رەوشت یاسایەکە ناهێتە دیتنێ بەلێ ژیانا روژانەدا کاریگەری زور هەیە ، د رۆمانا تاوان و سزا دا نڤێسەرێ مەزنێ روسیا فیۆدۆر دۆستۆیەڤسکی نێرینەکا سەیر هەبوو بو پێناسەیا رەوشتی ، فیۆدۆر دۆستۆیەڤسکی مروڤان دکەتە دوو جور : ناپولیونان و نومالی ، مانا کەسانێن حەزێن خو ل سەر هەر پیروزی دبینن وەکو ناپولیونی و کەسانێن نورمال، قارەمانێ رومانا تاوان و سزا دا روسکولنیکوڤ دەمێ دخواست بیتە ناپولیون  سزا دبیتە ئازارا ویژدانی .

دۆستۆیەڤسکی د رۆمانا تاوان و سزا دا ناپولیونان رەخنە ناکەت چونکی ئەگەری تێکدەریان نابینیت کەسانێن وەکی ناپولیونان ، چونکی داکو کەسەک بیتە بەرپرسیار ژ کریارەکێ دڤیا ئەو کەسە هەلبژارتنێ بکەت ، ئەگەر قەدەرا ناپولیون دا بوونا ناپولیون هەبیت بێ مانایە رەخنەگرتن ، سروشتێ کەساتیا ناپولیونی دا حەزا دەسەلاتبوونێ هەبوو ، مێشکەکێ فراوان و رێڤەبەرەکێ سەرکەفتی بوو ، ئەڤ حەزە سروشتێ ناپولیونی بوو و کریار ل دویڤ ڤێ حەزێ کرن ، ئەڤ حەزە بەرزترە ژ باشی و خرابی ، ژبەر ڤی ئەگەری ناپولیون ناهێتە تاوانبارکرن.

ل رومانا تاوان و سزا دا تاوانبار روسکولنیکوڤە ، چونکی ل دویڤ سروشتێ خو کریار نەکریە ، ئەنجامێ هزرکرنێ دا روسکولنیکوڤ کەسانەك کوشتی یە و ئەڤە سروشتێ وی دا نینە ، مانا وێ چەندێ یە  روسکولنیکوڤ تاوانبارە چونکی دژی سروشتێ خو راوەستایە ، فیۆدۆر دۆستۆیەڤسکی باسێ ئەو کەسانێ هاتی کوشتن ناکەت و باسێ زیانا کوشتنێ ناکەت رومانا تاوان و سزا دا ،  باسێ زیانا مەزن دکەت تاوانبار روسکولنیکوڤی روحا خو دکەت ، ئەنجام دا روسکولنیکوڤ دچیتە زیندانا سیبیریا و ئازادی ژ دەست دەت . 

فەلسەفا فیۆدۆر دۆستۆیەڤسکی دا کەسانێن نورمال دخوازیت بیتە ناپولیون بەلێ چونکی ئەڤ حەزانە سروشتی کەسانێن نورمال دا نینە و تاوانباری بەرامبەر سروشتێ خو دکەت تاوانبار دبیت ، ئەگەر ویژدان هەبیت مانا پرسیارا باشی و خرابی بکەت مانا وێ چەندێ دا ئەو کەسە ناپولیون نینە و دچیتە بازنا رەوشتی دا و ژلایێ کەسانێن دی کڕیار دێ هێتە هژمارتن باشی و خرابی ، بەلێ پەیڤا باشی و خرابی بو ناپولیونان ناهێتە بکارئینان چونکی ناپولیونان خو پرسیارا باشی و خرابی ناکەت چەوان کەسانێن دی کریارێن وان هژمار بکەت باشی یان خرابی ؟ ئەڤە ڤەدگەریت بو پەیڤا عیسا مسیعی : ئەو کریارا تو بو خو نەخوازی بو کەسانێن دی نەخوازە.   

تایبەتمەندییەکان: هۆنراوە

زیادکردنی وەڵام