ڕێبەری باڵای شۆڕشی ئیسلامی ئێران رایگەیاند، هێرشەكەی بەرەبەیانی ئەمڕۆی ویلایەتە یەكگرتووەكانی ئەمەریكا و بەریتانیا و فەڕەنسا بۆ سەر سوریا “جەنایەتە”.

بەرەبەیانی ئەمڕۆ هەریەكە لە ویلایەتە یەكگرتووەكانی ئەمەریكا و فەڕەنسا و بەریتانیا هێرشی ئاسمانیان بۆسەر بنكە كیمیاییەكانی رژێمی بەشار ئەسەد ئەنجامدا.

ئایەتوڵا خامنەیی پێش نیوەڕۆی ئەمڕۆ لەمیانی كۆبوونەوەیەوەكیدا لەگەڵ بەرپرسانی باڵای وڵاتەكەی جەختیكردەوە، “هێرشەكەی بەرەبەیانی ئەمڕۆی ئەمەریكا و بەریتانیا و فەڕەنسا بۆ سەر سوریا تاوانكاریە”.

ئاژەی بەوەشكرد، “بە ڕاشكاوی دەڵێم كە سەرۆكی ئەمەریكا و سەرۆكی فەڕەنسا و سەرۆك وەزیرانی بەریتانیا جەنایەتكاران و جەنایەتیان كردووە، هیچ سوودێكیشیان دەست ناكەوێت هەر بەو جۆرە كە لە عێراق و ئەفغانستان هیچیان دەست نەكەوت”.

ڕێبەری باڵای شۆڕشی ئیسلامی ئێران ئەوەشی خستەڕوو، “ئەوانەی تا دوێنێ بە ئاشكرا و نەهێنی یارمەتی داعشیان دەدا ئێستا، پاگەندە دەكەن كە ئێمە بەرەنگاری داعش بووینەتەوە ئەمە درۆیە و ئەوان هیچ ڕۆڵێكیان نەبووە”.

بەپـێی كۆمەڵەی سوریا بۆ چاودێری مافەكانی مرۆڤ بۆردومانەكانی ئەمەریكا و فەڕەنسا و بەریتانیا چەند بنكەیەكی گاردی كۆماری و فیرقەی چوار و ناوەندێكی توێژینەوەی لەشكری لە ناوچەی بەرزە و چەند بنكەیەكی لەشكری لە ناو دیمەشقی پایتەخت و شوێنی لەشكری لە دەوروبەری هەردوو فڕۆكەخانەی دیمەشق و مەزە كراونەتە ئامانج.

تایبەتمەندییەکان: هەواڵەکان

زیادکردنی وەڵام