لەمیانی بۆنە و ئاهەنگەكانی تایبەت بە 105ەمین ساڵیادی لەدایكبونی ، ژمارەیەك كەس روفاتی ماهاتما گاندی، پێشەوای رۆحی و سیاسی هیندستان-یان دزی.

رۆژنامەی ئیندیا تودەی و ژمارەیەك ئا ژانسی هەواڵی ناوخۆی هیندستان بڵاویانكردەوە، چوارشەممەی رابردو رێكەوتی 2ی تشرینی یەكەم لەمیانی بەڕێوەچونی ئاهەنگەكان بە بۆنەی 105ەمین ساڵیادی رۆژبونی ماهاتما غاندی-دا، ژمارەیەك كەسی نەناسراو روفاتەكەیان لە پێگەكەی خۆی دزیوە.

 لە شوێنی روفاتەكە نوسیویانە “ناپاك-ی گەل
ئاماژە بەوەشكراوە، لەكاتێكدا گورمیت سینگ سەرۆكی ئەنجومەنی ناوخۆی شاری ریوا، ئەو شارەی كە روفاتەكەی غاندی تێدابوە بە مەبەستی بەرزڕاگرتنی یادی رۆژبونی غاندی چوەتە ئەو شوێنەی روفاتەكەی لێبوە، دركی بە دزینی روفاتەكە كردوە، چونكە ئەو كەسە نەناسراوانە لە شوێنی روفاتەكە نوسیویانە “ناپاك-ی گەل”.

شوێنكەوتە و لایەنگری ئەو پیاوە هیندیە دەمارگیر و رەگەزپەرستەن كە غاندی كوشتوە

بەگوێرەی وتەكانی سینگ، ئەو كەسانەی هەستاون بە رفاندن و دزینی روفاتی غاندی، شوێنكەوتە و لایەنگری ئەو پیاوە هیندیە دەمارگیر و رەگەزپەرستەن كە غاندی كوشتوە و پێویستە دەستبەجێ بەرپرسان لێكۆڵینەوە لەو كارە نابەجێیە بكەن.

پاش تێپەڕبونی زیاتر لە 70 ساڵ بەسەر مردنیدا، تا ئێستاش غاندی كاریگەری لەسەر ژمارەیەك كەسی زۆر هەیە و لە هەمانكاتدا بەهۆی بیر و باوەڕەكەیەوە سەرچاوەی رق و كینەیە بۆ هیندۆسیە توندڕە و رەگەزپەرستەكان، كە بە بڕوای غاندی بەكارهێنانی توندوتیژی یاساغە و دەیویست رێز لە مافەكانی موسولمانان و سەرجەم كەمینەكانی وڵاتەكەی بگیرێت.

 

تایبەتمەندییەکان: هەمەڕەنگ

زیادکردنی وەڵام