باس لەکوردی نوێ دەکە ین . چەند ئەخلاقێکی کۆمەڵایەتی و سیاسی و
سەربازی   پڕ گرنگی تیایە  بەخاڵ دەخەینە ڕوو.
۱/ئازاو خۆڕاگرو تەسلیم نەبوون و پڕ ئیرادەن.
۲/بەر لەهەر دەوڵەت و  هێزێک پشت بەخۆیان دەبەستن . دۆستایەتی و هاوپەیمانیش ڕەت ناکەنەوە . بەڵام نابنە کارتێکی هەرزان بەدەست هیچ دۆست و هاوپەیمانێک ، تا لەبەرژەوەندی خۆیان بەکاریان بهێنن .
۳/لەڕووی دبلوماسیەوە ژن و پیاویان لەهەوڵدان و بەئاگاو هوشیارو دڵسۆزن .
٤/  خاوەن ئەخلاقێکی بەرز ی کۆمەڵایەتین ڕاستگۆو دەست پاکن . بەدسپلین و خاوەن  پرانسیپن .
٥/ بنیاد نەرو پڕ ئیرادەو هیلاک نابن لەکار کردن .
٦/لەڕووی ئابوریەوە پشت بەکشتوکاڵ و ئاودێری دەبەستن . ژینگەیان لا خۆشەویست و پیرۆزە . بۆ کارگەیەک دارو درەخت لەبن دەرناکەن بەڵکو دار دەڕوێنن .
۷/بەردەوام خەریکی فێر بونن لەڕێی  پەروەردەی بەردەوام ، ڕەخنەو ڕەخنە لەخۆگرتنی بەردەوام نوێ بوونەوەی بەردەوام دەخوڵقێنن  چەق بەست و دۆگما نین.
۸/ خاوەن فکرو فەلسەفەی خۆماڵین بۆ فێر بوونی زانستی سیاسەت ،بنەما پەروەردەییەکان .خاوەنی کتێبی پڕ گرنگ و فەلسەفین.
۹/  خیانەت ، گەندەڵی ودزی ناکەن،  خۆیان بەپیاو ی ئەم دەوڵەت و ئەو دەوڵەت نازانن .
پاک ، دڵسۆز ، وڵات پارێز ، دیموکراتی و ئازادی خواز . دور لە ڕەگەزپەرستی قەومی و ئاینی و مەزهەبین .
۱٠/
بۆخۆیان هێزن لەناوچەکەو هاوکاری و پێکەوەژیانی ئاشتیانەی گەلانیان بەبنەما گرتووە . خاوەن هێزێکی سەربازی  گەورەو گرنگن لەژنان و پیاوان لەسەرجەم نەتەوەکان .
۱۱/ خاوەنی دنیا بینی خۆیانن (پارادایم ). بۆ کۆی جومگەکانی ژیان یەکسانی نێوان ژن و پیاو  ، سیاسەت وئەخلاق،فکر ،فەلسەفە ،ئابوری،کۆمەڵایەتی…….هتد
بڕوای تەواویان بەچەمکی دیموکراتی هەیە بۆ ژیان و پێکەوەژیانی گەلان و ئاین و ئاین زاکان بەگشتی.
۱۲/
بەهۆی ئەو پەروەردە فکری و فەلەسەفی و سیاسی و ئەخلاقیەی هەیانە .گەلانی ناوچەکە  ، والێ دەکەن کە دۆستی یەک بن نەک دوژمن . پێکەوە بەئاشتی و ئارامی  بژین نەک شەڕو کوشتارو کاولکاری .
۱۳/
ئەمە جگە لەوەی لەهەموو گۆی دنیاوە دۆستیان  هەیە. لەهەموو چین و توێژەکانی نەتەوە جیاوازەکان و ئاینە جیاوازەکان .
۱٤/ كوردی نوێ کوردێکی سیکولارو ئازادی و دیموکراتی خوازە.دورە لەستەمکاری و دەسەڵات خوازی .
۱٥/چی بۆخۆی پێ خۆشە بۆ هەموو گەلانیشی پێ خۆشە هاوکارو هەماهەنگیانە بۆ بەدیهێنانی ژیانی شایستە.
۱٦/دژ بە تیرۆریستانی قەومی و ئاینی جیهانە. شەڕ لەدژیان دەکات بۆلەناوبردنیان. لەشەڕدا ڕەچاوی پاراستنی مافەکانی مرۆڤ دەکات.مەدەنیەکان دەپارێزێت.
۱۷/کوردی نوێ خاوەن ڕێزێکی زۆرە لەتەواوی جیهان دا.بەهۆی ئەو ئەخلاقە بەرزەی هەیەتی
تایبەتمەندییەکان: وتارو بیروڕا

زیادکردنی وەڵام