پاش چوار مانگ لەبەردەوامی، ئەمڕۆ جارێكی دیكە هێلەك زەردەكانی فەرەنسا رژانەوە سەر شەقامەكانی پاریس و توندوتیژیشی لێكەوتەوە.

بەپێی هەواڵێكی ئاژانسی رۆیتەرز، ئەمڕۆ شەممە 16/3/2019 خۆپیشاندەرانی فەرەنسا كە بەهێلەك زەردەكان بەناوبانگن، پاش چوار مانگ لەبەردەوامی، ئەمڕۆ جارێكی دیكە رژانەوە سەرشەقامەكان و ئاگریان بەردایە بانقێك و چەند دوكانێك.

خۆپیشاندانی هێلەك زەردەكان چوار مانگ بەرلەئێستا لەپاریسی پایتەختی فەرەنساوە دژی ریفۆرمە بازرگانییەكانی ئیمانیۆل ماكرۆنی سەرۆكی فەرنسا دەستیپێكرد و تا ئێستا بەردەوامە.

پۆلیسی ئەو وڵاتە بەگازی فرمێسكڕێژ وەڵامی توندوتیژی خۆپیشاندەرانی دایەوە و هەوڵی بڵاوەپێكردنیان دا.

1500 خۆپیشاندەریان تەنها بۆ دزین و بەتاڵانبردنی دوكان و شوێنەگشتییەكان بەشدارییان كردوە

 

بەپێی زانیارییەكان پۆلیس 80 خۆپیشاندەری دەستگیركردوە و خۆپیشاندەرانیش كەلوپەل و دوكانەكانی بازاڕی ( چامپس ئێلسیس)یان بەتاڵان بردوە و چێشتخانەیەكی بەناوبانگی ئەو ناوچەیەشیان بڕیوە.

لای خۆشییەوە كریستۆف كاسنەر وەزیری ناوخۆی فەرەنسا رایگەیاند بەبەراورد بەخۆپیشاندانی ماوەكانی رابردو، رێژەی بەشداربوانی خۆپیشاندانی ئەمجارە كەمبون و رێژەیان 8 هەزار بەشداربوی تێنەپەڕاندوە.

وتیشی لەو رێژەیە 1500 خۆپیشاندەریان تەنها بۆ دزین و بەتاڵانبردنی دوكان و شوێنەگشتییەكان بەشدارییان كردوە، لەبەرئەوە رێنماییان داوەتە هێزەكانی پۆلیس توندتر مامەڵە لەگەڵ خۆپیشاندەران بكەن.

تایبەتمەندییەکان: هەواڵەکان

زیادکردنی وەڵام