ئەمڕۆ مەسعود بارزانی سەرۆکی بەزۆرداسەپاوی هەرێم لە پەیامێکدا هەڕەشەکانی خۆی بە گوێی هەموو لایەنەکان وخەڵکی کوردوستاندا ڕاگەیاند،تەواوی درێژدادڕیەکانی لەو پەیامە ناوەرۆک بەتاڵەدا ،تەواوی ئەو پێچە بەدەورەو هەڕەشەمان لەسەرەو وەزعەکە خراپەو هتتتتدد،هیچ نەبوو جگە لەهەڕەشەیەک،ئەویش” کۆبونەوەی23 ی حوزەیران مەترسیە لەسەر پڕەنسیپی”تەوافق وسازان”،ئەگەر”تەوافق وسازان” نەکرێت  ئەوا هەڵوێستی خۆم رادەگەیەنم”.

مەسعود بارزانی بە ئاشکرا دەڵێت” دەبێت لەدەرەوەی پەڕلەمان واتە حیزبەکانی بەشدار لەم کابینەیەدا کۆببینەوەو بسازێین و منیش ببمەوە بە سەرۆکی هەرێم،خۆ ئەگەر ئەمە نەکرێ ئەوا لە مانگی هەشتدا حکومەت و پەڕلەمان هەڵدەوەشێنینەوە،ئەمەیش واتای بێقمیەترکردنی حکومەت و پەڕلەمان ،دەیەوێت پەڕلەمان دەزگایەک بێت تەنها ئەرکەکان وداواکانی ئەو جێبەجێبکات و دەزگایەکی گوێ لە مستی خۆی بێت.

ئەگەر بگەڕێینەوە بۆ رابردویەکی زۆر درەنگتر کە دەکاتە دوای راپەڕین وتا بەعس ڕوخا،هیچ کەسێک نەیدەتوانی داوای مافە سەرەتاییەکانی خۆی لە ئاو،کارەبا،کارو،نان وپێداویستیەکانی تر بکات،خێرا قەوانەکەیان بۆ لێدەدایەوە،کە بەعس ماوەو کوردوستان لە خەتەردایەو،جارێ کاتی ئەم شتانە نییەو دەبێت ڕێکەوتن بکەین وهەموو ئەمەیش لە پێناوی ئەوەدا خۆیان سەرۆک و سەرداری کوردوستان بن،هەر لەم ئان وساتانەدا بەم قسە پوچانە خەڵکیان بێدەنگ دەکردو خۆیشیان سامانیان کەڵەکە دەکردو هەنگاویان بەرەو دنیای فیرعەونایەتی دەناو ئەوەتا پێی گەیشتن،لە کۆتایشدا مەسعود بارزانی لەشەڕ لەگەڵ یەکێتیدا ئەو بەعسەی هێنایە سەر هەولێر کە خەڵکیان پێدەترساند.

بنەماڵەی بارزانی هیچ کاتێک لەسەر بیان و پەکیان ناکەوێ،هەرچی ڕێگای شەیتانانە هەیە دەیگرنە بەر ئەگەر لە ناوچوونی هەموو کوردیش بێت،تەنها بۆ مانەوەی خۆیان،ئێستایش وەختێک مەسعود هەمان قەوان لێدەداتەوە کە کوردوستان لە خەتەردایەو شەڕی داعش هەیە،خۆی دروستکەری هەموو ئەزمەکانە و پشکی گەورەی هەبوە هەر لە خولقاندنی شەڕی داعشەوەو هێنانیان بۆ سنورەکانی کوردوستان،هەتا هێرشی داعش بۆ ڕۆژئاواو،مەسەلەی تێکشکاندنی  ئابوری و نەبوونی کارەباو  زۆر لە پێداویستیەکانی تر.

بۆیە هێزەکانی تری کوردوستان،نابێت بچنە ژێر ڕکێفی هیچ هەڕەشەیەکی مەسعود بارزانی و دەبێت و مێژوو داوامان لێدەکات بەهەر نرخێک بێت  ئەم ئەهریمەنە چاوچنۆک و  دیکتاتۆرە بچوکە بخەنەوە دەرەوەی سەرۆکایەتی هەرێم و ناکرێت لەژێر هیچ بیانویەکدا شەرعیەت بە مانەوەی بدرێت لە پۆستی سەرۆکایەتی هەرێمدا.

تەفسیری” تەوافق وسازان” سەردەمی بەسەرچوەو ناماقوڵیەکە مەسعودو پارتی دەیکەن بۆ مانەوەی خۆیان، هەموو لایەک لەوە دڵنیا بوون، هەر”تەوافق وسازان”ێک بە قازانجی مانەوەی مەسعود نەبێت ئەوان قبوڵی ناکەن و بە سازانی نازانن،سازان لای ئەوان واتای مانەوەی مەسعودە لەو پۆستەداو هیچ گومانمان نییە،ئەگەر دوو چوارساڵی تریشی بدەنەوەو لەگەڵی بسازێن،دیسان لە دوای خۆی کوڕەکەی دەهێنێت و هەمان ئەم فەزاو ئاژاوەیەی ئێستا دەخولقێنییت و کۆمەڵێ بیانوو  دەهینێتەوە،تا پۆستی سەرۆکایەتیو  حکومەت و سامانە سروشتیەکان هەرلە دەستی خۆیاندا بێت.

مانەوەی مەسعود بارزانی و”تەوافق وسازان” لەگەڵ پارتی بۆ مانەوەی سوکایەتی وغەدرێکە لە یاساو دیموکراسیەت  دەکرێت و بێحورمەتیەکەی گەورەیە بە دنیا ئالوگۆڕ لەدەسەلاتدا بە ڕێگای دیموکوراسی.

 

تایبەتمەندییەکان: هەواڵەکان

زیادکردنی وەڵام