وەزیری دەرەوەی ویلایەتە یەكگرتووەكانی ئەمەریكا راگەیاند، وڵاتەكەی پابەندە بە رووبەڕووبوونەوەی هەڕەشەكانی ئێران بۆ داخستنی گەرووی هورمز.

لەمیانی چاوپێكەوتنێكدا لەگەڵ كەناڵی سكای نیوز، مایك پۆمپیۆ، وەزیری دەرەوەی ئەمەریكا جەختیلەوەكردەوە، ئەمەریكا پابەندە بە پاراستنی گەرووی هورمز بۆ جموجوڵی بازرگانی و گەیشتنی نەوت بۆ هەموو جیهان .

ئاماژە بەوەشكرد، وڵاتەكەی كاردەكات بۆ رێگریكردن لە چالاكییەكانی ئێران لە یەمەن و عێراق و سوریا و لوبنان.

پۆمپیۆ رونیشیكردەوە، ویلایەتە یەكگرتووەكانی ئەمەریكا كار دەكات بۆ مسۆگەركردنی پابەندبوونی جیهان بۆ جێبەجێكردنی ئەو سزانەی كە بە سەر ئێراندا سەپاندوویەتی، جەختی لەوەشكردەوە كە وەرگرتنی نەوتی ئێران لە دوای 4 تشرینی دووەمی ئەمساڵ بە پێشێلكردنی سزاكانی ئەمەریكا دەزانن.

5ی ئەم مانگە، فەرماندەی سوپای پاسدارانی شۆڕشی كۆماری ئیسلامی ئێران رایگەیاند، گەرووی هورمز یان دەبێت بۆ هەمووان بێت، “یان هیچ وڵاتێك ناتوانێت بەكاری بهێنێت”.

محەمەد عەلی جەعفەریی، فەرماندەی سوپای پاسدارانی شۆڕشی كۆماری ئیسلامی ئێران، بە ئاژانسی هەواڵی تەسنیم-ی وڵاتەكەی راگەیاندووە، هێزەكانیان ئامادەن هەرەشەكانی رابەرانی ئێران بۆ بلۆككردنی هەناردكردنی نەوتی خاو لە گەرووی هورمزەوە.

فەرماندەی سوپای پاسداران هۆشداریشیداوە ئەوان هیوادارن كە ئەو پلانەی لەلایەن ڕابەرانی ئێرانەوە دانراوە جێبەجێ بكرێت، ئەگەر پێویست بكات ویلایەتە یەكگرتووەكانی ئەمەریكا ناچاردەكەن تێبگات.

تایبەتمەندییەکان: هەواڵەکان

زیادکردنی وەڵام