پاش زیاتر لە دو مانگ هەوڵی چڕ و ورد بۆ رێگرتن لە تەشەنەسەندنی ڤایرۆسی كۆرۆنا، سەرەنجام هەوڵەکان بۆ كۆنتڕۆڵكردنی حاڵەتەكانی توشبون و گیان لەدەستدان لە شاری وهان-ی چین سەرکەوتوبون، ئێستا ئەزمونەكانیان تایبەت بە روبەڕوبونەوەی كۆرۆنا پێشكەشی بریتانیا و وڵاتانی دیكە دەكەن.

وهان، بو “ناوجەرگەی ڤایرۆسی كۆرۆنا” ناونراوە، كە یەكەمین ناوچەی سەرهەڵدانی ڤایرۆسەكەیە و تا ئێستا زۆرترین رێژەی مردنی تێدا تۆماركراوە، بەڵام دوای زیاتر لە دو مانگ بەرەنگاربونەوەی كارمەندانی تەواوی دانیشتوانی شارەكە، توانیان سەركەوتنی مەزن بەدەستبهێنن و شەش رۆژە لەسەریەك هیچ حاڵەتێكی گیانلەدەستدان تێیدا تۆمارنەكراوە.

ئێستا بریتانیا و ئیتاڵیا و ژمارەیەكی زۆر لە وڵاتانی دیكە، بە هەمان رێگەی وهان-دا تێپەڕدەبن و چیرۆك و ئەزمونەكانی وهان-یش لەورێگەیە دەبێتە شوێنپێیەك بۆ بەخشینی هیوا و گەشبینی سەبارەت بە داهاتو.

سەرتاسەری دانیشتوانی وهان  لەماڵەكانیاندا كەرەنتین كران، دەسەڵاتداران كەلوپەل و خۆراكی زۆر پێویستی دەگواستیوە بۆ ماڵەكان، هەزاران كەس گیانیانلەدەستدا، كە بەشێكیان هۆكاری گیانلالەدەستدانەكەیان كۆڤید19 نەبو، بەڵكو نەخۆشی دیكە بو و بەهۆی ئەوەی چارەسەریان وەرنەگرت مردن.

ئەو شارە پێویستی بە دەیان هەزار كارمەندی تەندروستی زیادە بو، لە سەرتاسەری چین-ەوە كارمەندانی تەندروستی رەوانەكران و لەماوەیەكی زۆر كەمدا نەخۆشخانەی مەزن بنیادنرا، زۆرینەی هۆڵ و باڵەخانە گەورەكانیش كرانە نەخۆشخانەی كاتیی.

كەرەنتینكردنی وهان لەكاتێكدا بو، كە ژمارەی مردوانی ئەو شارە لە كەمتر بو لە ژمارەی مردوانی ئێستای بریتانیا، لە رێكەوتی 23ی كانونی یەكەمی ئەمساڵدا بەتەواوی شارەكە خامۆش بو، ئێستاش ئەو هەنگاوە لە سەرتاسەری جیهان پەیڕەودەكرێت.

ئەو رێكارانەی لە هەرێمی هوبێی و وهان-ی گەورەشارەی ئەو هەرێمە پەیڕەوكران دەرەنجامی گەورەی هەبو، بۆیە هەموان دەبێت لەیادیان بێت، كە هەفتەكانی داهاتو بۆ بەشێك لە وڵاتانی جیهان سەخت دەبێت.

كەرەنتین كردن و خامۆشكردنی شارەكان گرەنتی سەركەوتن نادات، مەرجیش نییە سەرجەم وڵاتان بتوانن هاوشێوەی چین بە توندی رێكارەكان جێبەجێبكەن و بڕیارەكان بەسەر هاوڵاتیاندا بسەپێنن، بەڵام پابەندبونی هاوڵاتیانی هەر وڵاتێك بە مەرجەكانی خۆپارێزی، بەدڵنیاییەوە ئەگەرەكانی تەشەنەسەندی خێرای ڤایرۆسی كۆرۆنا كەمدەكاتەوە.

تایبەتمەندییەکان: هەواڵەکان

زیادکردنی وەڵام