سەرۆكی لیژنەی شارەزایانی تایبەتی سەر بە لیژنەی كاروباری تەندروستی گشتی چین رایگەیاند، یەكەمین دەركەوتنی حاڵەتی توشبون بە پەتای كۆڤید-19 لە شاری وهان-ی چین تۆماركرا، بەڵام سەرچاوەی ڤایرۆسەكە لەوانەیە چین نەبێت.

چونگ نانشانگ، سەرۆكی لیژنەی شارەزایانی تایبەتی سەر بە لیژنەی كاروباری تەندروستی گشتی چین ئەمڕۆ پێنجشەممە لەمیانی كۆنگرەیەكی رۆژنامەوانیدا رایگەیاند “سەبارەت بە پێشبینیە بەهەند وەرگیراوەكانی تایبەت بە نەخۆشییە گوازراوەكان، ئێمە پێش هەمو شتێك بیر لە چین دەكەینەوە و هیچ وڵاتێكی دیكە پێش وڵاتەكەمان ناخەین “.

ئاماژەی بەوەشكرد “لەئێستادا حاڵەتی توشبون بە ڤایرۆسی كۆرۆنا لە وڵاتانی دەرەوەی چین هەیە، سەرەڕای ئەوەی یەكەمین حاڵەتی توشبون بە كۆرۆنا لە شاری وهان-ی سەر بە هەرێمی هوبێی لە چین تۆماركراوە، بەڵام ئەوە ئەو واتایە ناگەیەنێت كە چین سەرچاوەی پەتاكەیە”.

ئەو وتانەی چونگ نانشانگ لەكاتێكدایە، بەرپرسانی كەرتی توندروستی ویلایەتی كالیفۆرنیا سەر بە ویلایەتە یەكگرتوەكانی ئەمریكا بەیانی ئەمڕۆ پێنجشەممە یەكەمین حاڵەتی توشبونی بە پەتای كۆڤید تۆماركرد، كە تا ئێستا دەرنەكەوتوە پەیوەندی راستەوخۆ یان ناراستەوخۆی لەگەڵ هیچ توشبویەك یاخود بیانییەكدا هەبوبێت.

بەیانی ئەمڕۆ پێنجشەممە لە ناوچەی سۆلانۆ-ی ویلایەتی كالیفۆرنیا، یەكەمین حاڵەتی هەڵگری ڤایرۆسی كۆرۆنا تۆماركرا و ناوەندی كۆنترۆڵكردنی نەخۆشییەكان-ی ئەو ویلایەتە ئاماژەی بەوەكرد “كەسی توشبو هیچ پەیوەندییەكی نەبوە لەگەڵ توشبو یاخود گومانلێكراو بە توشبونی ئەو ڤایرۆسەدا و هیچ گەشتێكیشی بۆ دەرەوەی ناوچەی خۆی ئەنجامنەداوە”.

تایبەتمەندییەکان: هەواڵەکان

زیادکردنی وەڵام