڤ داتایان هاتی دیارکرن کوردستان د ئەزموونا دەولەتا نەتەوایەتی دا سەرکەفتی نەبوویە ، داکو سیستەمەكێ رێڤەبەری سەرنەکەفتی بێتە قەلەم دان دناڤ سالان دا رێڤەبەرێن وی سیستەمی ئەو ئاریشێن دروست دبیت د سیستەمی دا  چارەسەر ناکەن یان شیانێن چارەسەرکرنا ئاریشەیان دەست ددەت ، دەسەلاتان د بوارێن سیاسی و جڤاکی و ئابوری  کونترول ژ دەست دایە .

گرنگترین خالا سەرەکی یا سیستەمەکی شکەستی  خرابینا دەسەلاتێ یە، خرابینا سیستەمەکی ژ ئەنجامێ رێڤەبەران بەرژەوەندیا تاکە کەسی ژ بەرژەوەندیێن گشتی بەرزتر بینیت پەیدادبیت، د سیستەمەکێ شکەستی وەکو کوردستانێ لایەنێن دەسەلاتدار داکو رێڤەبەریا خو بەردەوام بدەن سیاسی و ماددی  دا و بو پاراستنا بەرژەوەندیا کەسانێن پشتەڤانێ دەسەلاتێ داخوازیا خەلکێ دی نابینن، د ئەنجام دا چینەکا پشتەڤانێ دەسەلاتێ ئاستێ ژیانا  بەرز و چینەکا زورینەیا خەلکێ ئاستێ ژیانا کێم بیت پەیدا دبیت ، نە سەیرە خەلکێ کوردستانێ پشتگێریا سەروك وەزیرانێ عێراقێ کازمی بکەن چونکی خەلکێ زورینەی کوردستانێ دەرفەتێن ژێدەرێن کوردستانێ بێ بەشن و ئەڤە نیشانا شکەستنا دەسەلاتداریا هەرێمێ یە .

دووەم خال  سیستەمێن شکەستی دا دەسەلات رێڤەبەری د ئەردێ سنورێ دەسەلاتا خودا ژ دەست دەت ،  بو نمونە %80 کونترولا سنورێ قەزا زاخو دەسەلاتێ ژ دەست دایە و پارێزگەها سلێمانی بریارێن یەکێتی سەر بریارێن حکومەتێ دایە ، خالا سیێ ژبەرکو نەبوونا هەستێ دیموکراسیەتێ دناڤ لایەنێن دەسەلاتێ حزب دبیتە دەولەت یان پارچەیەك ژ سیستەمی ، کەسانێن دژی حزبە دەسەلات وەکو دوژمنێ نەتەوایەتی دێتە قەلەم دان و تیرور کرن د ئەنجام دا رێژەیا بەشداربوونا هەلبژتنان کێم دبیت چونکی باوەریا خەلکێ نامینیت .  

د بوارێ ئابوری سیستەمێن شکەستی بێ هێزن ، ئەڤ سیستەمە نە بەرهەم هێنەرە بەلکو بکارهێنەرە و ژێدەر هەبیت ژ وێ چەندێ دویرە بکاربینیت ، ئەڤ سیستەمانە گرانیا ئابوری دکەڤیتە سەر پشکا خەلکێ ، نەبوونا یەکسانیا ئابوری و بەرزبوونا هەلئاوسانێ دا خەلکێ بەرەڤ کریارێن نە یاسایی دبەت ، بوارێ جڤاکی دا سیستەمێن شکەستی دەسەلات شیان نینە خەلکێ خو پارێزیت بەرامبەر هێرشێن وەلاتێن دی یان رێکخراوان دا و کوچکرنا کەسانێن ئاست بەرزێ وی وەلاتی یە بو ژیانەکا ئاست بەرزتر .

چارەنڤێسێ کوردستانێ دا نینە شکەستن بەلکو چارەنڤێسێ کوردستانێ ل ژێر دەسەلاتا پارتی دیموکراتی کوردستان و یەکێتی نیشتمانی کوردستان شکەستنە ، ئەنجامێ سیاسەتا حزبێن دەسەلاتدار ل کوردستانێ ئەزمونێن دەولەتا نەتەوایەتی و رێڤەبەری شکەستن هێنایە ، دناڤبەرا پارێزگەهێن هەرێمێ دا پێشبرکی پەیدا کریە و ئایندەیێ قەوارێ هەرێما کوردستانێ بەرەڤ پارچەبوونێ ڤە دچیت .

تایبەتمەندییەکان: وتارو بیروڕا

زیادکردنی وەڵام