بەشار ئەسەد، سەرۆکی رژێمی سوریا لە نوێترین چاوپێکەوتن تەلەفیزیۆنیدا هێرشی زۆر توندی کردە سەر حکومەتی تورکیا و رەجەب تەیب ئەردۆگانی سەرۆکی و بە “دز و تاڵانچی” ناویبردن.

ئەسەد لەو دەرکەوتنە نوێیە رۆژنامەوانیەیدا کە  بۆ یەکەمجار دوای حەوت ساڵ لە جەنگی ناوخۆی ئەو وڵاتە، بۆ یەکەمجارە لەسەرجەم تەلەفیزیۆنە ناوخۆیەکانی ئەو وڵاتە چاوپێکەوتنێکی پەخش بکرێت لە بەشێکی دیکەی وتەکانیدا تورکیای وەکو “بەکرێگیراوی و وەکیلی ئەمریکا ناساند و وتی”ئەمریکا تورکیا هەڵدەسوڕێنێت”.

لە وتەکانیدا ئاماژەی هەرەشە ئامیزی ئاراستەی سەرکردایەتی و حکومەتی تورکیا کرد و وتی” حکومەتی داگیرکاری تورکیا بۆ خۆسەپێنی هاتوەتە ناوخاکی سوریا، کاتێک هیچ چارەسەرێکی دیبلۆماسی قەبوڵناکات بپ پاشەکەشە، ئەوا هیچ بژاردەیەکمان نیە جگە لەجەنگ لە دژی”.

ئەوە لە کاتێکدایە، ماوەی چەند رۆژێکە پێکدادانی پچر پچر لەنێوان سوپای سوریا و چەکدارانی سەر بە سوپای تورکیا لە ناوچەکانی باکور و رۆژئاوای سوریا رودەدات.

بەشار  لە وتەکانیشیدا  کوژرانی  بەغدادی بەدرۆخستەوە و وتی “ئەگەر راستباوەیە دەبو تەرمەکەی پیشان بدرایە”

تایبەتمەندییەکان: هەواڵەکان

زیادکردنی وەڵام