من ئەو شەپۆلەم
ئارام ناگرم
بە ئاسانی
سەری سازش نالەقێنم
هەردەم لە هات و چۆ
لەیەک شوێن ناحەوێمەوە
بێ قەرارم
من ، یانی سەفەر
   و
چاونەترسی من
هەردەم ڕۆشتن
   و
هەرگیز نەوەستانن
هەزاران کەنار بینین
   و
نەبینین
بە پرسیارە بێ وەڵامەکان
گەیشتن
من لە تەوری دەریا
لە نەوەکانی کانیاوی
وەک لافاووم
ئازاد تر لە ئازادی
خانوی بێ خانووم
كەنار دەریا ماڵی من نیە
كۆتایی کاری من نیە
هاودەرد و یاری من نیە
كەسێ کە یاری من نەبێ
لە چاوەڕوانی من نیە
دەنگی زیندو بوون لە هاوارما
بەڵام خامۆشم
بەسەر کەنارا
كە دونیا لە بیری ئێمەیا نیە
بۆ مەرگیش
لە ماڵەوە شوێنێک نیە
ڕەوا نیە
گەر بە خامۆشی دانیشم
دڵ لە دەریا دەرهێنان
كاری ئێمە نیە
من لە تەوری دەریا
لە نەوەکانی کانیاوی
وەک لافاووم
ئازاد تر لە ئازادی
خانوی بێ خانووم
“”””””’
17/7/2019
تایبەتمەندییەکان: هۆنراوە

زیادکردنی وەڵام