محەمەد جەواد زەریف، وەزیری دەرەوەی ئێران بە كەناڵی جەزیرەی راگەیاندوە، پێشتر بە ئاشکرای وتومانە ئێمە هیچ بەرژەوەندیەك لە گرژی نابینین.

زەریف وتیشی: كەنداو و گەروی هورمز گرنگی زۆریان بۆ ئێمە هەیە، ئێمە دەمانەوێت ئەو گەروە بۆ هەمو وڵاتان بە ئێرانیشەوە ئارام و ئازاد بێت، ئێران رێگە نادات، ئەمریكا گەروی هورمز روبەڕوی نائارامی بكاتەوە.

وەزیری دەرەوەی ئێران لەبارەی ناوهێنانی ئێران بە سەرچاوەی ناسەقامگیرییەكانی ناوچەكە لەلایەن ئەمریكا، ئیسرائیل و سعودیەوە وتی: “ئێستا كێیە دەستی وەرداوەتە سودان و لیبیا؟ كام وڵاتانە گەمارۆیان خستە سەر قەتەر؟ كێ پیلانی كودەتای لە توركیا داڕشت؟ سەرنجی روداوەكانی ئەم وڵاتانە بدەن، ئایا ئێرانە دەست وەردەداتە ئەم وڵاتانە؟”.

جەواد زەریف وتیشی: ترامپ دەڵێت ئەمریکا حەوت ترلیۆن دۆلاری لە ناوچەکەی ئێمە خەرج کردوە، بەڵام ترەمپ ناوچەكەی لەناوبرد، خوێنی ژمارەیەكی زۆر لە ئەمریکییەکان لە ئەستۆی ئەوە، چونكە بەبێ هیچ هۆكارێك لە ناوچەكە كوژران

تایبەتمەندییەکان: هەواڵەکان

زیادکردنی وەڵام