کوردستان د نەدارا دەولەتا نەتەوایی دا

روژامەدا  تاکەکەس ناسناما خو ب نەتەوەیەکی پێناسە دکەت ، هەروەسا دەولەت رەوایێ ژ نەتەوەیەکێ وەردگریت و رێڤەبەرێن دەولەتێ خو دبینن نوینەرێ نەتەوەیەکێ ، چەرخێ ٢١ چەرخێ جیهانگێریێ یە و رێکخراوێن وەکو نەتەوێن ئێکگرتی و ئێکگرتنا ئەوروپا دگەل بەربەلاڤبوونا ئینتەرنەتێ بنیاتێ بیروکا دەولەتا نەتەوایی هەژینیت و ئەنجامێ ڤێ چەندێ دەنگێ لایەنێن نەتەوەپەرستان بەرزتر دبیت.

مەرجێن نەتەوایەتی پێکدێت ژکومەلەیەکا هەمان هەست و کلتور و مێژوو  ئەردەکێ سنورێ وێ دیارکری  هەبیت ،مانا کەسانێن هەڤنەتەوە هەمان خەیال هەیە رابردوو و داهاتی دا ,  ئەگەر ئەڤ مەرجانە پێکهات وی دەمی  نەتەوەی مافێ خورێڤەبەریا سەربەخویی هەیە ،  مەرجێن دەولەتبوونێ پێکدێت ژ بوونا پارچە ئەردەکێ سنوورێ دیارکری و نەتەوە و رێڤەبەری ، ئامانجا دەولەتێ پێدانا دادی و ئاشتی یە و دەولەت دێتە پێناسەکرن رێکخستنەك ژلایێ زوربەی نەتەوەی بێتە پشتەڤانیکرن .

د بیردوزا دەولەتا نەتەوایی دا بنیاتێ دەولەتێ هەبوونا هەمان هەستێ نەتەوایەتی یە ، ئەگەرێ بیرئینانا سەرهلدان و شورەشان و روژێن نیشتمانی بو ساخکرنا هەستێ نەتەوایەتی یە ، تا چاخێ ١٧ێ ل جیهانێ سیستەمێ پاشایەتی زال بوو ، پشتی شورەشا فرەنسا هەستێ نەتەوایەتی پەیدابوویە ، و د روژامەدا پێشکەفتنا تەکنولوژیا دا و ئاسانبوونا دەستڤەئینانا زانیاریان دا و شکاندنا سنووران د بازاری دا ژیانا رۆژانە رێکدئێخیت و ب ڤی شێوەی هێزا هەستێ دەولەتێن نەتەوایەتی لاواز دکەت.

ل دویڤ پێناسین هاتینە نڤێساندن کوردستان مەرجێن نەتەوایەتی پێکدێنیت ، بەلێ دەسەلاتدارا هەرێما کوردستانێ زوور دوورە ژ مەرجێن دەولەتبوونێ(دەسەلاتداری) تا نها نە سنوورەکێ دیار کری هەیە و ئەنجامێ سیاسەتا بەرژەوەندی تاکەکەسی لایەنێن سیاسی هەرێمێ TNT دانایە ژێر هەستێ نەتەوایەتی ل دەڤ خەلکێ کوردستانێ و بوشاتیا رێڤەبەری ل کوردستانێ روژانە زورتر دبیت دناڤبەرا خەلک و رێڤەبەران دا ، پرسیار ئەوە هەرێمەکا ( هەرێما کوردستانێ کریار دا دەسەلاتەکا دەولەتێ هەیە )  ئەزموونا دەولەتا نەتەوایەتی دا شکەستن بیت ! ئایا جهێ هەرێمێ د سیستەمێ جیهانی نوێ دا دێ چ بیت ؟

دێ بەردەوام بیت .

تایبەتمەندییەکان: وتارو بیروڕا

زیادکردنی وەڵام