ئه‌یمه‌ن زه‌واهیری، سه‌رۆكی ڕێكخراوی قاعیده‌ دووچاری نه‌خۆشییه‌كی مه‌ترسیدار بووه‌، له‌ ئێستاشدا گفتوگۆ بۆ دانانی كه‌سێك ده‌كرێت وه‌ك شوێنگره‌وه‌ی زه‌واهیری بۆ به‌ڕێوه‌بردنی ڕێكخراوی قاعیده‌.

به‌گوێره‌ی ڕاپۆرتێكی كه‌ناڵی عه‌ره‌بییه‌، ئه‌یمه‌ن زه‌واهیری دووچاری دوو نه‌خۆشی مه‌ترسیدار بووه‌ كه‌ یه‌كه‌میان شێرپه‌نجه‌ی جگه‌ر و ئه‌وه‌ی دیكه‌یان نه‌خۆشی دڵه‌، هه‌روه‌ها پێویستی به‌ چاندنه‌وه‌ی جگه‌ر ده‌كات به‌ڵام به‌هۆی ئه‌وه‌ی له‌ لیستی تیرۆرسته‌ داواكراوه‌كاندایه‌، بۆیه‌ ناتوانێت بچێته‌ نێو هیچ نه‌خۆشخانه‌یه‌كی جیهان.

له‌ئێستادا گفتۆگۆیه‌كی گه‌رم له‌ئارادایه‌ بۆ دانانی شوێنگره‌وه‌ی ئه‌یمه‌ن زه‌واهیری كه‌ باس له‌چه‌ندین ناوده‌كرێت له‌وانه‌:

ئه‌بو محه‌مه‌د میسری، كه‌ ساڵی 1963 له‌میسر له‌دایكبووه‌ و یاریزانی تۆپی پێ بووه‌ له‌ یانه‌ی غه‌زه‌ل-ی وڵاته‌كه‌ی، به‌هۆی ئه‌وه‌ی ڕۆڵی هه‌بوو له‌ته‌قاندنه‌وه‌ی باڵیۆزخانه‌ی ئه‌مریكا له‌ ته‌نزانیا و كینیا له‌ساڵی 1988، ئه‌مریكا ناوی ئه‌بو محه‌مه‌دی خسته‌ نێو لیستی تیرۆرسته‌ داواكراوه‌كانه‌وه‌ و پاداشتی 10 ملیۆن دۆلاری بۆ هه‌ر كه‌سێك ته‌رخانكرد، ئه‌گه‌ر زانیاری له‌باره‌ی ئه‌بو محه‌مه‌د میسری بداته‌ ئه‌مریكا.

محه‌مه‌د سه‌ڵاحه‌دین زێدن كه‌ ناسراوه‌ به‌ سه‌یف عه‌دل، یه‌كێكی دیكه‌یه‌ له‌و كه‌سانه‌ی بۆ شوێنگرتنه‌وه‌ی ئه‌یمه‌ن زه‌واهیری ناوی ده‌هێندرێت.

سه‌یف عه‌دل تێوه‌گلاوه‌ له‌ هه‌وڵدان بۆ تیرۆركردنی حه‌سه‌ن ئه‌بو پاشا، وه‌زیری پێشووتری ناوخۆی میسر له‌ساڵی 1987.

تایبەتمەندییەکان: هەمەڕەنگ

زیادکردنی وەڵام