دەستەی سەربەخۆی مافی مرۆڤ لە هەرێمی كوردستان رایگەیاند، خۆپیشاندەرانی دهۆك ئازادنەكراون، نوێنەری دەستەكەش نەیتوانیوە دەستگیركراوەكان ببینێت. 

دەستەی سەربەخۆی مافی مرۆڤ پەیامێكی لەبارەی دەستگیر كراوەكانی خۆپیشاندانەكەی دوێنێ دهۆك بڵاو كردەوە و رایگەیاند،بەرێوەبەری نو‌سینگەی دهۆك-ی دەستەكە سەردانی دەزگا ئەمنییەكان و لایەنی ئیداری و پەیوەندیداری لە شاری دهۆك كردووە و لە نزیكەوە گفتوگۆیان كردووە سەبارەت بەو دۆخەی هاتۆتە ئاراوە.

ئەو دەستەیە رونیكردووەتەوە بەپێی بەدواداچونەكانیان، لەئێستادا زۆربەی دەستگیركراوەكان ئازاد كراون و تا پاشنیوەڕۆی ئەمڕۆ یەكشەممە تەنها 10كەس ماون ئازادبكرێن.

دەستەی مافی مرۆڤ ئەوەشی ئاشكرا كردووە نوێنەری دەستەكەیان لە نوسینگەی دهۆك نەیتوانیوە ڕاگیراوەكان ببینێت و بڕیارە بەیانی بۆ ئاگاداربوون كە رەوشی راگیراوەكان سەردانیان بكاتەوە، لەبارەی هۆكاری نەبینینی دەستگیركراوەكان ئاشكرایدەكات لەپێناو ڕێزگرتن لە قۆناغی لێكۆڵینەوەكان بووە. 

تایبەتمەندییەکان: هەواڵەکان

زیادکردنی وەڵام