پشتی سکرتێرێ حیزبوللە لوبنانی حسن نەسرواللە گوتی :

دڤیا مسعود بارزانی سوپاسدارێ قاسم سولەیمانی بیت ژبەر باشیێن دگەل کری ، و بەردەوامی دا گوت دەمێ هەولێر دا کەڤیتە ژێر دەستێ داعش دا تو ڤەدلەرزی تە هاریکاری ژ هەڤالێن خو کر بەلێ چ کەسێ هاریکاری نەکر ، دەمێ تە داخوازا هاریکاری ژ ئیرانێ کری روژا دووێ دا قاسم سولەیمانی هاریکاریا تە کر .

ئایا راستیەك بو پەیڤێن حسن نەسرواللە  هەیە ؟

ل تەباخا سالا 2014 دا مسعود بارزانی نامەیەك سوپاسداری بو سەروك کومارێ ئیرانێ حسن روحانی فرێکر و سوپاسیا ئیرانێ کر بو هاریکاری دژی داعشێ ، دەقێ ناما مەسعود بارزانی :

ب ناڤێ خو و خەلکێ هەرێما کوردستانا عێراقێ بو هاریکاری و پشتەڤانیا هەوە سوپاسی دکەم ، هەوە نیشان دا ب هاریکاری و پشتەڤانی کومارا ئیسلامی ئیرانێ ل پێش و ئەڤرو دا هوین دەستێن کوردانن، ئەڤ بارە زور گرنگ و دەبیتە جهێ خوشی …

مانا راستی بو پەیڤێن حسن نەسرواللە هەیە، بەرسڤ دا جوتیار عادل ب  پلەیا پەیڤدارێ حکومەتا هەرێما کوردستانێ بەرسڤا حسن نەسرواللە دایە و بەرەڤانی ژ مسعود بارزانی کریە کو مسعود بارزانی هیچ پوستەك نینە حکومەتێ دا ب زمانەکێ دویر ژ دیپلوماسی رەخنە ل حسن نەسرواللە کریە کو هێرش کریە سەر مسعود بارزانی و هەرێما کوردستانێ ب  دەنگەکێ لەرزوك ، حسن نەسرواللە هێرش نەکریە سەر هەرێما کوردستانێ تەنها هێرش کریە مەسعود بارزانی ، پەیڤدارێ حکومەتێ ئیدائا کریە مسعود بارزانی رێبەرێ نەتەوێ کوردە ، مسعود بارزانی نە رێبەری نەتەوێ کوردە ، بەلکو رێبەرێ خوفروشێن کوردە ، چونکی مێژوویا بارزانی خیانەت و جاشایەتی و دوژمنیا نەتەوێ کورد بوویە ، هیچ سەرکردەیەکی مێژوویا کوردا نەبوویە ئەگەرێ وێرانکرنا کوردان وەکو مسعود بارزانی ، پاش جوتیار عادل پەیڤدارێ مسعود بارزانی دبێژیت حسن نەسرواللەی تو چەند سالە تیشکا روژێ نەدیتیە دناڤ ئەردی دا خو ڤەشارتی یە ، حسن نەسرواللە چەندین ساڵ ژێر هێرشێن ئیسرائیلێ خوڤەشارتی یە چونکی گەفەیا کوشتنێ هەیە ، بەلێ مەسعود بارزانی خو ل ژێر ئەردی نەڤەشارتی یە بەلکو ل سەر چیایێن کوردستانێ ل پشت سەدان پارێزەڤانان خو ڤەشارتی یە و دەمێ دەرکەڤیت دناڤ خەلك دا سەدان پارێزەڤان دەوروبەرانە ، ئەگەر مسعود بارزانی نە ڤەدلەرزی خو نە ڤەشارت ل پشت سەدان پارێزەڤانان .

جوتیار عادل بەردەوام دا ئیدائا دکەت هێزا پێشمەرگەی بوو هەولێر و کوردستان پاراست نە هێزەکا دی ، وەکو ل پێش ناکا مەسعود بارزانی دیارکریە ئەڤ پەیڤێن جوتیار عادلی ز راستی دوورن , ل سالا 1992 تا 2014 د چەندین راپورتان دا داخویانی کریە هێزێن پێشمەرگەی زەرەنگیا هێزێن پێشمەرگەی دوورە بیتە ئارتێشەکا ئاهەنگدار ، ئایا ئەو چەکێ سالان وەکو هاریکاری بو پێشمەرگەی هاتی پارتی دیموکراتی کوردستان ب سەرکردایەتیا مسعود بارزانی چ لێ کریە ؟ پێشمەرگەی ب کەرامەتا خو دەمێ هاتە شەهید کرن سەرکردایەتیا پارتی بوو شنگال بێ تەقە کرن کریە دەستێ داعش دا !

بەردەوامی دا جوتیار عادل ئاماژە ب خیانەتا 16 ئوکتوبەرێ کریە و دیار کریە ئەڤ روژە ئامانجا داگیرکەران نەهاتە کرن  و دووبارە مسعود بارزانی کریە سێمبولا ! خوراگری نەتەوێ کورد ، ل 16 ئوکتوبەرێ داگیرکەران ب خەونا سالان دەستڤەئینایە و %51 ئاخا کوردستانێ داگیرکریە ، ئەنجام دا مسعود بارزانی ئێکەتی نیشتمانی کوردستان ب خیانەتێ تاوانبار کریە ! ئێکەتی نیشتمانی کوردستان خیانەت کریە بەلێ مسعود بارزانی خیانەتەکا مەزنتر کریە و د خیانەتێ دا بەردەوامە.

تایبەتمەندییەکان: وتارو بیروڕا

زیادکردنی وەڵام