وەزیری بەرگری ئێران رایگەیاند بەشێوەیەکی ئاسایی و بەردەوام تاقیکردنەوەی موشەکی ئەنجامدەدەن.
بەپێی هەوالێکی ئاژانسی مەهری نیمچە فەرمی ئێران، دوانیوەڕۆی ئەمڕۆ ئەمیر حاتەمی وەزیری بەرگری کۆماری ئیسلامی ئێران رایگەیاندوە بەشێوەیەکی ئاسایی و بەردەوام تاقیکردنەوەی موشەکی ئەنجامدەدەن.

وەزیری بەرگری ئێران راشیگەیاندوە، پرۆگرامەکانی توێژینەوەی سەربازی سوپاکەیان ساڵانە تاقیدەکرێنەوە و ئەو موشەکانەش لەچوارچێوەی ئەو بەرنامانەدان.

رۆژی چواری ئەم مانگە بەرپرسێکی ئەمریکا رایگەیاند وڵاتەکەی بەشێوەیەکی سەرکەوتوانە موشەکی بالیستیکی مامناوەندی تاقیکردۆتەوە کە توانای رۆشتنی 1000 کیلۆمەتری هەبوە.
هاوکات، بەرپرسە باڵاکەی کۆماری ئیسلامی ئێران رایگەیاند تاقیکردنەوەی موشەکەکانیان لەچوارچێوەی بەرنامەی بەرگری وڵاتەکەیدایەو دژی هیچ وڵاتێک نیە.

وتیشی بۆ ئەنجامدانی تاقیکردنەوە موشەکییەکانیان، پێویستیان بە فەرمان و رەزامەندی هیچ وڵاتێک نیە.

لەبارەی ئەنجامدانی چالاکی هاوبەشی سەربازی لەگەڵ روسیا لەکەنداو، وەزیری بەرگری ئێران رایگەیاند تائێستا نەگەشتونەتە ئەنجامی کۆتایی، بەڵام روسیا هاورێیانە.

تایبەتمەندییەکان: هەواڵەکان

زیادکردنی وەڵام