دۆناڵد ترەمپ، سەرۆكی ویلایەتە یەكگرتوەكانی ئەمریكا وردەكاری چۆنییەتی كوشتنی مامی سەرۆكی كۆریای باكور دەكات، كە بەگوێرەی وتەكانی ترەمپ، “كیم سەری مامی بڕیوە”.

هەروەك چۆن لە پەرتوكی “توڕەیی”دا هاتوە، ئەو پەرتوكەی لەلایەن بۆب وودۆرد-ی رۆژنامەنوسەوە نوسراوە و بڕیارە 15ی ئەم مانگە بڵاوبكرێتەوە، دۆناڵد ترەمپ، سەرۆكی ویلایەتە یەكگرتوەكانی ئەمریكا  بۆ وودۆرد رایگەیاندوە “مامی كیم جۆنگ ئون، سەرۆكی ئێستای كۆریای باكور بە سەربڕدراوی خراوەتە بەردەم بەرپرسانی دەسەڵات بۆ ئەوەی بیبینن”.

سەرۆكی ئەمریكا لەو پەرتوكەدا و لەمیانی وتەكانیدا بۆ وودۆرد ئاماژەی بەوەشكردوە، “كیم مامی خۆی كوشتوە، سەری بڕیوە و تەرمەكەی لەسەر قادرمەكان داناوە”.

سەبارەت بەو بابەتە و بەگوێرەی وتەكانی ترەمپ هێندەی گەیشتوەتە دەستی ئاژانسی فڕانس پرێس، كیم جۆنگ ئون سەری مامی خۆی بڕیوە و پاشان لەسەر تەرمەكەی سەری داناوە”.

مانگی كانونی یەكەمی 2013، جانگ سونگ سیك، مامی كیم جۆنگ ئون-ی سەرۆكی كۆریای باكور كە بە پیاوی دوەمی وڵات دادەنرا، بە تۆمەتی “ناپاكیكردن دژ  بە گەل” لەسێدارەدرا.

كۆریای باكور ئاشكرای نەكرد چۆن جانگ سونك لەسێدارەدراوە، لەوبارەیەشەوە لە میدیای جیهانیدا ژمارەیەك چیرۆك هەیە و تەواوی ئەو چیرۆكانە ترسناكن، هەندێكجاریش چیرۆكەكانی كوشتنی مامی كیم لەگەڵ یەكدی یەكناگرنەوە.

هاوكات لێدوانەكەی ترەمپ لەوبارەیەوە، بەگوێرەی میدیای جیهانی بۆ ئەوەیە دەریبخات چەندە نزیكە لە سەرۆكی كۆریای باكورەوە، یەكەمین لێدوانیشە باس لەوەبكان كیم جۆنگ ئون سەری مامی خۆی بڕیبێت.

باسی لەوەشكردوە، “كیم هەمو شتێكم بۆ باسدەكات، ئەو هەمو شتێكی بۆ من باسكردوە”. 

پەرتوكی “توڕەیی” 25 نامەی ئاڵوگۆڕكراوی نێوان هەریەك لە ترەمپ و كیم ئاشكرادەكات، كە تێیدا كیم وشەی زۆر زیادەڕەو لە چوارچێوەی نزیكی خۆی لە ترەمپ بەكارهێناوە و واش دەردەكەوێت بەگوێرەی نامەكان، هاوڕێیەتییەكی نائاسایی لەنێوان ئەو دو سەرۆكەدا هەبێت

تایبەتمەندییەکان: هەواڵەکان

زیادکردنی وەڵام