تەنها لە ماوەی سێ مانگی ڕابردودا، زیاتر لە دووسەد بابەتی جوێن و سوکایەتی دژم نوسراوەو پەلامارم دراوەو تەخوین کراوم بە چەپەڵترین چەک بۆ تیرۆرکردنی کەسایەتیم، تەنها لەماوەی ئەم سێ مانگەدا هەزاران کەس تەنها بە منەوە مەشغوڵ بوون، جا یان دژم بوون یان پشتیوانیان کردووم.

نایشارمەوە کاتێک هەڵمسەنگاندوە ئەوئینسانە شەریفانەی پشتیوانیان کردووم زۆرینەی ڕەها بوون ، ئەمە بە جۆرێک بووە زۆربەی ئەو بابەتانەی دژم نوسراون، زۆرینەی کۆمێنتەکان ڕسواکردنی خاوەنی تەخوین چی و دزو درۆزنەکان بووە، ئەو خۆشەویست و مرۆڤە جوان و شەریفانە کەمترین مەجالیان نەهێشتۆتەوە تا من وەلام بدەم و خۆیان ئەو ئەرکەیان خستۆتە سەرشانیان، هەقمە شانازی بە هەموو ئەو ئازیزانە بکەم، هەقمە بڵێم ئەگەر ئەوانە نەبونایە، ئەگەر دڵسۆزی و وەفاداری ئەوانە نەبوایە، ڕەنگە مەیدانەکەم چۆڵکردایە، کاتێک ئەوانەم دیوە، ئیرادەم بالای بەرز بووە، هیوام گەشەی کردوە،هێزم وەک قەندیل پتەو سەر بەرز بووە.

نەیارەکانم هێندە جەبان و بێشەهامەت بوون، زۆرینەیان بە پەیجی زۆڵ ولاپەرەی بێ دایکو باوک پەلاماریان داوم ، هەیانە خۆی کردوە بەژن و ژنە خۆی کردوە بە پیاو، ئەمەیش دیسان لاوازی و درۆزنی و ساختەکاری ئەوانەو ڕاستگۆیی منە، ئاخر پیاو، ژنی مەرد بە ناوی خۆیەوە قسە دەکات و خۆی دەکاتە خاوەنی هەتا جوێن و سوکایەتیەکانی، دەبێت بپرسین،،تۆ ئەگەر ڕاست دەکەی بۆچی بە ناو،وێنەی خۆت دەرناکەوی؟ ئەگەر لەسەر هەقی بۆ وەک دز لە پشتی ناوی خوازیارو وێنەی خوازیارەوە پەلامار ئەدەی؟.

لە ماوەی ئەم سێ مانگەدا، نیو هێندە پەلاماری مەسعود بارزانی نەدراوە، کە خۆی و بنەماڵەکەی سەدان ملیارد دۆلاری خەلکیان دزیوەو دەیان هەزار کورد بە دەستی ئەوان یان کوژراون یان بە کوشت دراون، دەیان وسەدان مێدیاکارو نوسەرو شاعیر و ئازادیخوازیان تیرۆر کردوەو خیانەتی نیشتیمانی و نەتەوەیی نەماوە نەیان کردبێت.

نیوو هێندە پەلاماری بنەمالەی تالەبانی وسەرانی یەکێتی نەدراوە، کە سامانی گەلێکیان دزیوەو هەمویان تا لوتیان بە خوێنی کورد سورە.

من چڵێک لە داری نیشتیمانم نەشکاندۆتەوە،تەنها گوڵێکم لە باخچەیەک هەڵنەپروکاندوە، تەنها شۆربایەکی کوردیم لەسەر حسابی خائینان و کوردو خاک فرۆشان نەخواردوە، باڵندەیەکم ئازار نەداوە.

کەواتە دەبێت هەموو کەس تێبگات..ڕاستی وتن چ باجێکی گرانە،ئەو هەمو پەلامارە، ئەو دەریا تەخوین و سوکایەتیە، باجی وتنی حەقیقەتە هاوڕێ!.

تایبەتمەندییەکان: وتارو بیروڕا

زیادکردنی وەڵام