لەیلا گیۆڤەن ژنە سیاسەت مەداری كوردو ئەندامی پەرلەمانی توركیا بۆ ماوەی چەندین ساڵ لەزیندانەكانی توركیا بەند دەكرێت و پاش ئازادبوونی دەستگیردەكرێتەوە.

لەچەند ڕۆژی ڕابردووداشدا پارێزبەندی لەپەرلەمانی توركیا لێسەندرایەوەو جارێكی تر دەستگیركرایەوە، كە ئەمە كاردانەوەی جۆراوجۆری لەناوەندی توركیاو باكووری كوردستان دروست كردووە.

لەیلاگیۆڤەن كێیە؟
لەیلا لەساڵی ١٩٦٤ لەشارۆچكەی جیهان بەیلی شاری قۆنیا لەدایك بووە بچكووكترین‌و حەوتەم منداڵی خێزانەیەكەیەتی، وەك نەریتێكی باوی ئەو سەردەمە لەتەمەنی حەڤدەساڵیدا دەیدەن بەكوری پورێكی و هاوسەرگیری لەگەڵ دەكات دواتر سەفەردەكەن بۆئەڵمانیاو دەبنە خاوەنی دوو منداڵ، بەڵام هاوسەرگیریەكەیان زۆرناخایەنێت و لێك جیادەبنەوە، لەیلا خۆی و منداڵەكانی دەگەڕێتەوە بۆ توركیا .

تێكەڵ بوون بەژیانی سیاسی 
لەیلا گیۆڤەن سەرەتا لەشارۆچكەكەی خۆی قۆنیا هاتوچۆی بارەگای پارتی دیمكراتی گەل (HADEP) دەكات و لەساڵی ١٩٩٤ بەشداری گۆنگرەی ئەو پارتە دەكات لەبەڕێوەبەرێتی ڕێكخستنی شاردا هەڵدەبژێردرێت و چالاكانە دەست بەكاردەكات، لەگەڵ ئەوەشدا بۆ پێداویستی خۆی و منداڵەكانی لەكۆمپانیایەكی ڕاپرسی  وەك  بەرپرسیاری هەرێمی قۆنیا دەست بەكار دەكات.

لەیلا خۆی لەو بارەوە دەڵێت: سەرەڕای ناڕەزایی خێزانەكەم لەپارتیدا كارم دەكرد لەخێزانەكەمدا گۆشەنیگای نەریتیانە باڵادەست بوو، بۆیە خیزانەكەم بەردەوام بیانووی نەریتیان دەهێنایەوە  دەیان وت تۆژنیت كارت بەپارتی چییە؟ منداڵت هەیە، جیابوویتەتەوە، قسەی پاشملەت لەسەردەكرێت، دەستگیر بكرێت ئێمە چی بكەین؟ زۆر جەختیان لەوە دەكردەوە واز لەكاری پارتی بێنم  دەڵێت زۆرباش بیرمە، كە ڕۆژێك خوشكە گەورەكەم وتی: ئەگەر بچیت بۆ كاری پارتی خۆم لەو پەنجەرەوە فڕێ دەدەمەخوارەوە، من تەنیا خۆڕاگریم دەكرد لەكاركردن بەبڕیار بووم وازم لێنەدەهێنا، ئامانجیشم ئەوە بوو، وەك ژنێك بتوانم لەسەر پێیەكانی خۆم بوەستم، بتوانم بەهەموو كەسێك بڵێم ژنانیش سەردەكەون.

گیۆڤەندە دەشڵێت: لەساڵی ٢٠٠١بڕیارمدا بەشێوەیەكی پرۆڤیشناڵ بەشداری  خەباتی پارتی بكەم  ئیتر منداڵەكان گەورە بوون و هیچ شتێك نەمابوو من بەقۆنیاوە گرێ بدات، هەموو ئەو پێداویستییانەی لەماڵەوە بوون و لەئەڵمانیا هێنابووم بەسەر خاوەن پێداویستییە تایبەتییەكاندا دابەشمكرد و جانتایەكم هەڵگرت و چوومە ناوەندی گشتی لە “باڵگات”ی ئەنقەرە و لەهەمان ساڵدا كۆنگرە بەستراو لەبەڕێوە بەرێتی باسكی ناوەندی گشتی باسكی ژنان هەڵبژێردرام، لەهەمان كاتدا ئەندامی ئەنجوموەنی پارتی دیموكراتی گەل بووم، لەدوای قۆنیا یەكەم گۆرەپانی سیاسی خەباتم ئەدەنەبوو سێ ساڵ لەئەدەنە كارم كرد.

لەیلا گیۆڤەن لەكاركردندا ژنێكی ئازاو لێهاتوو بووە، بۆیە زۆربەی جار كە كێشەیەك دەبێت پێشنیاری لەیلا دەكەن و دەڵێن: لەهەر شونێنێك كێشە هەبوو با لەیلا بچێت چارەسەری دەكات.

بەشداری هەڵبژارنە خۆجێیەكان
لەهەڵبژاردنی خۆجێیەكانی ساڵی ٢٠٠٤ لەیلا كاندید دەبێت بۆ سەرۆكی شارەوانی كوچەك دیكلی‌و پێش كاندیدەكانی تر دەداتەوەو دەبێتە سەرۆكی شارەوانی كوچەك دیكلی،

دواتر و لەساڵی ٢٠٠٩ دەبێتە كاندی ب ۆسەرۆكی شارەوانی ویرانشەهری ئورفا، ڕكابەراكانی لەپارتی دادوگەشەی دەسەڵاتداری توركیا لەعەشرەتی گەورەبوون و لەهەمان كاتدا جاشیش بوون و هەرچی پروپاگەندەی هەڵبژاردنیش بووە لەسەرژن دای دەڕێژن، بەڵام لەیلا بەجیاوازیەكی زۆروە پێش كاندیدەكانی تر دەداتەوەو سەردەكەوێت ئەمەش سەرەتایەكی گرنگ بووە بۆ پێشووەچوونی ژنان لەوناوچەیەدا.

وەك خۆی دەڵێت وەك شۆڕشێك وابوو ئەنجام درابێت، چونكە لەئۆرفا كلتوری فیوداڵی پیاو تیایدا باڵادەست بوو، دوای هەشت مانگ لەهەڵبژاردنی و لەئۆپراسیۆنیكدا، بەناوی كۆماجڤاكێن كوردستان، ئۆپراسیوێنێكی پاكتاوی سیاسی و نەژادی بووە، لەگەڵ زیاتر لەبیست سەرۆكی شارەوانی دەستگیردەكرێت و چوارساڵ و نیو لەزیندان بەڕێ دەكات و لەساڵی٢٠١٤ لەزیندان ئازاد دەكرێت و دەست دەكاتەوە بەخەبات و لەكۆمیسۆنی بەڕێوەبەرییە خۆجییەكان پارتی بەردەوام دەبێت.

لەهەڵبژاردنی ساڵی ٢٠١٥ كاندی پەرلەمان دەبێت لەئۆرفا و دەتوانێت سەركەوتن بەدەست بێنێت و دەبێتە ئەندانی پەرلەمان، بەڵام پارتی دادوگەشەپێدان ئەنجامەكانی بەدڵ نابێت و بڕیار دەدات هەڵبژاردن دوبارە بكرێتەوە، بەڵام لەجاری دووەمدا بەجیاوازیەكی كەم دەرناچێت.

 لەهەڵبژاردنەكانی دواتردا كاتێك لەزیندان دەبێت و بەنوێنەری هەكاری هەڵدەبژێردرێت بۆ پەرلەمانی توركیا و  دوای زیاتر لەساڵێك ئینجا دەچێتە پەرلەمان.

بەهۆی هەڵوێستەكانی دژی داگیركاری توركیا بۆ سەر عفرین جارێكی تر دەستگیردەكرێت، لەزیندانیش دژی گۆشەگری سەر ڕێبەری پارتی كرێكارانی كوردستان عەبدوڵڵا ئۆجەلان مان لەخواردن دەگرێت و نزیكەی هەشتا ڕۆژ لەمانگرتن بەردەوام دەبێت و بەهۆی تێكچوونی باری تەندروستییەوە ئازاد دەكرێت بڕیار دەدات لەدەرەوەی زیندانیش لەمانگرتن بەردەوام بێت، كاتێكیش مانگرتن دەشكێنێت، كە عەبدوڵڵا ئۆجەلان پەیامێك دەنێرێ و داوای كۆتای هێنان بەمانگرتن دەكات.

لەیلا گیۆڤەن لەساڵی ١٩٩٤ بەردەوام هەوڵی داوە وەك ژێكی كورد بێت لە خەبات و تێكۆشان وەك خۆی دەڵێت: هەوڵم داوە وەك ژنێك، دایكێك، كوردێك، فێمنیستیك، بونوی خۆم بسەلمێنم، هیچ ئاسان  نەبوو بچمە گۆڕەپانی سیاسی، كە لەگەڵ پیاودا ئاوێتە  بووە، منیش بۆ ئەوەی دژ ەسودەكانی ژنبوون بێوەژنمانەوە بگۆڕم بۆسوود، لەهەموو هەڤاڵانم زیاتر كارم دەكرد، وەك وژنێك دەبوایە باوەڕ بەخۆم بێنم، كە سەربەخۆ دەتوانم لەسەرپێ بمێنمەوە دەتوانم بچمە نێو سیاسەت، كە سفرەی گورگانە و دەتوانم لەبەڕێوە بەرێتیە خۆجییەكاندا لەسەرۆكە پیاوەكان سەركەوتووتربم‌و لەگۆرەپانی قۆرخكراودا لەشارەوانیدا دەتوانم بەپاكی بمێنمەوە، بۆیە تووشی زۆرتەنگەتاوی بووم، ئەو باوەڕیەی كە بۆ تێكۆشان  و بەهاكان لای من هەبوو ڕاوەستان بەرانبەر زەحمەتییەكان بەهێزەوە ڕاكردنی زیاتر بۆسەركەوتن.

لەدواپەیامیشیدا دوای دەستگیركرنی ڕایگەیاند، ئێمە وەك ژنێكی كورد بەڵێنمان بەگەلەكەمان داوە تا كورد ئازاد نەبێت تێكۆشانەكەمان لەهەردۆخێكدابێت بەردەوام دەبێت.

هەژار جەمال

تایبەتمەندییەکان: ژنان

زیادکردنی وەڵام