زانایانی جیهانی ، هۆشداریانداوە لە ئەگەری رودانی جەنگی جیهانی سێیەم و رایانگەیاندوە ماوەكەی زۆر كورتخایەندەبێت و لە 20 خولەك بۆ یەك كاتژمێر زیاتر ناخایەنێت.

بە پێی ئاژانسی سپۆتینگى روسى، جەنگە جیهانیەكانی رابردو بۆ ماوەی چەندین ساڵ بەردەوامبون، بەڵام بە بەرچاوخستنی روبەڕوبونەوە جیهانیەكانی ئێستا، ئەگەر جەنگی جیهانی سێیەم روبدات، ماوەكەی زۆر كورتخایەندەبێت.

زانایان ئاماژەیان بەوەشداوە، ئەگەری هەیە لە جەنگەكەدا براوەیەكی دیاریكراو بونی نەبێت، ئەوەش بەهۆی ئەو وێرانكارییە مرۆیی و ماددیانەی لەلایەن وڵاتانی زلهێزەوە دەبێت، كە بە بەكارهێنانی موشەكی ئەتۆمی كیشوەربڕ و دورهاوێژ هێرشەكانیان ئەنجامدەدەن.

جەنگەكە لەنێوان ویلایەتە یەكگرتوەكانی ئەمریكا و روسیا و چین، لە بەرواری 22ی ئازاری ئەمساڵدا رودەدات

 

ئەوە لە كاتێكدایە ماڵپەڕی Breakingisrailnewsی ئیسرائیلی، زانیاری لە بارەی جەنگی جیهانی سێیەمەوە بڵاوكردوەتەوە و ئاماژەی بەوەكردوە جەنگەكە لەنێوان ویلایەتە یەكگرتوەكانی ئەمریكا و روسیا و چین، لە بەرواری 22ی ئازاری ئەمساڵدا رودەدات.

هاوكات توێژەرەوانی بواری سیاسی، گومانیان لەو زانیاریانە هەیە و دەڵێن، كاتێكی كەم بۆ ئەو بەروارە لەبەردەستدایە، لەكاتێكدا بۆ رودانی جەنگێكی دیكەی جیهانی كاتێكی زۆرتر پێویستە.

تایبەتمەندییەکان: هەواڵەکان

زیادکردنی وەڵام