هندستان پەردەی لەسەر بەرزترین پەیكەر لەجیهاندا لادا، كە ژمارەیەكی پێوانەیی تۆماركرد.

ئەو پەیكەرە بەرزە سەردار ڤالابهبهای پاتێلە، كە سیاسی-یەكی بەناو بانگ‌و سەركردەیەكی كۆمەڵایەتی هندستان بوو لەخەبات  بۆ ئازادی،  كە دەرئەنجامەكەی سەربەخۆیی هندستانی لێهاتە ئاراوە لەساڵی ١٩٤٧ لە ژێر دەسەڵاتی داگیركاری بەریتانیا.

پەیكەرە زەبەلاحە درێژییەكەی ١٨٢ م بەرزە و دەڕوانێت بەسەر ڕووباری نارمادا لەباشووری هندستان لە ویلایەتی گوجارات، پەیكەرەكە ئامادەیە بۆ پەردە لەسەر لادان لە ٣١- ١٠ ، كێشی ئەم پەیكەرە بەنزیكەیی ١٨٥٠ تەن برۆنزە.

لە جیهاندا خەڵكی دەربارەی پەیكەری ئازادی لە ئەمریكا قسە دەكەن ، “ئێمە دەمانەوێت پەیكەری سەردار پاتێل دروست بكەین دوو هێندەی قەبارەی پەیكەری ئازادی بێت،” ئەمە وتەی نارێندرا مۆدی سەرۆك وەزیران بوو لە ساڵی  ٢٠١٣، پەیكەری ئازادی بە بنكە كەشیەوە ٩٣ م. بەرزە .

پرۆژەكە ڕاگەیەندرا لە ساڵی ٢٠١٠ لەكاتێكدا مۆدی تەنیا سەرۆك وەزیری ویلایەتی گوجارات بوو ، پەیكەرەكە دروست كراوە بەپاڵپشتی دارایی حكومەتی ویڵایەتی گوجارات‌و هاوكاری حكومەتی فیدراڵی هندستان، هەروەها چەند بەخشەرێكی تایبەتی.

بەپێی خەمڵاندنەكان نزیكەی ٤١٠ ملیۆن دۆلاری ئەمریكی تێچووەو لیژنەی سەرپەرشتی كردنی دروست كردنی پەیكەرەكە داوای لەخەڵكی كرد پارە بەپرۆژەكە ببەخشن بۆ ئەوەی پەیكەرەكە تەواو بكرێت ، مۆدی داوای لە جوتیارەكانی سەرتاسەری وڵات كرد كە ئاسن ببەخشن.

تایبەتمەندییەکان: هەمەڕەنگ

زیادکردنی وەڵام