کاتێک مافیایەکەی نەخوێنەوارو چەتەی وەک جافر، لەسەر داوای پاڤێڵ تالەبانی کە هێشتا زمانی دایکی خۆی نازانێت و لە هەموو تەمەنیا زیپکەیەکی بۆ کورد نەتەقاندوەو مێشولەیەک پێوەی نەداوەو بۆ چرکەیەک برسی نەبوەو زەحمەتی نەکێشاوە.

بەڵێ کاتێک جافرە پاشەڵ پیس، لەسەرداوای پاڤێڵی کوڕی تالەبانی گردی زەرگەتە ئەداتە بەر ڕێژنەی گولەو کاک نەوشیروان بە مردویی تیرۆر ئەکات، بزوتنەوەی گۆران هێندە دڵ ئاوەلایە تەنها بە” داوای لێبوردنێ” دڵی باش ئەبێت و ئەیژەنێ؟،ئاخر خۆ یەکێتی تەپڵەکی جگەرەی نەڕشتوە”داوای لێبوردنی چی؟ ئەوە مەسەلەیەکی یاساییە، سەدان مرۆڤ بەر فیشەک دراوون، یەکێتیش وەک دز خۆی دائەگرێت وداوای لێبوردنەکەیش ناکات تا جەژنی قوربان دێت، لەمەیش بەدەر نزیکەی سێ مانگە یەکێتی دابەشی سەر دوو بەرە بوەو بەرەیەکیان ئامادە بوون بچنە سەر گۆڕی کاک نەوشیروان و لەوێ داوای لیبوردن بکەن، بەرەکەیتر کە کۆسرەت و مەلاو بەشێک لە مەکتەب سیاسیەکانن ئامادە نەبوون وڕەتیان کردۆتەوە، کاتێک هێرۆو کورەکانی دەچنە لای مەسعود بارزانی بۆ چەمانەوەو داوای لیبوردن لەسەر 16 ی ئۆکتۆبەر،ئەم بەشە لە مەکتەبی سیاسی لە راگەیاندنێکدا بە بۆنەی جەژنی قوربانەوەولە تۆڵەی ئەوچونەدا داوای لیبوردن ئەکەن،،نەک ئەوەی یەکێتی وەک حیزبێکی خاوەن یەک گوتاری داوای لیبوردن بکات لەسەر ڕوداوێکی دیاریکراو.

یەکێتیش بەشی خۆی سەگەو دابەش بووی سەر دوو باڵی گەورەو چەندین بالی بچوکن،تابەشێکیان نەچونە لای مەسعود، هیچ گروپێکیان نەیان توانی قسە لەم بارەیەوە بکەن.

سەرانی زەلیلکراوی گۆران کە لەو ڕۆژەوە تەقە لە گردەکە کراوە دڵیان خەریکە ئەتەقێ بۆ هاتوچۆی دەباشان و لە خوا ئەپاڕانەوە کە بەڵکو ئێ، یەکێتی لە سوچی بەیاننامەیەکدا داوای لێبوردنێ بکات و ئەمانیش گردی دەباشان بکەنەوە بە ڕێگای کانی، ئەبێت سوپاسی جەژن و چونی باڵێکیان بۆلای مەسعود بکەن کە ئەو خێرەیان بۆسەرانی گۆران هەبوو،بەشێک لە یەکێتی داوای لیبوردن و گەردن ئازادی بکات بە جۆرە هەرە لاواز وگاڵتەجاڕیەکەی”.

ئەوەی کە خاڵی لاوازی و حساب نەکردنە بۆ گۆڕان ئەوەیە،لە پەیامی جەژنە پیرۆزەدا، داوای لێبوردنەکە کراوە، نەک تایبەت بە خودی ڕوداوەکە، بە ناوی مەکتەبی سیاسیەوە کراوەو پەیوەندی بە کێشمەکێشی باڵەکانەوە هەیە،نەک باواڕ بوون بە خودی “داوای لێبوردنەکەیش” لێرەدا ئیتر داوای لیبوردن بکرێ یان نەکرێ وەک یەکەو هیچ قیمەتێکی نیە.

یەکێتی ئەڵێ:

“داوای لێبوردن و گەردن ئازادیی، لەبزوتنەوەی گۆڕان ئەكەین، كە ئەگەر هەر رووداوێك، لەدەرەوەی بڕیاری رەسمی یەكێتیی نیشتمانیی كوردستان نیگەرانی كردبێتن، بەتایبەت لەو رووداوەی كە بەهۆی كۆی كێشەكانی شەوی تەتەڵەكردنی دەنگەكانی هەڵبژاردنی رابردوودی ئەنجومەنی نوێنەرانی عێراق لە(12/5/2018)، رویدا.”

ببینن!هەزاران گولەی ناوە بە دڵی گۆڕان و گۆڕانخوازانەوەو زەبونانە ئەلێت”لە دەرەوەی بڕیاری یەکیتی نیشتیمانی” واتە مەسەلەکەی کردوە بە شەخسی،لەکاتێکدا گوێدرێژیش ئەزانێ ئەوەی هێرشی کردە سەر گردی زەرگەتە ماڵ تالەبانی و یەکێتی بوو، لە ڕێگای جافرەوە،ئەوە کەی کێشەی ئیمەیە، ئیوە خۆتان پارچە پارچەن و کەستان کاغەزی کەستان ناخوێنێتەوە، ئەوەی مەسئولە لەم بەربەریەتە خودی یەکێتی نانیشتیمانیە، بە هەموو باڵ و لق و پۆپێکیەوە.

هێشتا گۆڕان قەرزار ئەکەن وئەڵێن””ئەم پەیامەشمان، لەهەستی بەرپرسیارێتمان بەرامبەر بەچارەنوسی گەلەكەمان‌و هەموو لایەنە سیاسییەكان‌و چارەسەركردنی كێشە سیاسی، ئابوریی‌و كۆمەڵایەتییەكانەوە، هەڵدەقوڵێت.”.

نەک ئەوەی خۆیان بە تاوان بار بزانن و بە ڕەسمی داوای لیبوردن بکەن و چاوەڕوان بکەن ئایە گۆران بەوە ڕازی ئەبێت؟ ئەسڵەن گۆران بەچ هەقێک کێشەیەکی ئاوا بە داوای لێبوردنێک” ئەخاتە لاوە؟ لە کاتێکدا ئەبێت دادگاو دادوەرو یاسایەک بوونی هەبێت، تا تاوانباران سزا بدرێن و فێر نەبن بە سەرخۆشی پەلاماری نەک گردی زەرگەتە،،هی منداڵێک بدەن،ئەم شەقاوەچێتیە کە 28 ساڵە بەردەوامە ئەبێت بەری پێبگیرێت و ڕسوا بکرێت، ئەمانە باشوری کوردستانیان کردۆتە غابات، کێ دەسەلاتی هەبوو بێ دەسەلات بخوات،کێ چەکی پێ بوو پەلاماری بێچەکان بدات.

ئەگەر بزوتنەوەی گۆڕان بەو داوای لێبوردنە ساختەچیانەیە دڵخۆش بێت،،ئەوا بۆ ئەوە باشە، هەر ئەوە بەشیان بێت،خۆ ئەگەر سەد بارەیش بێتەوە،ئیتر هیچ کەسێک ئامادە نیە بە دێڕێک دیفاعیان لێبکات،ئەسڵی کێشەکە پەیوەندی بە داوای لێبوردنی کەسەوە نیە.یەکێتی نیشتیمانی قەرزدارەو ئەبێت قەرزەکەی خۆی بداتەوە،بەڕێگایەک لەڕێگاکان،کە ئەگەر دەولەتی یاسا بوونی هەبیت،ئەبێت سزا بدرێن و باجی کەرێتیەکەی خۆیان بدەن.

ئارام ئەحمەد
23/08/2018

تایبەتمەندییەکان: وتارو بیروڕا

زیادکردنی وەڵام