ئەوەی هەمووان لەسەری هاوڕاین بوونی گەندەڵیەکی زۆر و زەوەندە لە تەواوی سێکتەرە جیاوازەکانی ژیانی کۆمەڵگای کوردی لەسایەی سیستە حوکمداری هەرێم.. وەبەڕادەیەکیش ڕۆچۆتە شادەمارەکانی ئەم وڵاتە تائاستی خێزان شۆڕ بۆتەوە و ملدەنێ بەرەو داڕمانێکی ترسناکی قیەمی (ئەخلاقیاتی کۆمەڵایەتی، سیاسی،ئابوری، ڕاگەیاندن، پەروەردەی زانستی)..

دیارە ئەمە لەئەنجامی کەڵەکە بوونی ئەو نادادپەروەرییە هەمەلایەنەوە سەرچاوەی بەست کەڕوحیەتی (چەک) سازی و بەرژەوەندی حیزبی پێش زەروریەت و بەرژەوەندیە باڵاکانی میللەت خرا ئەکرێت بڵێین سوودمەندی ئەم کارەساتە بەپلەی یەک حیزب و پاشان چەند کەسانێک لە حیزب بوو قارەمانی ئەم مەیدانەش لای هەمووان مەعلومە…. هەرچەندێکی لەبارەوە بوترێت یان بنووسرێت ڕاستە…. ئەوەی لەوە گرنگترە هەنگاوی چارەسەرە ئەشێ قورس بێ هاوکات پلان و بەپێی تایبەت مەندی سێکتەر ماوەی کورت مەودای پێویستە….

بەڵام ئەوەی ئەمری واقعە هەنگاوی کرداریە و ئەرکی لەپێشینەو پلەیەکی ئەم کابینەی حکومەتە کۆی گشتی لایەنە جیاوازەکانی (زانکۆ، ڕاگەیاندن، لایەنە سیاسییەکانە) تادەگاتە هاوڵاتیەک بەپێی تایبەتمەندی و لەشێوازێک لەشێوازەکان بەرپرسیاریەتی لە ئەستۆیە ئەم دۆخە ڕاست بکرێتەوە، چونکە لەم هەلومەرجە گێژاوە سیاسییەی ئێستا سەرباری ئەوەی کەچاکسازی اعتیبارو متمانەی هەرێمی لەسەر ئاستی نێودەوڵەتی پێوە بەندە، لەوەش خراپتر ئەگەری تێکچوونی دۆخی سیاسی و ئابووری هەرێمی پێوە بەندە تاڕادەی لەدەستدانی ئەزموونی هەرێم.

دیارە ئەمجارەش هەموومان لەیەک کەشتی داین ئەمەش لەهەمووان و هەریەک لەلایەنە سیاسییەکان ، پەڕلەمان، حکومەت، دامەزاوەزانستیەکان و  زانکۆکان، بیرمەند و ڕۆشبیرەکان هتد……. بەشێوەیەکی زانستی پلان بۆداڕێژراو دەخوازێت هەنگاوی جدی و هاوکاربن لەچارەسەری گەندەڵی.. ڕێگەنەدرێت بەعەقڵیەتی (چەک) سازی و بەبیانوی گۆڕانکاری باڵانسی هێز لەتیۆری هەرزەی سیاسی کەخزمەت بەگیرفانی نوخبەیەک زیاتر ناکات دۆخی هەرێم بکرێتە قوربانی.

تایبەتمەندییەکان: وتارو بیروڕا

زیادکردنی وەڵام