ویلایەتە یەكگرتوەكانی ئەمریكا لە پلانیدایە موشەكێكی بالیستی تاقیبكاتەوە، كە موشەكێكی كیشوەربڕە لە جۆری مینتمان، ئەوەش بەمەبەستی ئامادەكاری وەبەرهێنانی چەكی بۆ وەڵامدانەوەی هێرشی ئەتۆمی.

پێگەی بوڵگاریان میڵیتاری لەوبارەیەوە رایگەیاندوە، وێڕای تەشەنەی پەتای كۆرۆنا، “ئەو موشەكە رەوانەی هێزە ئاسمانییەكانی بنكەی سەربازیی ڤاندنبرگ لە كالیفۆرنیا كراوە و دواتر لەو بنكەیەوە موشەكەكە ئاراستەدەكرێـت”.

بەگوێرەی زانیارییەكان، لەژێر فەرمانڕەوایی 20ەمین هێزی ئاسمانی سوپادا ئەو پرۆسەیە ئەنجامدراوە، كە بە تەواوی هێز و موشەكە ئەتۆمییە زەمینییەكانی ئەمریكا پڕچەكە.

كۆتا موشەكی جۆری “ئێڵ جی ئێم 30مینتمان” بە كڵاوەیەكی جەنگیی لە رێكەوتی 5ی مانگی شوباتی ئەمساڵدا لەلایەن ویلایەتە یەكگرتوەكانی ئەمریكاوە تاقیكرایەوە.

موشەكی مینتمان كە مەوداكەی دەگاتە 12 هەزار كیلۆمەتر، موشەكێكی بالیستیی كیشوەربڕە و تاكە موشەكی لەوجۆرەیە كە هێزە ئەتۆمییە ستراتیجییەكانی ویلایەتە یەكگرتوەكانی ئەمریكا هەیانە.

موشەكەكە جۆرێكی دێرینە، بەڵام بە شێوەیەكی بەردەوام نوێدەكرێتەوە و بەگوێرەی یەكێتی زانایانی ئەمریكا و هێزی ئاسمانی ئەو وڵاتە، ئەو جۆرە موشەكانە لە بنەڕەتدا “موشەكی نوێن جودا لە زرێپۆش”.

لە ئێستادا ویلایەتە یەكگرتوەكان 400 موشەكی لەوجۆرەی لەنێو لەشكرەكەیدا هەیە، هەریەكێك لەو موشەكانە توانایان هەیە هەتا سێ كڵاوەی ئەتۆمی هەڵبگرن.

تایبەتمەندییەکان: هەواڵەکان

زیادکردنی وەڵام