هەتا بە مێژووی کوردا رۆبچی پەڵەیەک نابینی خوێنی تێدا نەرژابێ ، بەدرێژای مێژوو زۆربەی کات و بڵێین هەموو کات ئەم خوێنە بەدەستی کورد خۆی بوە کە لەجەستەی براکەی رژاوە ، هەموو کاتیش ئەم کارە لەپێناوی خۆشکردنی جێگای خۆی و مانەوەی خۆی بوە لە سەر کورسی دەسەڵات ، جا ئەم مانەوەیە لە هەر رێگایەکەوەبێت گرنگ نەبوە ، بەڵکوو ئەوەی گرنگ بوە خۆی بوە ئەو کەسە ، دواجار رسوای و تەشەر و تانە هیچ گرنگ نەبوە بەلایەوە .
 
ئەوەی لە کێلەشین رویدا لە بەروای 24/5/2015 لە نێوان هێزی پەکەکە و حیزبی دیموکرات ، دەست پێشخەری هەرکامێکیان بوو بێ بۆ شەر ، دروستکردنی گرفت و بەلارێدابردنی کێشەکان ، دۆرانی هەردوو هێزی سیاسی بوە چونکە جارێکیتر خوێنی رۆڵەیەکی کوردی تیادابوە قوربانی ، لەگەرمەی گەیشتنی کورد بەلوتکەی سەرکەوتن لەباکور و خۆرئاوە و باشور و ناخی گرگرتوی خۆر هەڵات ، کەتیایدا کوردی ئەگەیاند بە خەونی یەک ریزی بەڵام لەبری ئەوەی کورد سەرکەوێ دوژمنانی کورد خەریکن بەسەر ئەم  تەبایەی نێوان لایەنەکاندا ئەگەر یەکگرتوش نەبن سەردەکەون و تێکی دەشکینن .
 
ئەم شەرە شەرێکی ئاسای نیە ، ئەم شەرە شەرێکی کت و پر و تێک چرژاوی هەڵچوی نەگەیشتنی دووکەس نیە ، کەلە ئەنجامی بەریەک کەوتنی وتو وێژ و لێگیرانی یەکتر بێ ، بەڵکو ئەمە شەرێکی بەرنامە بۆ دارێژراوی پێشوەختەی قبوڵ نەکراوی سەرکەوتنی hdp لە باکورە کەخەریکە بەربەستی سەدا 10 دەبرێت و دەبێتە هێزێکی سیاسی لە باکور ، دەبێتە خەونێکی بەدی هاتووی گەلێکی ستەمدیدە کە زەمەنێکە تورکی فاشی بەهاوکاری ئەم ئەو رێگربوە لە گەیشتنی تاکی کورد بە پۆستە باڵاکانی وڵات ، 
 
تورک هەرگیز نەی هێشتوە لەگەڵ رێزم بۆکوردی خاک دۆست و نیشتیمان پەروەر کوردێکی کاسەلێس(جاش) بگات بە هیچ پۆستێک ، مەگەر ئەمرۆ بۆ شکاندنی هەیبەتی کورد هەندێکی لەوانەی بەدەوری کاسەیەوەن خستبێ تیە لستەکەیەوە ، ئەمەش لەبەر کورد نیە بەڵکو بۆ تێک شکاندنی تاکی کوردیە . 
 
ئەم شەرەی کێلەشین شەری چاوهەڵنە هاتووی هێزێکە کە چاوی بەسەرکەوتنی گەل و هێزک هەڵنایە ، کە لە خۆرئاوا گەیشتۆتە لوتکە و سەرکەوتنی گەورەی تۆمارکردوە ،  چاوی بەقارەمانێتی رزگار کەری ئێزیدیەکان هەڵانایە ، کە لەگەرما و تینوێتی رۆژگاری دەستی داعش رزگاریان کردن ، چاوی بەبەرگری هێزێک هەڵنایە کەلەمەخور بەرگری کرد و هەولێری نەخست ، 
 
ئەمانەو دەیان هۆکاری تر هەموو دەرچەکانیان دەگەرێتەوە بۆ یەک سەرچاوە ، ئەویش دوژمنانی کورد و خۆفرۆشانی کوردە ، کە دەیانەوێ بە هەر جۆرێک بێت سەرکەوتنی hdp لەباکور بەربەست بکەن و رێگای سەرکەوتنی لێبگرن ، چونکە ئەم سەرکەوتنە زەربەیەکی گەورەیە بۆ سەر بەرژەوەندی هەندێک هێز و پارسەنگی هێز لە ناوچەکە دەگۆریت ، بەم  خۆرشانەی خۆرهەڵات گەرمتر و گر و کڵپەی بەهێزتر دەکات . وەهەروەها بەم شەرە دەیەوێت هەژمونی پەژاک و پەل و پۆهاویشتینی لە خۆر هەڵات بوەستێنن 
 
بەم شەرە دەیانەوێت بە‌یزی کورد و قارەمانێتی شەرڤانان لە خۆرئاوە ناشیرین بکەن ، هەندێک هێز کە چەقیان بەستوە نەیان توانیوە بەهەر جۆرێک بێت خۆیان بسەپێنن ،  هەروەها دەیانەوێت کاریگەری شەرڤانانیش لەسەر خەڵکی شەنگال و خەڵکەکەی بەربەست بکەن ، بەهۆکاری جۆراو جۆر لە ناوخەڵکی ئێزدی بەشەرەف و تەواوی خەڵکی کوردستان ناشیرینی بکەن 
 
ئەوەی گرنگە ئەوەیە ، پەکەکە و حیزبی دیموکرات ، رێگا لەم کاتە ناسکە بەخۆیان نەدەن ، شەرێکی لەم جۆرە هەڵبگیرسێ ببێتە هۆی ناشیرین کردنی گەلی کورد و خەڵکی کوردستان لە سەرکەوتن دانەبرن ، چونکە دووژمنانی گەلی کورد ئەوەیان دەوێت، هەندێکیش لە هێزەکان بەدوای نائارامی کوردستانن ، چونکە کورسی ژێریان بەخوێنی رۆڵەی کورد بەهێز دەبیت ، خۆشتر دەبێت بۆدانیشتن ، بۆ پێشەوە بەرەو کوردستانێکی ئارام و نیشتمانێکی سەربەرز و رورەشیش بۆ بەرژەوەندی خوازن و تێکدەرانی یەکریزی کورد ،
تایبەتمەندییەکان: وتارو بیروڕا

زیادکردنی وەڵام