پیَشنیاریَک بۆ هەموو هاورِی و دۆستان و ئەزیزانی مستەفای حەسەن گەورە.

دویَنی هەوالَیَکم خویَندەوە سەبارەت بە پرسەی ماتەمینی (مستەفای حەسەنە گەورە) بە شێوەی ئۆنلاین…، لیتان نەشارمەوە بە ئەندازەی مال ئاوای کردنەکەی نیگەران ودل تەنگی کردم! دل تەنگی کردم نەک لەبەر ئەوەی کە ئەو بەریزانەی بانگەوازیان کردبوو بۆ ئەنجامدانی ئەم مراسیمە کاریکی خراپ بووبیت، نا دروست بە پیچەوانەوە لەگەل دەستخۆشی بۆ هەلویستی ئەو هاوری یانە بەوەیان یەکجار نیگەران بووم کە ئینسانیَک هەموو تەمەنی لە شەقام و لە شاخ و لە شارو لە هەندەران و لەبەردەم سەفاەرەتەکان و لە کی بەرکی و رِاوەستانەوەی جەسوورانەی بیَئەماندا بوو، کەچی ئەم رِۆژگارە بی باک و دل رِەقە گەرکیەتی کە ئیَمە لەپشتی کۆمپیوتەرەکانمانەوە یادی ئیسنسانیَک بکەینەوە کە کەمترین دەرفەتی هەبوو هەر جۆرە گردبوونەوەو باسیَکی پشت کۆمپیوتەرەکان ئةنجام بدات!

مستۆ ئەوە ئینسانە بوو کە تەواوی تەمەنی بە پیَوە وەستاو لە سەنگەری بەرگری و ئازادی و عەدالەتی اجتماعیدا دەنگی هەلَبرِی، بۆیە دەکریَ ئیَمەش لە بیری دەرفەتیَکی تردا بین بۆ بەرز رِاگرتنی یادی ئەم هاوری و هاوخەباتە جەسوورەمان. لەوە حالی دەبین یەکیَک لەتایبەتمەندیە کارەساتبارەکانی دەورانی قەرەنینە ئەوەیە کە نزیکترین و ئەزیزترین هاوری و دۆستانی دەوروبەرمان مالئاوای دەکەن لە ژیان، بەلام بەداخەوە تەنانەت دەرفەتی ئەوەمان نابیَت کە هەندیَکمان پینج خولەک لەسەر گلکۆکەیان کۆبینەوەو یادیيان بەرز رِاگرین!

ئەم تایبەتمەندیە گشتی یە لەکاتی مال ئاوای کردنی هەر ئەزیزیکماندا ئەگەر بە زەبری هەر دۆخیک ناچار بووبین بەوەی کە مل بەم واقعە تالە بدەین، بەلام سەنگینی ئەم دەستەپاچەیەی کە داسەپاوە هیشتا زەرەیەک لە نیگەرانیەکانمان کەم ناکاتەوەو ناتوانین خۆمان قانع بکەین بەوەی کە ژیان بەوشیَوە بیَ رِەحمانە ئەزیزمان لیَدەسینیتەوە بەلام ئیمە بەدانانی وینەکانیان لە فەیس بووکەکەی خۆماندا کەمیک دل نەوای خۆمان دەدەینەوە. پرسیارەکە ئەوەیە کە ئایا بەراستی رِۆگارەکانی قەرەنتینە دەتوانیَت بەرز رِاگرتنی یادی ئەو ئەزیزانەمان لە بیرباتەوە؟!

ئەم پرسیارە لەوشویَنەدا زياتر بەرۆکمان پیَدەگرێ، کە ئایا هەر بەراستی ناکریَ وناتوانین هیچ کارو کردەیەک ئەنجام بدەین، ئایا دەکریَ ئەم دۆخە داسەپاوەی ئەم رِۆژانە بۆ مالَ ئاوای کردنی هەرنەبیَت ئەزیزانیَک کە هەموو تەمەنیان بەخشی بە ئازادی و ئاسوودەی خەلکی ستەمدیدەی کوردستان، هەموو ئیَمە بەم شیَوەیە تەسلیم بکات بەو واقعە تال وداسەپاوە، یان نا هیَشتا دەرفەتیَک ماوە کە لە دەستی نەدەین؟!

من لیَرەدا نامەويت هیچ بلیَم لەسەر جەسارەت وکەسایەتی و هەلویستی جوامیرانەی مستؤ لە پەیوەند بە زۆریک لە رِووداو کارەسات و کیَشە سیاسی و کۆمەلایەتیەکانی کوردستان، دلنیام زۆریَک لە ئیَوە لەمن باشتر ئاگاداری هەلَویَست و کارنامەی جوامیَرانەی ئەم ئینسانە خەبات کارەن. بەلام ئەوەی کە دەمەویَت بیلَیَم ئەوەیە کە ئیَمە هەموو ئەو کەسانەی بە هەر رادەیەک رِاوەستانەوەو هەلویستی ئەم ئینسانە بۆی جیَگەی رِیَزو ستایشە، دەبێ بەدەر لەهەر رادەیەکی دورونزیکی بیروراو تیروانینی سیاسیمیان لەو شویَنەدا لەتەنیشت یەکدابين و بەم دەسەلاتە ملهورو ستەمگەرە بلَیَن مستەفا حەسەن گەورە لەنیوماندا نەما، ئەو مالئاوای لە ژیان کرد، بەلام تا دواین جركەساتەكاني زياني دژ بەم دەسەلاتە وەستايەوە، بۆیە دەبیت ئیَمەش کاریَک بکەین کە شایستەی کارنامەی جوانی ئەم ئینسانە خەبات كارو تیکۆشەرە بیَت!  

دۆستان و هاوری یان و ئەزیزانی مستؤ دەکریَ ئیمە هەموومان لەهەر شونیَکی ئەم دنیایەدا لە کوردستانەوە تا ئەوروپا، کەندا، استرلیا، ئەمریکا لەتەنیشت خیزان بنەمالەی ئەم ئەزیزەماندا رِاوەستین چلەی مستەفای حەسەن گەورە، بەرپا بكەين وکەرنەڤالی بەرز رِاگرتنی یادو بیرەوەریەکانی ئەم ئینسانە هەرلەئیستەوە دەست بەکاری ئەوە بین کە چۆن بتوانین پیَکەوە هەر کۆمەلَیَکمان لەولاتیَکدا لە هەولی ئامادە سازی ریَزلینانی چلەی هاوری مستەفادا بین!

رِەنگە پرسیاریَک ئەوە بیَت کە ئاخۆ قۆناغی کەرەنتینە بەردەوام دەبیَت یان پاش چل رۆژیتر ئەم ڤایرۆسە چۆنە و چەند پاشەکشەی کردوە یا نا، چەند ئیمکانی ئەوەمان دەبیَت کە گردبوونەوەیەکی لەو شیوە لە شیوینیکی گورنجاودا بکەین.

لەمبارەوە حەزدەکەم ئەوە بلیَم بەجیا لەوەی کە هەر لەئیستەدا دۆخەکە بە ئارِاستەي ئەوەدا دەچیَت کە تا کۆتای ئەم مانگە قوتبخانەو ئیدارەو  زۆریک لە شوینە گشتیەکان ئاسای دەبیتەوە، بەلام ئەگەر زۆریش ئاسای نەبیتەوە رِەنگە شانسی ئەوەمان هەبیَت لە شویَنی ئازادا مراسیَم چلەی هاوری مستۆ بەرز رابگرین! بۆیە هیوادارم کە ئەم پیشنیارەی ئیمە تا کاتی خۆیندنەوەی ئەم بابەتەو هەنگاونان بۆ دەست بەکاربوون بە مولکی خاوەنەکەی بزانن، دواتر ئەم پیشنیارە بکریتە خالی هاوبەشی ریزلینان لەم هاوری ئەزیزەمان و هەموومان خۆمان بەخاوەنی ئەم پیشنیارە بزانین بۆ بەرز راگرتنی یادو چەلەی هاوری مستەفای حەسەن گەورە!

بەهادين حاجي بەكری دراتاش ، ناسراو بە ( رِیبوارعارف)

تایبەتمەندییەکان: وتارو بیروڕا

زیادکردنی وەڵام