مانەوەی بنەمالەی بارزانی بە درێژایی سەد ساڵی رابردوو،تەنها بەهۆی خیانەت وخۆخزانە باوەشی داگیرکەرانە،بەدەست ماچکردن و مامەحەمەییە،لەم پەیوەندەوە کۆ لە هیچ شەرم و شورەییەک ناکەنەوەوتا ناوقەدیان دەچەمێنەوەو بۆ کوردیش لوتیان لە ئاسمانە،ئەمە ئیتر کرۆکی ئەوانە،لێرەوەیە بۆ مانەوەی خۆیان،دەستی شاو ساواک ماچ دەکەن،پێش پاسدار دەکەون،جەندرمەی تورکی ئاغایانە، داعش بهێنن یان لەشکری بەعس لە سی و یەکی ئابدا،وەک یەکن،گرنگە ڕێگایەکە بۆ مانەوە.

هەموومان بیرمانە،بنەمالەی بارزانی و پارتیەکان چۆن پەلاماری مالکیان دەداو مەسعود تا ئەو دەرەجەیە تووشی هیستریا بوو بوو،دەیووت”ئەگەر مالکی سەرۆک وەزیران بێت ئێمە جیادەبینەوە”،ئەمە لەکاتێکدا مالکی و عەبادی و دنیایش گاڵتەیان بەم هەڕەشەی منداڵانەو کاڵفامانەیە دەهات.

تێگەیشتن وڕوانینی بنەماڵەی بارزانی لە چوارچێوەی بەرژەوەندیەکانی خۆیاندا،نەک نیشتیمان و گەلەکەمان وایلێکردوون،هەرچی نەیاری بەرژەوەندیەکانی ئەوان بوو وەک” بنەمالە” ئەوا وەک دوژمنی هەموو کورد بیناسێنن،هەتا کوردایەتی و بیری نەتەوەیی درۆینە،لای ئەوان بە پێوانەی قازانجی بنەماڵەکەی دەپێورێت،دەمێکە وتوومە،هەرچوار پارچەی کوردوستان ڕزگاری بێت،خۆیان حاکمی موتڵەقی نەبن،دژ دەبن،خۆیان دەچن دەستی داگیرکەر ماچ دەکەن و نیشتیمان و کوردی تەسلیم دەکەن.

ئێستاو دوای ڕیفراندۆمە فاشیلەکەی مەسعود،کە تەواوی دەولەتان لە ناوچەکەوە تا دنیای دەرەوە پشتیان تێکردن و لەشکستێکی حەتمیدان،وەک چۆن بەرامبەر یەکیتی وبۆ گرتنی هەولێر پەنای بە لەشکری سەدام برد لە سی و یەکی ئابدا،ئێستایش پەنای بە مالکی بردووە، ئەو مالکیەی کە تا پێش شانزەی ئۆکتۆبەر،لە ڕوانگەی بنەمالەی بارزانیەوە دوژمنی کورد بوو،بەڵام هەرکە بووبە دۆستی خۆیان،ئۆتۆماتیکی جاڕی بۆ دەدەن کە دۆستی کوردە.

وەک دەبینین،مەسعود بارزانی دەستی قاسمی سلێمانی ماچ دەکات،داوەتی دەکات بۆ سەری ڕەش،تالەگەڵ مالکی ئاشتی کەنەوە،بێئاگا لەوەی ئەوان سیاسەت دەکەن،سلێمانی بۆ بەرژەوەندیەکانی ئێران و مالک بۆ بەرژەوەندیەکانی عێراق وجودیان هەیە،لێرەوەیە هیچ ڕێکەوتنێک نایپارێزێت و ئەوانیش بۆ قازانجەکانی خۆیان بەکاریدەهێنن.

مەسعودو بنەمالەکەی چونکە بەوشاخانەوە ئاژەڵ ئاسا گیایان خواردوە،کاتی خۆیی پێیان وابوو،بەس مالکی بڕوات وعەبادی بێت زۆر مهیمە بۆ ئێمە،مالکی دوژمنە،خراپە، تاوانکارە،بەلام هەموومان سیاسەتەکانی عەبادیمان بینی،ئێستایش پێیان وایە بەس عەبادی بروات،مالکی بێت هەموو شت باش دەبێت،سیاسەتکردن،لەسەر بوون یان نەبونی ئەشخاس تەنها داماویە،دەبێت بنەمالەی بارزانی تێبگەن،مالکی بێت یان عەبادی،ڕەزاقی بێت یان فەتاحی،وەک یەکن،ئەو ئیتر گڵۆڵەی لە لێژیە.

با هەموو کوردو هێزە سیاسیەکان بزانن،ئەگەر ئێستا یەکێتی،یان گۆران وکۆمەڵ، هەر هێزێک بچوایەتە لای مالکی و هەوڵی ڕێکەوتنی بدایە،مێدیا دەمهەراشەکانی پارتی چیان نەدەکرد؟یەکسەر ئەو پەری وەتەنیەتیان دەگرت وباسکردنی فشە کوردایەتی وئای ئەمە خیانەتەو هەزارو یەک تێگەیشتن و قسەی قۆڕی تر،خەلکی کوردوستان هێزو لایەنە سیاسیەکان دەبێت ئەم بنمالەیە بناسن،نابێت لە ترسی تەخوینی درۆینەی ئەوان،ئاوا مەیدان چۆڵ بکەن بۆ بنەمالەی بارزانی،لەگەڵ کێ بیەوێ شەڕکات،لەگەڵ کێ بیەوێ ڕێکەوێت، هەرچی بڕیارە بە ئارەزووی خۆی بیدات،هەموویشی بەناوی کوردو کوردوستانەوەو پێچەوانەکەیشی راستە بۆ مانەوەی دەسەلاتی بنەمالەکەیانە.

دوای 16ی ئۆکتۆبەر،داوام لە بزوتنەوەی گۆران کرد،بچن لەگەڵ بەغدا ڕێکەوون،لانی کەم هەوڵی موچەی خەڵکو باشترکردنی ژیانیان بدەن،ئەوان لەترسی پارتی نەیان وێرا، دەنگدانەکەی عومەری سەید علی و خانەی راپەڕاندن لە ڕیفراندۆمدا هەمان ترس بوو،ترس لە پارتی تا تەخوینیان نەکەن.

تایبەتمەندییەکان: بابەتی هەڵبژاردە

زیادکردنی وەڵام